¹ Nahoro ngoli muyive ashi weni omu nakalire narunyando kukwenu, kovo vanakaro ku Laodishiya, ntani kunavantje kovo vadiro kumona shipara shande panyama. ² Nakuruwana mpo ashi dimushima davo vadipameke mukuya kumwe mushihoro ntani namuUntungi wakuyulilira mulipameko lya kumuhuguvalita muliyuvoko, muunongononi walihoramo lyaghushiri lya Karunga. mo ngoli, Kristusa. ³ Mumwendi mwavanda Ukonentu wakuyulilira ntani ghuyivi. ⁴ Naghamba vino mposhi kudereko ghumwe ogho ngamukongo anwe na mayedo gha vighamba. ⁵ Nampili ngoli kapishi kumwe tunakara panyama, nani nanwe nakara pa mpepo. Ame kuhafa kumona likuwapayiko lyenu lyaliwa ntani Unankondo walipuro mwa Kristusa. ⁶ Moomu munakumutambura Kristusa Hompa, yendenu mumwendi. ⁷ Karenu munapama mumwendi, karenu munatungu papendi, karenu munakuwapeke mulipuro yira moomu tupu vamuronga, ntani kukwatenu mukutapa mpandu. ⁸ Kengenu ashi kudereko ghumwe ghamukwato anwe muvighayara ntani mulipukito lyanyaranyara, kuhamena kumpo yaVantu, likuhamitiro kuvikwa mpepo vyaudjuni, ntani kapishi kukuhamitira kwa Kristusa. ⁹ mumwendi mwakara liyuro lyaKarunga mushishwi shakuyulilira. ¹⁰ Anwe vamuyuda mumwendi, ghuye ndje mutwe kwa kehe ghunankondo na ghupangeli. ¹¹ Mumwendi anwe nka vamuruwana vyavamba na liruwano-vamba olyo vadira kuruwana pashinaghuntu mulighupopo rutu rwapanyama, mara muliruwano vamba mwaKristusa. ¹² Vamuvumbika naye muliyoyero, ntani mumwendi vamuvumbura kupitira mulipuro mughuna-nkondo waKarunga, ogho ghamuvumbuliro ghuye kughufe. ¹³ Anwe kwa fire mukonda ya ndjo denu ntani anwe kwa kalire vapwani ovo vapilire kuruwana vya vamba, ano ngoli Karunga mbyo amutura monyo mukare kumwe na Kristus makura mbyo adongononapo maghuntjoni ghetu naghantje. ¹⁴ Ghuye kwa dongononapo ndjo detu nadintje opo twa pilire kulimburukwa ku veta. Ghuye kwa dighupapo nadintje mbyo adipamparera kushilivandakano. ¹⁵ Kushilivindakano Kristus kwa funda na kutumangurura kulipangero na kuva pangeli da mpepo yayidona, mbyo avi shorora paukenu ahafere lifundo lyendi olyo ava funda. ¹⁶ Mpo ngoli ashi, kapishi amupangure kehe uno muntu ashi vinke mulya ndi ovyo muvhura kunwa, ndi mudane vipito vya kupongoka ndi kakwedi kakape ndi liyuva lya Sabata ndi mudane kehe shipito. ¹⁷ Vino navintjeya ne dimundunduma tupu wavi vya kumeho, vino navintje kwa hamena kwa Kristus ndje wa Ushilipo. ¹⁸ Kapishi mupulitire kehe uno amushakane mfuto yenu shinenepo ovo vahoro kukudidipita mposhi va karere va Engeli naku kumonikitira mamoneko ghavo. Vantu va weno kwato mutompo vavo kukunenepitira ndunge davo dapa shi nauntu. ¹⁹ Vavo kapi kara vahamene ku mutwe wa Kristus. Mutwe wa Kristus ngo wakukwatakano na rutu naruntje mposhi rutu ruvhure kukura mukondashi rutu kwaku kwatakana na ngongo ntani na ntipa; mposhi rukure yira momu arushanena Karunga omo ruvhura kukura. ²⁰ Nkeneshi anwe kwa fa kumwe na Kristus mbyo mwa manguruka mo mu nkondo da mpepo dadidona odo dapangerango uno udjuni, mukonda munke mukarera shimpe yira vantu vamu udjuni shimpe mulimburuke lipangero lino ashi: ²¹ "Kapishi Ukwateko, kapishi Umakereko, kapishi Ugumeko"? ²² Vino navintje kwavi turapo ntani ngavi katundapo nka waro yira momu ngadi katundapo dimuragho na marongo gha vantu. ²³ Kulimburukwa ku lipangero lya vantu kuwanenamo mfumwa na Ukonentu ogho vakushorwera vavene mu Ukareli wa mpepo na likudidipito lya kupira nkenda ku rutu. Vino kwa karapo tupu ano ngoli kwato mulyo wavyo kumarutu ghetu.