¹ Vantu vedthile kutunda ku Elime, nambunga ya vana va Isaleli vedthile ku vindinda via Sine, ije ya kala ha kati ka Elime na Sinai, mu litangua lia mucitanu lia ngonde ya muchivali kutunda hakutuhuka kuavo mu chifuti cha Ingito. ² Mbunga yoshe ya ana va Isaleli va tatuethele Mosesa na Alone muvindinda. ³ Vana va Isaleli va handekele navo nguavo, "Nambe nga tuathsile mumavoko aYehova muchifuti cha Ingito muje mutua tumamene ku vindeho via mbunda na kulia mbolo na kuikuta. Vunoni yeni muna tuneha muno muvindinda muaku thsihe mbunga yetu yoshe na njala." ⁴ Mukemo Yehova ualekele Muosesa nguendi, "Ange njika minokethela mbolo ya kutunda muilu. vantu vaka tuhuka na ku kunga mbolo ya litangua limo lika nji vetheke njitale ambe venda mu mashiko ange. ⁵ Chikapua ngue matangua atanu a limo, vaka kunga luvali kupuitha ngue muve kukunga matangua oshe mukemuo aka trlrka vije vivana neha,'' ⁶ Mukemo va Moesa na Alone vakele vantu va Isaleli nguavo'' kuchinguethi mukethiva ngueni Yehova ikeye na mutuhuithele mu chifuti cha Ingito. ⁷ Ku chimene muka mona vumpahu vua Yehova ikeye movu kuli thetheta kueni kuli ikeye. Yetu veya liinga mutithethelele kuli yetu? ⁸ Mosesa ua valekele luhua nguendi, '' eni mukethiva eci muje Yehova muaka mihana mbunda ku cinguethi na kuchimene mbolo ya kupuitha mo-mukonda ikeye navu vili nyenyeta vieni vimu nahandeka kuli Ikeye. Alone nangecho yetu veya? kulithetheta kueni keti ku li yetu, vunoni kuli yehova.'' ⁹ Mosesa ua lekele Mosesa ngueni, '' handeka ku mbunga ya vantu voshe va Isaleli nguove, '' injeni muyehi kumesho a Yehova, ikeye nova vilitheheta vieni.'' ¹⁰ Chapuile ngenchi, ngue Alone muakele na kuhandeka na mbunga ya vana va Isaleli, ngocho va talele ku lutue lua vindele, na kutu mamena vumpahu vua Yehova kunjomboloka mu lishelua. ¹¹ Mukemu Yehova ua handekele na Mosesa nguendi, ¹² '' Ange njinovu vili nyenyeta via vantu va Isaleli. Handeka navo na kuvaleka nguove, ku chinguethi mu kalia mbunda, na ku chimene va ka mikutitha na mbolo. mukemuo mukethiva ngueni yange nji Yehova Kalunga keni.'' ¹³ Mukemu mu via puile muje vene ku chinguethi vutanga vua vitento vuethile vuafuile chilombo choshe. Kuchimene mbundu ya thengelekele chilombo chavo choshe. ¹⁴ Muje muya tundileko mbundu helu lia vindundu hakele tumantu tumo tuatundende tua lifuile na mavanda hanthi. ¹⁵ Omo vantu va Isaleli vavi muene vali handekethele umo na mukuavo nguavo'' vika evi? kuvethivile nguavo vije viapuile vika. Mosesa uavalekele nguendi,'' Evi mbolo ije ya namihana Yehova mulie. ¹⁶ Eli likevio lishiko lia na mishiki Yehova: muna pande kukunga umo ueni, vije vinapu mukulia kuendi chikote chimolika mu muntu kutuala kupua kua vantu vove. Omuo mukemu mu mu kavikungilamo kungeni viaku uanya mu kulia ku muntu uoshe ali mu mbalaka yove. ¹⁷ Vantu va Isaleli valingile ngue omuo muvava lekele . Vamo va kungile via kutuva kenethamo. na vakuavo vakungile via vindende. ¹⁸ Keho muvaviethekele na