¹ Ame kuna kuya kukwenu rukando rwa utatu. Matjangwa kwa tanta ashi, "Kehe dino nkango da mu mpanguro da uhunga kwara na vambangi vaviri ndi vatatu." ² Opo nayire nuya mudingure rukando rwa uviri ame kwaya tapire marondoro kwavo va ruwanango vya nyata, ntani ame nganuya tengeka kehe uno aruwango nyata, nkene kapi ana kushayeka atunde ku udona, ame kuna ku murondora rukando rwa utatu: Opo nganuya kapi nganuya mu upira po. ³ Mukonda shi anwe kuna kushana muwane umbangi ashi Kristus ndje aghambango kupitira mumwande. Ghuye kapishi mu pira nkondo mu katjikenu. Nane ngoli uye kwa kara na nkondo dadinene mukatji kenu. ⁴ Na mpili momu vamu pampalilire ku shilivindakano mu upira nkondo wendi, ano ngoli ntantani weno uye kuna kara na monyo mukonda ya nkondo da Kaunga. Natwe kapi tuna kara na nkondo weno yira momu akalire Kristus, natwe ku mu tumona tuna kara na monyo kuna kuparuka kunkondo da Karunga yira momu akalire Kristus. ⁵ Ku kona-konenu na umwenu, muku kenge ashi shimpe muna kara na lipuro lya ushili ndi. Ku kona-kone nu na umwenu. Anwe kapi muna vidimburura na umwenu ashi, shimpe Jesus Kristus mpwali mumwenu ndi? - Nkene shi, kapi mwa yiva ku ku kona-kona na umwenu, nkwandi kapi mwayiva kufunda masheteko. ⁶ Ame na huguvara ashi anwe ngamu dimburura ashi atwe kapi ghatu funda masheteko. ⁷ Atwe kuna kuraperera kwa Karunga ashi kapi shi mu ruwane udona. Ame kapi na ku raperera ashi tumoneke tupu yira twa funda masheteko. Na ne ngoli, ame kuna kuraperera ashi nga mu ruwanene ushili, na mpili tumoneke yira mbova gha dina masheteko. ⁸ Mukonda shi atwe na ku vhura shi kurwanita ushili wa Karunga, atwe kukondjera ushili wa karunga kehe pano. ⁹ Atwe kukara na ruhafo rwarunene mu upira nkondo wetu mposhi anwe mukare na nkondo. Atwe mbyo tuna ku raperera nka ashi ndi mukare na nkondo da ku tiki liramo. ¹⁰ Ame mbyo na ku mutjangera vino mpopano na kara ure na nwe mposhi opo nganuya kapishi nganuya dameke mu ku ruwanita nkondo dande ku kwenu - odo atapa Hompa ku kwande ashi ditunge marutu ghenu kare na nkondo, kapishi da ku mu djonaura. ¹¹ Mukuhulilira, vakwetu, karenu na ruhafo! Kondjerenu litikiliromo, karenu na nkondo, ku yendenu dimutjima kumwe, ntani karenu mu mpora. Mposhi Karunga wa mbili and mpora nga kara kumwe nanwe. ¹² Ku kunditirenu po na shihoro sha upongoki. ¹³ Mbungakriste na yintje yina mukundu po. ¹⁴ Hompa wetu Jesus Kristus amu fere nkenda, Karunga amupe shihoro shendi ntani Mpepo mupongoki yi kare kumwe nanwe na muvantje. Amen.