¹ Hano Mosesa ua kele muku litha vutunga vua va Ishemuene Yetolo, Mukuluntu ua ngeleka uamu Mindiane, Mosesa ua tua lele vutanga hale mumu thenge noho uaku hetele ku Hovele, Kundundu ya Kalunga Tata. ² Kuzhe kangelu ua Kalunga Tata uamu uanene kuhitila mumu lengi ua tuhia mucihumbu. Mosesa ua talele, Keho taleni, cihumbu ca tundile tuhia vuno honi ku ca uemene. ³ Mosesa ua handekele, " Ange njitale kusinia eli linga njimone evi vilinge vinji kemoketha, Mukonda vika cihumbu kuci uemena?" ⁴ Omo mua mu muene Kalunga Tata nguavo na tengulukila ku cihumbu linga aci tale, Kalunga Tata uamu thanene ku hitila mu cihumbu nguavo, " Mosesa, Mosesa, "Mosesa nguendi," Yange uno. ⁵ kalunaga Tata ua handekele, keci u shuene mu hiehi. Vutula vinkaku viove kumi kono yove, Mukonda hano halivuha unemana ha lela," ⁶ Ua vue zhelele ko, yange kalunga uava isho Kalunga ua Avilahama, Kalunga ua Isake, Na Kalunga uava Yakomba," Keho Mosesa uali fuika kuci hanga cendi, Mukonda ua kele na liove lia kuli tala na Kalunga Tata. ⁷ Kalunga Tata ua handekele nendi," Ange njina mono vumo-vuino kayando ku vantu vange vuzhe vali mu Ingito. Njinovu kuli letela kuavo mukonda lia vaka kuva pangetha, hano ange njinezhiva kuyanda kuavo. ⁸ Njinezha hano hanthi muku va tunditha mu ndzhili yava ka Ingito naku vaneha ku livu lia cililia kama, ku livu lia kushula nama hini amba na vuki, ku cifuti ca kuli hata na vaka Kanana, nava ka Hiteu, nava ka Amoleu, nava ka Pelizeu nava ka Hiveu, amba nava ka Yembuseu. ⁹ Hano honi kutambakana kua vantu va Isaleli kuna kuheta kuli ange. Vikuavo naua, Njina mono tuyando tuva va Yundetha vaka Ingito. ¹⁰ Mukemo honi, Njika tuma kuli Muene Falao linga uka nehe vantu vange, Vana va Isaleli kuva tunditha mu Ingito." ¹¹ Vuno honi MOsesa ue huile Kalunga Tata," Yange iya, njiye kuli Falao amba njiaka nehe vana va Isaleli kuva tunditha mu cifuti ca Ingito? ¹² Kalunga Tata uamu lekele, " Ange vu cili njika kala kumo nove. Eci cika kala cimuetho kuli ove nguavo nja kutuma. Omuo honi muka mana kutuhula vantu vange kutunda mu Ingito, Muka nji pange yange ha ndundu ei." ¹³ Mosesa ua handekele na KAlunga Tata, " Omuo munjiya kuli vana va Isaleli amba njika valeke, "Kalunga uava kuku yeni nanji tumu kuli yeni," Amba vaka njihula nguavo, "Iya lizhina liendi? " Vika njika va leka? ¹⁴ Kalunga Tata ua lekele Mosesa, "ANGE-ANGE" Kalunga Tata ua handekele, " Muka leka vana va Isaleli, Ange nanji tumu kuli eni," ¹⁵ Kalunga tata ua handekele na Mosesa naua,"Kaleke vana va Isaleli, "Kalunga tata, Kalunga uava kuku yeni, Kalunga ua Avilahama, Kalunga ua Isaka, na Kalunga ua Yakomba, nanji tumu kuli yeni, Eli likelio lizhina liange lia miaka yoshe, amba mukemuo nomuo muva kanji haka mumana avo ku memo oshe. ¹⁶ Ya kaye uka hake hamo vakuluntu va Isaleli. Kova leke nguove, Kalunga tata, Kalunga ua Isaka, na Kalunga ua Yakomba, nezhile kuli yange naku handeka nguendi, "Ange muvu cili nje kumi talela amba na nje kumona vive kumi pangetha mu Ingito. ¹⁷ Njina likuminia kumi tunditha mu cifuti ca vaka Kanana, nava Hiteu, nava Amoleu, nava Pelizeu, nava Hiveu, nava Yembuseu cifuti ca shula na mahini amba na vuki. ¹⁸ Vaka viuvua vi uka valeka, Nove na vakantu va vana va Isaleli yemu kaye kuli muene ua Ingito, Amba muka muleka ngueni, Kalunga tata, Kalunga uava Hevelu, nali uana netu, Hano honi tue cele linga tuye vungenzhi vua matangua atatu mukati ka mithenge, lingatuka jambe KAlunga ketu. ¹⁹ Vuno honi nji nezhiva nguange muene ua Ingito kakamie cela linga muye, noho aka mie cele kunzhili. ²⁰ Njikolola livoko liange njika luithe Ingito navi komoketha vinji kapanga mukati kavo. Kutunda oho, Aka mie cela muka ye. ²¹ Njika yongola vana va Isaleli ku tuva kana vaka Ingito, Omuo na mumu kavatha, kumu kayi ma voko-voko. ²² Mpuevo oshe aka lomba tuvuetuami nchele navi zhala kuva ka Ingito vazhe voshe vava lihatu navo amba nkala mpuevo ua kala muimbolia muhiato uendi muku vi zhika vana veni vava malanava vava mpuevo. Mungila eyi muka nyeka vaka Ingito