chinkate cha kuetheketha, kuli vaje va kungile via kutava kanetha, ku kualisupile vimo, kuli vaje va kungile via vindende kuvijenekele kupua mo. Ku nkala muntu va kunguiyile via kupuamo kupuitha ngue muje muvavi yonguelele. ¹⁹ Mukemuo Mosea uava lekethele nguendi, '' kumua pandele kuthako na cimo cahi chavio chikale noho ku chimene''. ²⁰ Mukemuo, avo kuvatolilile kuli Mosesa. Vamo vavo vathileko vimo vikale noho kuchimene, vikevio via shulile na mavuno lalo via volele. Mukemuo uava nyenguelele. ²¹ Vali kunguiyile ku chimene ku chimene. Nkala muntu ua kungile via kupuamo mukulia kua kele ntuima, via thothonokele. ²² Chapuile ngue kulitangua lia mu chitanu nalimo va ku nguiyi luvali ngue ku vuingi vua mbolo, vinkote vivali ku nkala muntu. Vintuama voshe va mumbunga vethile muku vileketha kuli Mosesa. ²³ Ikeye uahandekele navo nguendi, '' Evi vikevio via handekele Yehova nguendi.'' Himene chikapu kuhiuma chakujela sapalalalo ya kujela ya kuthingimika Yehova. Ochen vishe vimuna yongola kuteleka. Vioshe vikalisupako, vihankeni ku mukulo vieni vavenya noho ku chimene.'' ²⁴ Mukemo vavihakele ku mulo noho ku chimene, ngue mua vashikile Mosesa. Vikevio kuvia vololele lalo, kumuakele lalo livuno na umo uahi mukati ka mbolo. ²⁵ Mosesa uahandekele nguendi, '' Lieni viakulia lelo, lelo likelio litangua lia kuhangula ngue Sambato mu ku thingimika Yehova. Lelo kumuka viuana mumithenge. ²⁶ Muka vikunga mu matangua atanu na avali, vunoni kulitangua lia mu chitanu na avali likelio sambata. Mu Sambata kuku ka kala mana.'' ²⁷ Chapuile ngechi kulitangua liamu chitanu na avali vantu vamo va tuhukile vaile mukukunga mana vuva aua nene. ²⁸ Mukemo Yehova ualekele Mosesa nguendi,'' vuthimbi viakupua kuiko muka viana vitume viange na mashiko ange? ²⁹ Taleni Yehova na mihana Sambata. Mukemuo kulitangua liamu chitanu na avali ikeye amu hana vimbolo via matangua avali. Nkala umo ueni napande kukala muuhela uendi vavenya; na umo uahi aka tuhuka kumihela uendi halitangua lia mu chitanu na avali, ³⁰ Mukemu vantu vahuimine ha liatangua lia muchitanu na avali. ³¹ Vantu va Isaleli vathanene viakulia vije nguavo'' manna.'' Vikevio viapuile via kutoka ngue mbuto ka koliandele, na vutovalethi vuavio vua lifuele nge mpampi ya vuki. ³² Mosesa uhandekele nguendi,. evi vikevio vieshikile Yehova: lingeni vinkole via manna vipue via kuniunga muaya vithemua vieni linga vikota vieni vakamone mbolo ije inja milethile mu vindinda mu nima lia ku mituhula mu chifuti cha Ingito. ³³ Mosesa us handekele na Alone nguendi, '' tambula ndeho hakamo vinkote via manna mukati kayo. Ui hake kumesho a Yehova muaya vithemua via vantu. '' ³⁴ Ngue muje Yehova mua shikile Mosesa, Alone ua vetulikile ku mu kulo ua mashiko mu chikasa cha lita vathano. ³⁵ Vantu va Isaleli valile manna miaka makumi auana a miaka noho vethile mu chifuti cha kukala. Vavilile noho vethile ku mikua kua ya chifuti cha kanana. ³⁶ Chinkote chapuile likumi li vi efa.