¹ Kalunga Tata ua lekele Mosesa,'' Kaye kuli Falao, mukonda njina koletha mbunge yendi na vimbunge via vaka vipanga vendi njina panga evi linga nji lekethe vimuetho via nzhili yange mukati kavo. ² Evi njina vipanga na linga neni mua kuleketheko vana veni nava tekulu veni vilinga vinji na panga, Kutuala munji na pangethelamo vaka Ingito navu kalu, Amba vati munji na hana vikomoketho via nzhili yange mukati kavo. Mungila eyi muizhiva ngueni yange Kalunga Tata.'' ³ Ngoco Mosesa na Alone va ile kuli Falao vaka muleka,'' Kalunga Tata, Kalunga uava Hevelu, na handeka evi; Nthimbu yaku pua kuiko uka viana kuli kehetha kuli ange? Ecela vantu vange linga vaye linga vaka nji pangele yange. ⁴ Vuno honi nga uviana kue cela vantu vange linga vaye, tolilila, Imene njika neha vimbimba mu cifuti cove. ⁵ Vaka fuika livu lioshe keho na umo uahi aka mona livu va kalia vi thupo zizhe vioshe vio voku kunyonzhi yamavue. Va kalia na nkala citi ca shoka mu mehia eni. ⁶ Vaka shulitha vi njivo vieni, via vaka vipanga veni, Amba via vaka Ingito voshe vilinge vizhe nambe isho nambe vakuku yove vava mala kanda vavi mone lumo, Via via mona kutunda litangua livezha hanthi na hano ha tuendela.''' hakeho Mosesa ua tuhukile ua tundilw kuli Falao. ⁷ Vaka vipanga va Falao va handekele nendi,'' Ntimbu ya kupua kuiko mumala ou apua vishoti kuli etu? Ecela vana va Isaleli linga vaye linga vaka pangele Kalunga uavo. Nolo vene unongonone nguove Ingito ina vihia?'' ⁸ Mosesa na Alone vava nehele na kuli Falao, uzhe ua handekele navo,'' Kayeni muka pangele Kalunga ueni. Vuno honi vantu muka vaka ya?''' ⁹ Mosesa ua kumbuluile, '' Tukaya va vanike vetu na vakuluntu vetu, na vana vetu vava mala na vana vetu vava kentu. Tukaya na vimbunga via tuzhila na matango avi muna, Mukonda tuka panga cipito ca Kalunga Tata.'' ¹⁰ Falao ua handekele navo,'' kayeni mukemuo vene Kalunga tata akale neni, nga njika mitavethela linga muye na vana veni vava ndende nao vakaye. Taleni, muli navi thinganieka via kuvihia mu mana eni. ¹¹ Kuahi! Kayeni, muva mala mala lika mukati keni, linga muka pangele kalunga tata, mukonda ovio vikevio vimu tonda.'' hakeho va Mosesa na Alone vava tundithile kumesho a Falao. ¹² Ngoco Kalunga Tata ua lekele Mosesa, '' Olola livoko liove halivu lioshe lia vaka Ingito kutaleketha ku vimbimba, linga vaka luithe livu lioshe lia Ingito naku lia vishoka vioshe, navizhe vithupo via thupa ku nyonzhi ya mavue.'' ¹³ Mosesa ua luele mpango yendi halivu lia vaka Ingito, ngoco Kalunga Tata ua nehele mpunzhi yaku tunda kuku kia kua litangua halivu lizhe litangua lioshe na mathsiki Omuo mulia lale litangua kuci mene impunzhi ije vene ya nehele vimbimba. ¹⁴ Vimbimba va ile halivu lioshe lia Ingito amba na vatambuile vi nkandela vioshe via cifuti ca Ingito. Kanda va mone lumo vimbimba via kupua omuo mu cifuti ca Ingito, Amba na viahi via kufua ngeci vika kala ko na nambe kuma tangua aku lutue. ¹⁵ Va fuikile helu lia livu lioshe amba livu nalio lia zhivalelle. Valile mbuto yoshe mu cifuti coshe na vishuka vioshe uua ku viti vije via thupile ku nyonzhi ya mavue. Mu Ingito yoshe cahi ca thupilemo ha muomu, Nambe nkala citi nambe mbuto yamu mehia. ¹⁶ Ngoco Falao ua tahanene vuathi-vuathi va Mosesa na Alone Amba uava leka nguendi,'' Njina panga vupi kuli Kalunga ueni na kuli eni. ¹⁷ Hano ngoco, nji tundithileniho vupi vuange nthimbu ino, Amba na lombeni kuli Kalunga Tata, Kalunga ueni linga atunditha kuthsa eci kuli ange. '' ¹⁸ Hakeho Mosesa ua tuhukile ua ile kutunda kuli Falao ngoco uaka vundilile kuli Kalunga Tata. ¹⁹ Kalunga Tata ua tumine mpunzhi ya kama ya nzhili ya kutunda kuku toka kuali tangua ya kakula vimbimba ngoco yaka vumbila mu ndonga ya Mahongo. Mbimba na umo uahi ua thupile mu cifuti coshe ca ingito. ²⁰ Vuno honi Kalunga Tata ua kolethele mbunge ya Falao, ngoco Falao katavele kue cela vana va Isalelli linga vaye. ²¹ Ngoco Kalunga Tata ua handekele na Mosesa, '' Olola livoko liove muilu linga mukale mithithi mu Ingito yoshe, Mithithi ije ivovua.'' ²² Mosesa uo luele livoko liendi muilu, Hakeho kua kele mithithi yaku hima mu cifuti coshe ha matangua atatu. Uahi ua thele kumona mukuavo, ²³ Uahi ua thile limbo liendi ha matangua atatu. Nambe ngoco, Vana va isaleli voshe va kele mumu tana kuzhe kuoshe kuva tungilile. ²⁴ Falao ua thanene Mosesa keho ua handeka, '' Kayeni muka pangele Kalunga Tata. Nambe va vushoko vueni vaye neni navo, Vuno honi vimbunga na matanga avu fuko vueni vikevio lika vika thala.'' ²⁵ Vuno honi Mosesa ua handekele, '' Tutavethele tu kale navi Jambo na vihana vikuavo via kuthimika linga tuka vihane kuli Kalunga Tata, Kalunga uetu. ²⁶ Vingombe vietu navio noho viye netu; nambe likondo nalimo liahi lika thala kunima. Mukonda tuva tuala linga tuka pangela Kalunga Tata, kalunga uetu, Mukonda kutue zhivile nguetu na vika tuka pangela Kalunga Tata noho tuka hete kuje. ²⁷ Vuno honi Kalunga Tata ua kolethele mbunge ya Falao, ngoco ka vecelele linga vaye. ²⁸ Falao ua handekele na Mosesa,'Tunda kuli ange! Linyunge ku chilinge cimo, nguove keci uka nji mone na, Mukonda litangua lioshe liu ka mona ci hanga cange, Uka thsa.'' ²⁹ Mosesa uendi, '' Yove va venia una vihandeka. Kunji kamono ci hanga cove na."'