¹ Jetolo, sasendete ua ku Mindiane, ishemueno ya Mosesa uovuile viapangelele Kalunga, Mosesa na Isaleli vantu vendi. Uovuile nguavo Kalunga natunditha Isaleli mu Ingito. ² Jetolo ishemueno ya Mosesa, uatmbuile Zipola, mukentu ua Mosesa , kunima yaha hamu tumine kuimbo. ³ Na vana vendi vavali vavamala; lizina lia munendi umo uamumala uakele Ngelesome, mukonda Mosesa uahandekele, '' ange njimukua kulishuka mu cifuti chambala.'' ⁴ lizhina lia mukuavo liakele Eliezele, mukonda Mosesa uahandekele, '' Kalunga kova shukulu uanjohielele. Ua njohielele kulikunga lia Falao. ⁵ Jetolo , ishemueno ya Mosesa, uendzile namuna Mosesa uamumala na mukentu uendi kuli Mosesa mumuthege mukemo muaka tulilile kumukinya ua muangana. ⁶ Uahandekele kuli Mosesa,'' ange ishomueno Jetolo njinja kuli yove na namukentu uove na vana vendi vavamala vavali. ⁷ Mosesa uatuhukile aka liuane nava ishemueno, keho uakumanene, naku muthemba. Valihuile vihindu nava kovelele mumbalaka. ⁸ Mosesa ualekele va ishemueno vioshe via pangele Jehova kuli Falao nava Ingito mukonda liava Isaleli; nakayando koshe kova muene mungila na vati Jehova ua vohielele. ⁹ Jetolo uovuile kuvuahelela kuvioshe via pangelele Jehova vaIsaleli mua vohielele mulivoko liava Ingito. ¹⁰ Jetolo uahandekele ,'' Jehova vamu shangale.Mukonga uakuohielele mulivoko liava Ingito na mulivoko lia Falao, na ku vahetetha vatunde mulivoko liava Ingito. ¹¹ Ngeci njinezhiva nguange Yehova uatuvakana miangana voshe, mukonda hova pangethele vaka Ingito va vaIsaleli na vukalu kalunga uohielele vantu vendi. ¹² Jetolo, ishemueno ya Mosesa, uanehele cikombeleyo ciaku thsimika na vikombeleyo via Kalunga. Alone navakuluntu voshe vaIsalaeli vendzile mukulia vikulia kumesho a Kalunga nava Ishemueno ya Mosesa. ¹³ Litangua liakusuamako Mosesa uatumamene naku pangula vantu. Vantu vemanene kumuzhengeleka kushangumuka cimenemene noho kucinguezhi. ¹⁴ Ishemueno ya Mosesa hamuene vapangele kuvantu, ua handekele,'' vika evi vioupanga ha vantu? mukonda vika utumamena lika liove na vantu voshe vana kuimanena kushangumukila cimenemene noho kucinguezhi?'' ¹⁵ Mosesa uahandekele kuli ishemueno,'' vantu vaneza kuli yange vehule ngila. ¹⁶ Houe kukala naliji, venja kuli yange. ange njeku kutokola hakati kamuntu namukuavo, na nge njeku longetha vituma via Kalunga namashiko.'' ¹⁷ Ishemueno ya Mosesa uahamdekele kuli yendi,'' evi viu panga kovia vuahele. ¹⁸ Muvuchili ukahona nove na vantu vouli navo. Chipanga eci cialema kuli yove. Kouatha kucipanga ali kaliove. ¹⁹ Njitolile. Njikumamunako Kalunga akala nove mukonda yove uemanenaho vantu kuli Kalunga, na uka neha meji avo kuli yendi. ²⁰ Valongethe vituma viendi namashiko endi. Valekethe ngila yakuenda navipanga viakupanga. ²¹ Keho luhua, hangula vamala vakuatha vipanga kuvantu voshe, vamala vathingimika Kalunga, vamala vavu cili ava kovayonguele feto yalukulu. Uvahake muvantu, vahitithile vantu makulukadthi vihita makumi atanu namakumi. ²² Vakapangula vantu muvioshe vakahita vunoni viakama vaka kuhelavio evi viavindende vavi handeka avo vavenya, mungila oyo vika kuathiuila, muka likuatha vipanga evi nove. ²³ Ambe ukavipanga nambunge Kalunga aka kushika mukuvipanga evi, keho uka shuenethako vipanga viove na vantu voshe vakatha kuheta kuimbo na chivovo. ²⁴ Mosesa ua tolilile ku meji ava ishemueno keho uapangele vioshe viahandekele . ²⁵ Mosesa uahanguile vamala vakuatha vipanga mu vaIsaleli voshe na uava hakele mitue muvantu, vintuami muku hitithila makulukazhi vihita makumi atanu na makumi. ²⁶ Va panguile vantu nkala aha. Vipangula viakama vavituana kuli Mosesa, vunoni vipangula via vindende kuvi handeka vavenya. ²⁷ Keho Mosesa ua lingile vaishemueno vaye, na Jetolo uahilukile mu cifuti ciendi.