¹ Vaunyande, vyakuhamena kumaushwi gha mpepo ya kupongoka, kunahoro ashi muyiyive. ² Mwayiva ashi opo mwakalire vapagani, kava mupukitanga vakarunga vavipempa nka vakupira kughamba, mukehe ndjira kavamupititiranga. ³ Ame kuna kumupukurura ashi kwato ogho akaro na Mpepo ya Karunga wa kughamba ashi,'' Jesus kwa mufingilira''. Ntani kwato nka waro wakughamba ashi,'' Jesus ndje Hompa, pahana shi Mpepo yaKupongoka yina mutantero. ⁴ Maushwi gha kushuva-shuva ngoli Mpepo oyo yaghatapango yimwe tupu. ⁵ Kwa karapo viruwana vya vingi vya kukushuva-shuva ngoli ogho varuwanenanga Hompa umwe tupu, ⁶ Pakara viruwana vyankondo da Karunga odo daruwanango ngoli Karunga ogho adiruwanino mwa navantje ghumwetu tupu. ⁷ Ano ngoli kehe uno Mpepo kumuruwanita pa nkedi peke ashi akwafe navantje. ⁸ Kwa umwe Mpepo yayo kutapa ukonentu, ntani kwa umwe nkango yaunandunge, ngoli kutunda kuMpepo yimwe tupu. ⁹ Kwa ghumweya kutapa lipuro ndjoyo Mpepo yimwe tupu,, kwa ghumwe kumupa ushwi wankondo dakuverura. ¹⁰ Kwa ghumwe kutapa ushwi wankondo dakuruwana vitetu , ntani kwa ghumwe ushwi wakupumbwa nakughamba nkango daKarunga. kwa ghumwe ushwi wakuhangura mpepo, kwa ghumwe ushwi wakughamba maraka peke-peke, ntani kwa ghumwe ushwi wakunongonona maraka. ¹¹ Navintje vino viruwana vya mpepo yimwe tupu yaviruwanango, yayo kutapa kwa keheghuno maushwi ghakukushuva-shuva kwa kehe uno momu yina shanene yene. ¹² Kristus, kwafana yira rutu rumwe tupu oro rwakaro namaruha ghamangi. Nampili rukare ashi kwarushita namaruha ghakukuahuva-shuva, ngoli rutu tupu. ¹³ Atwe natuvantje varutu rumwe tupu kwatu kushira muMpepo yimwe tupu, akare muJuda ndi muGereka, ndi mupika ndi mumanguruki, natuvantje kwatunwita muMpepo yimwe tupu. ¹⁴ Morwa rutu kapishi ruha rumwe tupu, nani ngoli mangi. ¹⁵ Ntjene mpadi adighamba ashi,'' Morwa mukonda ame kapishi liwoko, Kapi nahamena kurutu me,'' mbyo virenkito lipire kukara ruha rwakurutu ndi? ¹⁶ Ndi ntjene litwi lighamba ashi,'' morwa ame kapishi lintjo, kapi nahamena kurutu,'' Mbyo shiri virenkito lipire kukara ruha rwa rutu ndi? ¹⁷ Ashi ndi rutu naruntje kwakalire lintjo, ndi weni omo twavhuranga kuyuvha? Ndi rutu naruntje kwakalire litwi , ndi weni omo twavhuranga kufumbwira lidumba? ¹⁸ Karunga kwatura maruha murutu, kehe ruha rukare kurutu yira momu arushanena. ¹⁹ Ashi ndi naghantje kwakalire ruha rumwe tupu rwakaliro, ndi kuninko oku rwakara rutu? ²⁰ Mpo ngoli ashi maruha mangi akaro, ngoli rutu rumwe tupu. ²¹ Lintjo nakuvhura shi litantere liwoko ashi, ''Ame kapi nakuhepa.'' Ndi mutwe nakuvhurashi kutantera mpadi ashi,'' Ame kapi namuhepa.'' ²² Ngoli maruha ghakurutu ogho twa mona ashi kapi akara nankondo ngo twahepa unene, ²³ Maruha gha rutu ogho twaghayaranga ashi kapi ghafumana unene, ngo twapakeranga mbiri unene, ngoli ogho twashana apire kumoneka ngo twa fumadeka po unene. ²⁴ Ngoli maruha ogho amonekango po kapi ahepa ghagho vidwata. Ngoli Karunga kwahunga rutu weno ashi,'' ruha oro rwapiro lifumano, ndo rwakuwana lifumano lyalinene. ²⁵ Ghuye kwa ruwanine vino mposhi apire kukara po makutondoghoro murutu, mposhi maruha naghantje ghakupakere mbili. ²⁶ Ntjeneshi ruha rumwe kuna kukora, maruha naghantje ghakona kuhepa kumwe; ndipo ntjene vana fumadekepo rumwe, maruha naghantje ghakona kuhafa kumwe. ²⁷ Ngoli anwe ruha rwa Kristus ntani kehe ghuno ruha rumwe tupu. ²⁸ Ntani Karunga kwatura vano mumbunga kriste, muhovo va Apositoli, mwauviri vaporofete mwa utatu varongi, ntani vakuruwana vitetu, nava vapa nkondo dakuverura, navakwafi, nava ruwani ntani nava vakughamba maraka peke-peke. ²⁹ Nani navantje va Apositoli? Navantje va porofete ndi? Navantje Varongi ndi? Navantje kuruwana vitetu ndi? ³⁰ Nani navantje vakara nankondo dakuverura ndi? Navantje kughamba maraka ghakukushuva-shuva ndi? Navantje kufwaturura maraka ndi? ³¹ Ano ngoli munahepa kukondjera maushwi ghamanenepo ogho apitakano naghantje.Mara ame nganimuneyeda ndjira oyo yapitakano nadintje.