¹ Yehova uahandekele na Mosesa na Alone mu cifuti ca Ingito. Nguendi,'' ² Kuli yeni, ngonde ino ikeyo vushangumukilo vua vingonde, ngonde yakulivanga kuliyeni. ³ Lekeni lukungulukilo lua Isaleli, mulitangua liamu likumi lia ngonde ino nkala uoshe alikuatele muna injui nambe muna mpembe nkala njivo ivipange, muna injui kunkala njivo. ⁴ Amba njivo ya indende muakama kuinjui, nendi namukuavo mavalihatela vanone nthsitu ya injui nambe ya munampembe ije iuania muvantu voshe. Nkala uoshe a uane ko linga alie, keho vatambule ntsitu yaingi linga vva lithe voshe. ⁵ Muna injui nambe mpende uoe keci akale nambe na citonio, akale muna cidhamba ua muaka umo. Muka nona ho umo ua injui nambe impembe. ⁶ Muka amuhaka noho litangua lia mu likumi na avana angonde oyo.Keho mbunga yoshe ya Isaleli inapande kuthsihia tuthitu otu kucinguedhi. ⁷ Muapande kutambula maninga amo linga muakuite kuvipanga na kuvivuliko via njivo ovio vimu kalila nthitu. ⁸ Muapande kukalia nthitu yaco kuvuthsiki, mumukamona mbangelo kuyoca hacoto. Mukailia nambolo yakunjeneka kuthinina navihemba via kushasha. ⁹ Keci mukailie halikaliyo nambe kukaiteleka. Vuno, muka yoca hacoto na mutuo uaco, mahindi na mutu. ¹⁰ Keci muthedheho muthedha nambe umo nakucimene. Mithedha mua pande kuithsimika kucimene. ¹¹ Omu mukemo mumu na pande kuilia: nakulidhitika miva muvimbunda vieni, navinkuaku ku mianja yeni, namulomu mulivoko lieni muapande kuilia vuathi-vuathi. Muomu yikeyo pasovala ya Yehova. ¹² Yehova nahandeka evi nguendi: njikenda mucifuti ca Ingito vuthsiki vuaco na kuthsihia va mbeli voshe va vamala natuthitu tua cifuti ca Ingito. Njikaneha kashitiko ku tulunga tua mu Ingito. Yange Yehova. ¹³ Maninga akapua cileketho havinjivo vieni mukuija kuange kuli yeni. Munji ka mona maninga, njika mituvakana munji ka katukila cifuti ca Ingito. citumbula eci kucikenji kuli yeni na kumi vihitha yeni. ¹⁴ Litangua eli lika pua lia kama kuli yeni, lije limu ka vuluka ngue cilika ca Yehova. Likakala lishiko lieni nthsimbu yoshe, mu mema a vantu veni voshe, evi vimumona litangua lia lelo. ¹⁵ Muka lia mbolo yakunjeneka kuthinina matangua mutanu na avali. Litangua liambangelo mukatuhuitha hingo muvinjivio vieni. Nkala uoshe a ka lia mbolo ya hingo tunde litangua lia mbangelo noho lia li mucitanu na avali, muntu ouo muna pande kumuteteko ku Isaleli. ¹⁶ Kulitangua liambangelo kukakala lukungulukilo luange, na litangua lia mucitanu na avali kukala lukuavo naua. uahi aka panga mumatangua oo, kutundithako kuteleka lika nkala uoshe alie. Ovio vikevio lika vipanga vimu kapanga. ¹⁷ Munapande kuka takametha cilika eci ca mbolo yakujeneka hingo muomu likelio litangua eli likelio linja tunditha vantu veni, vimbunga na vimbunga, mu cifuti ca Ingito. Keho munapande kutaka metha litangua eli mu memo eni oshe . Eli likapua lishiko lieni. ¹⁸ Muna pande kulia mbolo ya kuthinina kushangumuka kucinguedhi litangua lia mulikumi a auana angonde ya kulivanga mu muaka, noho kucinguedhi ca litangua lia makumi avali nalimo lia ngonde. ^{19 20} Mumatangua oshe mutanu na avali, keci mukakale nahingo muvindjivo vieni. Uoshe aka lia mbolo ya hingo vana pande kumutetako kumuyati ua Isaleli, cikale ngedhzi nambe mundambo ua mucifuti. Keci mukalie navimo viahi viakupangetha hingo. Kuoshe kumukatumama, yemu ka lie mbolo ya kujeneka hingo.'' ²¹ Keho Mosesa uathanene vakuluntu va Isaleli na kuvaleka nguendi,'' yemuye muka hanguleho dhinjui nambe hia hinike vije vikatha kulitha vinjivo vieni keho thsihieni ho njui ua pasovale. ²² Keho muka tambula kacifuta ka cithampo naku ka mbuitika mumaninga amulilonga. Keho muka kuita maninga ahalilonga helu lia vivuliko via vikolo nahavipampa. Naumo ueni uahi aka tuhuka