¹ Monekeho eshi ruhakitho rongepi oru ghatuppa tate, podiyo eshi hatwithe shi twahana nyambi,yodiyo twakukarera kemo. Pothithitambo, kaye mbadi katudimuka twe, yoyishi kaye mbadi kamudimukireye. ² Mwahakwa, atwe ne twahana nyambi, no shime mbadi twadimuka shi nye twakakara. Twadimuka ngeshi christusi ghanamoneka,mbotunakara yira ye,no mbotuna mumono thikadi ghakaraye. ³ Keheyuno ghakara no makurupero mumwendi ghana kupwa kukushuka thika edi ghakara ye. ⁴ Keheyu gho kuharura ne aye kuna kuregha muragho, yoyishi diharwero ne kuregha muragho. ⁵ Mwadimuka eshi Kristusi ne hamuneghedhire podigho eshi ghatundithepo maharwero, no mumwendi ne mbadimo maharwero. ⁶ Mbadiko oyu gho kukara mumwendi gho kutwikera kuharura. Mbadi yu gho kutwikera kuharura gha mumona no kumudimuka. ⁷ Mwahanuke, mwa tawedhera keheyu gha mupemukithe. Oyu gho kutenda ghuhungami ne gha hungama, thika edi ghakara Kristusi muhungami. ⁸ Oyu gho kurughana maharwero ne washadipinyi, yoyishi shapdipinyi ne ghaharura kutunderera kumatangero. Pathitambo thi mwana Nyambi hamuneyire, podigho eshi ghaku haranganye yirughana yashadipinyi. ⁹ Oyu ghapwa kushamuruka kwaNyambi mbadi wa kutwikera kuharura, yoyishi nanda dhaNyambi ne dhathighara mumwendi. Mbadi gha kona kutwikera kuharura yoyishi ghapwa kushamuruka mwaNyambi. ¹⁰ Muyikara yi hana Nyambi nohana shadipinyi ne hana kukunegha: Oyu gho kupira kutenda ghuhungami ne mbadi ghatunda kwaNyambi, kemo noyu ghapira kuhaka hayendhendi. ¹¹ Edhi ne dhombudhi edhi mwa yuvire kumatangero: Mutukuhakathane. ¹² Mbadi tukare yira Kayini, oyu gha tundire kwashadipinyi nogha payire minendi. Pashanye ghamu paghere? Yoyishi yirughanayendi ne yimango no yaminendi ne yoghuhungami. ¹³ Mwatetuka, mwahakwa, ngeshi kamunyenge kaye. ¹⁴ Twadimuka eshi twa tunda muyifa notudi muyipara, yoyishi twakuhakathana. Kehe yuno gho kupira kuhaka ghathighara muyifa. ¹⁵ Keheyunu ghokunyenga muyendhendi ne mupayi. Mwa dimuka eshi hapayi ne mbadimo moyo ghokuroruheya. ¹⁶ Payinu yi po tuna dimukera ruhakitho, yoyishi Kristusi ghatapire moyo wendi kukwetu, natwe tutape moyo dhetu kwawahakwa. ¹⁷ Ene koyu ghakara noyinu yoyiwa ghakona kumona muyendhendi oyu ghana kuyinyanda, noyu gho kuyandhera thineke tho kumutjima wendi, ngepi sho rukare ruhakitho rwaNyambi mumwendi? ¹⁸ Mwahanange, mbadi twakona ngenyu kukuhaka mumanando endi parudimi, ene muyitenda nomughushemwa. ¹⁹ Payinu yokenge potwadimukeranga eshi atwe kwatunda kughushemwa, no kutapa mitjima dhetu kughutho wendi. ²⁰ Ngeshi mitjima dhetu dhitunyathe, Nyambi ne ghapitakana mitjima dhetu, nogha dimuka yinu yoyihe. ²¹ Mwahakwa, ngeshi mitjima dhetu mbadi dhina tunyatha, tuna tanara kughutho waNyambi. ²² Keheyi gho kukumbera mbo tuna yiwana kukwendi, yoyishi atwe kukumithamo miragho dhendi no kurughana yinu eyi yaroghera kughutho wendi. ²³ Oghu ne gho muragho wendi: eshi tutawe mudina dyamwanendi Jesusi Kristusi no tukuhakathane, thika edi gha tupire ghuno muragho. ²⁴ Oyu gho kukumithamo miragho dhendi ghakara mumwendi, noNyambi ghakara mumwendi. Payinu yi tuna dimuka eshi aye ghakara mumwetu, paMupepo oghu gha tupire.