¹ Keho kalunga ua handekele na Mosesa, nguendi. ''ija kuli yange yove Alone, Handave na makumi atanu na avali ava nava kuluntu va Isaleli naku njilemesa yange hale. ² Mosase lika yike lika a shuene kuli yange. nambe vakueni keti va kale mamuyehi nove ndi naumo wahi ija nove uahi. ³ Mosesa ua ile likaliendi keho na ualekele na vantu voshe mezhi Yehova kumo naku tepuluka. Vantu voshe vataveleko na liji limo lika keho, nguavo ''etu tupanga viana meji a handeka Yehova. ⁴ keho Mosesa uathonekele methi a Yehova. Cimenemene, Mosesa uatungile mutula kuinthsi lia mukinya keho uavuahethele mavue likumi na avali linga oo mavue likumi na avali mukuletha mushouo ua Isaleli. ⁵ Uatumineko vakuendje ku mbunga ya Isaleli vakombelelele vikombelo via kuthsimika. Na kukombelelelako vikombelo via chivovo via vihove kuli Yehova. ⁶ Mosesa ua tambuile mutamba ua maninga naku ahaka mulilonga; na mutamba ua maninga ua ashampuilile ha mutula. ⁷ Uatambuile mukanda ua kuliuvuathana naku utanda kutambakana ku vantu. Vahandekele nguavo, "Tukapanga vioshe via handeka Kalunga. Tuka muthingimika." ⁸ Ngoco Mosesa ua tambuile maninga naku ashampuila havantu. Uahandekele nguendi, "Aa akeo maninga akuliuvuathana analingi Kalunga neni mukumihana kuthseleletha na majui aa oshe." ⁹ Ngoco Mosesa, Alone, Ambihu, na makumi atanu na avali avakuluntu vava Isaleli vaile kumukinya. Ngoco vakamuene Kalunga ka Isaleli. ¹⁰ Muinthi lia mianja yendi muakele ngue cipanga ca mavue aSafila, aviadthima ngue lilu vene. ¹¹ Kalunga ka kambekele mavoko endi ha vana vaIsaleli. Vamuene Kalunga, na kulia na kunua. ¹² Keho Kalunga ua handekele na Mosesa nguendi, "Ija kanduka kuno kumukinya kunjili yange ukakale kuje vene. Njika kuhana vitale vije via mavue na mashiko na cilika vinjinathono, ngoco uka valongethe." ¹³ Ngoco Mosesa ua katukile na Yehosua ndungo yendi vakandukile kumukinya ua Kalunga. ¹⁴ Mosesa ua lekele vakuluntu nguendi, "Kaleni kuno mututate noho hatukedthila kuli yeni. Alone na Hule vali netu. Nnga nkala muntu ali na lijui ashene kuli vakevo." ¹⁵ Ngoco Mosesa ua kandukile kumukinya, na lishelua lia mufuikile. ¹⁶ Vumpahu vua Kalunga vua tumamene ha mukinya ua Sinai, liszhuelua lia ufuikile matangua atanu na limo. Mulitangua lia ucitanu na avali ua tambakanene Mosesa hakati ka lishelua. ¹⁷ Cifua ca vumpahu vua Kalunga vua fuile ngue tuhia tuakama tuashuamene mumesho avana vaIsaleli. ¹⁸ Mosesa ua kovelele mu lishelua uakandukile ku mukinya. Uakele kumukinya matangua makumi auana amutana na avuthsiki.