cikolo canjivo yendi noho cimene. ²³ Muomu Yehova aka hitamo nakukatukila va ka Ingito. muamona maninga helu lia vivuliko via vikolo vieni na ha vipampa vivali via vikolo, a ka tuvakana vikolo vieni keho kaka tavathela muka kuvihitha aka mikatukile kuvinjivo vieni. ²⁴ Muapande kutakametha cilika eci. Eci cika pua lishiko lieni navana veni. ²⁵ Mumukakovela mucifuti cije caka mihana Yehova, ngue muavitumbula kuvipanga, muna pande kuka niunga ngila eyi ya kulemetha kua ngeci. ²⁶ Muva kamihula vana veni nguavo, ' vika kuna langunuka kulemesa kuageci?' ²⁷ Keho mukavaleka ngueni, ' cikombelo ca pasovale ya Yehova, muomu Yehova uahitile kuilu lia vinjivo mu Ingito mua katukilile va ka Ingito. Ue celelele membo etu.'' Keho vantu vathsikamene nakulemetha Yehova. ²⁸ Vana va Isaleli vaile na kupanga vuino ngue mua shikile Yehova kuli Mosesa na Alone. ²⁹ Kuakele vuthsiki vumo Yehova ua thsihile vimbeli vioshe mucifuti ca Ingito, kutundilila ku mbeli ya Falao, ou ua kuvumuene vuendi, noho kumbeli ya muka kamenga na vimbeli vioshe via vangombe. ³⁰ Falao ua katukile vuthsiki yikeye vangamba vendi, na vaka Ingito voshe. Mu Ingito voshe. Mu Ingito muakele kulila kuakama, muomu kumuakele njivo ya jenekele mukakuthsa. ³¹ Falao uathanene va Mosesa na Alone vuthsiki na kuvaleka nguendi, '' katukeni, tundeni mukati kavantu vange, neni nava Isaleli. Yemuye, lemeseni Yehova, ngue mumua handekele kuvipanga. ³² Tambuleni malimba navihambo, ngue mumua handekele, keho yemuye, nange njivedhikitheni ko.'' ³³ Vaka Ingito vadhambuile muakama kuvasheka mucifuti, muomu va handekele nguavo, '' vanga tuvavoshe tuthsa.'' ³⁴ Keho vantu mukemo muva tambuile vitika viavo keho kuva hakeleko hingo. Vitikilo viavo vavi kutilile muvidhala viavo nahavithisili viavo. ³⁵ Ngeci honi vantu va Isaleli vapangele ngue muava lekele Mosesa. ³⁶ Yehova ualingithile vaka Ingito vayongole kutoketha va Isaleli kuvimbunge. Mukemo vaka Ingito muavahanene vioshe viva yonguele. Mungila eyi, mukemo muva maneneho va Isaleli naka Ingito. ³⁷ Vana va Isaleli va tundile ku Lamese vaye ku Sukote. avo vakele vamala vakaupua ku 600,00 va ka kuenda hamavu, mukuvuendha kuvakentu na vanike. ³⁸ Na vantu vavengi-vengi. ³⁹ Vocele mbolo yakujeneka hingo ku vitika viva hituile mu Ingito. Kumua kele hingo muomu vavatuhuithile mu Ingito keho kuvakele malanga akuvuahetha viakulia. ⁴⁰ Va isaleli vatumamene mu Ingito miaka 430. ⁴¹ Kukuhua kua miaka 430, halitangua olio vene, vimbunga vioshe via Yehova va tuhukile mu cifuti ca Ingito. ⁴² Vukevuo vuakele vuthsiki vua kukala lika mumesho, linga Yehova ava tundithe mucifuti ca Ingito. ovu vua kele vuthsiki vuaNjambi kuli vana va Isaleli kuliniunga muaya memo avo. ⁴³ Yehova uahandekele na Mosesa na Alone nguendi, '' ano akeo mashiko a pasovale : Ngendhzi uahi aka lieko. ⁴⁴ Vuno honi, nkala ka Isaleli ua ndungo, uva landa na vimbongo, kuatha alieko kunima ya kumulovola. ⁴⁵ Vangedhzi na vangamba va kufueta keci valie nambe cakulia cimo. ⁴⁶ Viakulia muka vilila munjivo. Enico keci mukatuhuithe mbunda munjivo, keci naua muka pokle nambe cithsihia cayo. ⁴⁷ Miyati yoshe ya Isaleli vana pande kuniunga cilika . ⁴⁸ Nga muli na ngendhzi ua tumama neni keho ayongola kutala pasovale ya Yehova, vushoko vuendi vuoshe vua vamala vana pande kuvulovola. Keho eja akutala. Akufua ngue vantu vava nehela mucifuti. Vuno honi uahi ua kujeneka kulovoka akalia kuviakulia. ⁴⁹ Lishiko eli lika panga ku vantu voshe vana nehela mucifuti na vangedhzi vaka tumama mukati keni.'' ⁵⁰ Mukemo va Isaleli voshe muvapangele vuino ngue Yehova muashikile va Mosesa na Alone. ⁵¹ Viakele ngeci nguavo litangua olio vene, Yehova ua tundithile va Isaleli mucifuti ca Ingito na vimbunga viavo.