¹ Lino Yesu nayalondezi yakwe yapalamila ku Yelusalem yafisile ku Bethphage, pamwamba wakwe Olives, apano Yesu watimile ayalondezi yakwe yayili, ² wavwanzile kuli woliwo,'' Yanji kumuzi wuno wukukonkha , apano papokwene mukuyazana imphunda yayinyepelile , nakana akwe niyoliyo. Muvisapule nukuvileta kuli nene. ³ Nanthi wumwi akuvwanga vimwi vyakwe chino, mwize muvwange ,' Mwene akuvilonda ,' anapo umunthu wiyo papokwene aliwatuma woliwo namwemwe.'' ⁴ Nomba chizile chaya ukuti vino vyavwanzilwe ukupitila mutchimi vingakwaniliswa. Watile , '' ⁵ Wawuzyini ayana yakwe Zion,' Lolini, mwene winu akwiza kuli mwemwe,uwakwiyisya nupya akupitila imphunda- azwite umukanjo, ameya ya mphunda.''' ⁶ Apano ayalondezi yayile nga yawonvile ngati muno Yesu wawanenile . ⁷ Yalesile imphunda ninkhanzu nukuzizwika umwenda , nga alino Yesu wikazile pa mwenda . ⁸ Iwumba lyanzanga imyenda yawo mumusewo, nganayamwi yaputulanga insamba yamiti nukuyika umunzila . ⁹ Apano iwumba lino kuli Yesu nayano yamukonkhanga lyapundanga ,'' Hosanna mwana wako David! Umusayiwe awino akwiza umwizina lyakwe mwene! Hosanna muwapapela !'' ¹⁰ Lino Yesu wiza mu Yelusalemu, umusumba wonsi wavulungine nukuti , '' Ichani chino?'' ¹¹ Iwumba lyaswike ,'' Ayesu wino inchimi ukufuma ku Nazareti mu Galileya .'' ¹² Apano Yesu winjile umunyanda yamapepo. Wawutusizge wonsi yano yakalanga nukukazga munyanda yamapepo , nukusenula amatewulo yakwe yano yachinjanga imphiya nivyakwikalila vyakwe yano yakazganga inkhunda . ¹³ Watile kuli woliwo. '' chawatikwa, ' inyanda yane yilamwa inyanda yamapepo, ' kweni mukuyipanga ukuti yiye ing;'anda yawivi.'' ¹⁴ Apano yanthonkho nayalemale yizile kuli weliwe umung'anda yamapepo , nga wawapozizge. ¹⁵ Kweni lino umukalamba wamapepo nayakawatika yalola ivikalamba vino wachisile , nga lino yuvwa ayana anono yakupunda umung'anda yamapepo nukuti ,'' Hosanna kumwana wakwe David,'' yizile yasoka sana. ¹⁶ Yatile kuli weliwe , '' Mukuvwa vino yakuvwanga ?'' Yesu watili kuli woliwo, '' Umolimo! Kweni wawazgapo,' ukufuma mumulomo wayana ayanono nukufuma muyana yano yakawonkha mwasenganya ukunthumphula '?'' ¹⁷ Apano Yesu wafumile nukuwasya papa kwene nukuya mumusumba wakwe Bethany nukuyalala kuku kwene . ¹⁸ Nomba akatondo pano waswililanga mumusumba , wasosile sana . ¹⁹ Ukulola umuti wamukuyu umumbali mumusewo, wayile kumuti nukuzana nachimwi mumuti mwali amafwa yatupu. Watile ukumuti , '' Manyi kwize kuye nupya ivikomwa kuli wewe,'' nga papokwene umukuyu wafosile . ²⁰ Lino ayalondezi yalola chino, yizile yazunguka ayati, ''Nga umuti wizile wafoka wuliwuli papokwene?'' ²¹ Yesu waswike nukuti kuli woliwo , '' Ichendi nkhuti kuli mwemwe , nanthi muli nulusuwilo nupya mutakukayika , mutalichita chino chachitikwe ukumute wamukuyu , nupya mulivyanga kumwamba wuno , ' Sendwa ukuya kupela nukuyasumbwa muliyemba ,' nga chiliwomba . ²² Chilichonsi chino mwiza mwalenga mumapepo, nukusuwila , mulipochela .'' ²³ Lino Yesu wiza umung'anda yamapepo , umukalamba wamapepo nayakalamba yawanthu yizile kuli weliwe lino akusambilizga nukuti kuli weliwe ,'' Nga amumakachi yano mukuchita ivinthu vino , nga aweni wino