¹ Keho Yehova ua handekele na Mosesa, nguendi, '' ² Nji toketheleni va mbeli, nkala mbeli ua kulivanga ua mumala ha kati ka vana va Isaleli, voshe vantu na tuthitu. Voshe va mbeli vakevo vange.'' ³ Mosesa ua lekele vantu nguendi, '' vulukeni litangua eli, likelio mua tuhukile mu Ingito ku ndjivo ya vundungo, muomou nthili ya livoko lia Yehova ua mi tundithile ku muhela ou. Komu kali mbolo ya ku thinina. ⁴ Ha litangua lia lelo mu tuhuka mu Ingito, mu ngonde ya Avive . ⁵ Omo Yehova aka kuneha mu cifuti ca vaka Kanana, nakahiteu, na ka Amoleu, maviata na ka Yembeseu, cifuti ciye ca lithingile na va yisho ku kuhana co, cifuti ca kuhita mahini na vuki-kunahu uka takametha cilikaeci ku ngonde eyi. ⁶ Ku matangua matanu na avali ukalia mbolo ya kuyeneka ku thininka ku thinina; ha litangua lia mutanu na avali ku kakala ciuano kuli Yehova. ⁷ Mbolo ya kuyeneka ku thinina u ka lia matangua oshe mutanu na avali; yahi mbolo ya kuthinina yika kala hakati keni. Nambe vikashetho keti vaka vi mone kuli yove nambe ku vingamba viove. ⁸ Ha litangua olio u kaleka vana vove nguove, '' muomu evi vikeo Yehova na ndjipangela mo ndja tuhukile mu Ingito.'' ⁹ Eci cikapua cileketho kuli yove kulivoko liove na cileketho ha luholo luove. Eli likelio lishiko lia yehova likala kala mu kanua kove muomu nthili ya livoko lia Yehova lia kutunditha mu cifuti ca Ingito. ¹⁰ Keho uka niunga lishiko lino kuthimbu yalio ku muakana ku muaka. ¹¹ Omo Yehova aka kuneha mu cifuti ca Kanana mua lithingile nove na vaisho, keho aka hana cifuti eci kuli yove. ¹² Keho uka hangunuina Yehova vioshe via kulivanga kuthenmuka ku limo. Voshe va kulivanga kuthemuka ku kathitu ua mumala, vapua va Yehova. ¹³ Voshe ua kulivanga kuthemuka ku cindongi u ka mu landa na muna yindzui. Nga ko ua mulandele, pokola nthingo yendi. Vunoni honi nkala mo ua kulivanga kuthemuka ku limo ku vana vove voshe- u ka va landa. ¹⁴ Omo vana vove va vamala vaka kuihula kuthimbu ya kunima nguavo; vika vilangunuka evi? uka va leka nguove; muomu lia nthili ya livoko lia yehova lia tutundithile mu Ingito, ku njivo ya vundungo. ¹⁵ Omo Falao ua vianene kutu ecela linga tuye, Yehova ua nthilile voshe ua ku livanga kuthemuka mu cifuti ca Ingito, voshe vakulivanga kuthemuka ku tuthitu. Ngoco vene njika kombeleya kuli Yehova voshe vaku livanga kuthemuka ku tuthitu, na kulanda vaku livanga kuthemuka ku vana vange. ¹⁶ Eci ci kapua cilekethoha livoko liove, na cileketho ha luholo luove, muomu lia nthili ya livoko lia Yehova ya tu tuhula mu cifuti ca Ingito.'' ¹⁷ Omo Falao uecelele vantu va ye, Kalunga ua va hitithilili ngila kuya ku cifuti ca va Filistine, nambe cifuti ca kele ha muhehi. Kalunga ua handekele nguendi, '' halumo vantu vakatenguluka mana avo omo vahiti mu nthita keho vaka hiluka mu Ingito.'' ¹⁸ Keho Kalunga ua tuamenene ku hita muvindundu naku ndong ya ku venga'' va Isaleli va yile kuilu kutunda mu cifuti ca Ingito vana livuahethela kulua nthita. ¹⁹ Mosesa ua hituile vinthiha via Yosefe, muomu Yosefe ua lingithile va Isaleli va lisinge keho ua handekele nguendi,'' Kalunga yikeye aka mu ohiela, na kuhitula vithiha viange.'' ²⁰ Va Isaleli vendele kutunda kusokote keho va tulile ku etame ha muhehi navindinda. ²¹ Yehova uava tuamenene ku lutue luavo kumutana mungunthi ya lishelua ava tuamene mingila. Keho manthiki mu ngunthi ya tuhi ava tuile ceke. Keho vakevo vendele mumutanya na manthiki. ²² Yehova ka tundithileko nguthi ya liselua ku mutana ku vantu ndi ku manthiki ngunthi ya tuhia.