¹ Nampili niyive kughamba maraka gha vantu nagha ghava engeli. Ano ngoli ame kwato shihoro, Ame kunafana tupu yira shikugho shinakudameko ndi yira ngendjo yina kungwerangano. ² Nampili nikare na ushwi wankondo dakuporofeta, nikare naukonentu wa kuyiva ushili ogho wahoramo, Nampili nikare nalipuro lyakutikiliramo lyakuvhura kudirura ndundu ditundepo. ngoli ntjene kapi nakara nashihoro, ame kundereko. ³ Nampili nitape limona lyande nalintje kuva hepwe, ndi ashi nitape rutu rwande naruntje varushore. Ngoli ame kwato shihoro, kwato ovyo nganiwanapo. ⁴ shihoro kwa kara mulididimiko na mpora. Shihoro kapi shakara namfudu nka kwato kukupandayika. Kwato kukutumba. ⁵ ndi mututururu. Shihoro kapi shashana shananga vyana ghumwasho. Kwato kunyeghenya, kwato nkoko. ⁶ Shasho na kuhaferera shi udona kupira ukushuki. Ngoli shasho kwa hafanga mu ushili. ⁷ Shihoro kwa kwata navintje, kwapura mwanavintje, kwa huguvara mwanavintje, ntani kudidimika mwanavintje. ⁸ Shihoro kwato uhura. Ngoli nkene shi mapumbwo po, ngaghakapita. Nkene shi maraka ghana karopo weno ngagha kashaya po. Nkene ukonentu po, ngaukatundapo. ⁹ Mukonda shi atwe kwayiva ruha rumwe tupu ntani atwe kupumbwa vyaruha rumwe tupu. ¹⁰ Ano ngoli vyakutikiliramo nkene ngaviyatika, ovi vyaruha rumwe makura ngavi dongonoka po. ¹¹ Opo nakalire nimwanuke, kanighambanga vyawanuke, kanighayaranga vyawanuke, kanikupuranga vyawanuke. Ngoli opo nakara nimukurona, nashuva vyawanuke. ¹² Paweno atwe kunakumona vininke vya Karunga yira muntarero, yira shiwiwili, ngoli kuliyuva olyo ngatukavikumonena nawa-nawa. Weno ame kwayiva tupu vya ruha rumwe tupu, ngoli kuliyuva olyo nganikayiva navintje nawa-nawa yira momu vandjiva. ¹³ Ano ngoli ovyo vyakukarererapo mbyo vino; lipuro, lihuguvaro na shihoro. Ene ngoli pavino vitatu shashinenepo shihoro.