wakupile amaka yano ?'' ²⁴ Yesu waswike nukuti kuli woliwo, '' Nimawakolowozga iwuzgo lyonga . Nanthi mwambuzga , nimawanena amaka yano nkhawombela vino . ²⁵ Uluwatizgo lwakwe Yohani - lwafumile kwinye? Ukufuma kupela pamwi ukumunthu ?'' Yizile yavwanzyanya pali wonga , nukuti , '' Nanthi twati, ' Ukufuma kupela ,' akuzati kuli sweswe ,' Ichani chino mutamusuwile ?' ²⁶ Kweni nanthi twati , 'Ukufuma kuyanthu,' tukutina iwumba , muno wonsi yakamusenda Yohani ngati uwanchimi,'' ²⁷ Apano yamwaswike Yesu nukuti , '' Tutamanyile .'' Nawe watili kuli woliwo , '' Nthamawanena umumaka yano nkhawombela vino. ²⁸ Kweni mukwelenganya chani? Umonsi wali nayana yayili . Wayile kuwakutalika nukuti , ' Mwana , yanga kawombe kuchalo .' '' ²⁹ Umwana waswike nukuti , Nthamaya kweneko ,' kweni wizile wachinja amano nukuya . '' ³⁰ Apano umonsi wilya wayile kumwana wakwe chili nukuvwanga chili chimwi . Waswike nukuti , ' nimaya, tata,' kweni atayile . ³¹ Aweni payana yayili yano wawonvile chino tata wawo walondanga ?'' Yatile,'' Uwanthandiko.'' Yesu watile kuli woliwo, ''; Ichendi nkhuti kuli mwemwe , yakasonchesya nayachende yalinjila kuwumwene wakupela pano mwemwe muchili . ³² Amuno Yohani wizile kuli mwemwe muwulungamane , kweni mutamusuwile . Kweni yakasonchesya nayachende yamusuwile. Kweni mwemwe , napano wuli mwaweni vino , mutalafile nukumusuwila . ³³ Teyelezgino kuchili chuze . Palinji umunthu wumwi , umwenecho wachalo. Wakomile umuchalo nukupanga uluwagaukuliwilila ichalo , nukwimba muchalo , nukuzenga apakulolela , nukumupela wumwi ukuti awuno awombela pamphiya . Apano wayile kunsi yuze . ³⁴ Lino insita yakugowola yapalama , watumile ayanchito ukuti yaye yakasende vimwi ivikomwa. ³⁵ Kweni yakakomela yalya yasenzile ayanchito yalya , nukuma wenga , nukukoma wumwi , nukuma namawe umuze. ³⁶ Nupya , umwenecho watumile ayanchito yawuze, ukulusya nayakutalika yalya , kweni yakakomela yalya yawonvile chilichimwi . ³⁷ Ukufuma papa , umwenecho watumile umwanakwe, nukuti , ''Yalimuchindika umwanane.' ³⁸ Kweni lino yakakomela yamuchalo yamulola umwana , yavwanzinye pali wonga , 'Wii akatote. Zini , zani tumukome nukusenda ivyampyanyi vyakwe .' ³⁹ Apano yamusenzile , nukumusumbila ukunzi kwa chalo nukumukoma . ⁴⁰ Nomba lino umwenecho wachalo wiza , aliwomba chani kuli yakakomela yalya ?'' ⁴¹ Yatile kuli weliwe , '' Aliwonona ayanthu ayipe yalya umunzila yimwi ijipe sana , apano aliwapa yakakomela yawuze ichalo , ayanthu yano yalimupelako vimwi ivyakugowola panzita iyakugowola.'' ⁴² Yesu watili kuli woliwo , '' Wuzge mutala muwazge mumawatiko, ' Iwe lino yakazenga yalikanyile alino lyapangwa ukuti liye ilyapalikona . Chino chafuma kuli Mwene, nga ichakuzungusya sana umuminso yitu'? ⁴³ Achino nkhuti kuli mwemwe , umwene wakwe Leza wulisendwa ukufuma kuli mwemwe ngawulipelwa ukunsi yino yikakoma ivikomwa vyakwe . ⁴⁴ Wensi wio waponela piwe lino alimonyola . Kweni wensi wino liza lyamuponela alisyutwa.'' ⁴⁵ Lino umukalamba wamapepo naya Falisi wuvwa ivili vyakwe , yizile yuvwichisya ukuti akuvwanga woliwo. ⁴⁶ Yalondanga yamunyepe, yatinanga iwumba , umulandu ayanthu yamusendanga ngati uwanchimi.