¹ Yakundwe , nanthi wumwi angalema muwononyi , mwemwe mweyanthu muli mupasi uwutiswe mumuwezge mumupasi umwakutepwa. Viwakwanfwe namwe, ukuti nawe utayezwa. ² Nyamulini inthazi zyamuze, nomba mukwanilsye ilamulo lyakwe Khilisitu. ³ Muno nanthi wumwi akwelenganya ali chimwi pano asi nachimwi, akuyiyipa wenga . ⁴ Wensi alolechesye inchito zgakwe, ngapano nivifukwa vyakwe pakumeka aliya muli weliwe paliwenga uwambula ukuya mumuze. ⁵ Muno wensi alitwika katundu wakwe. ⁶ Wino wasambilila izwi afwile apele ivinthu ivisuma nawi akasambilizga . ⁷ Mutayipwa. Leza asitowongolwa, palichonsi chino umunthu wakomela , achichokwene chino aligowola . ⁸ Muno wino wakomela imphumba muluyembu lwakwe, muluyembu lwakwe aligowola uwononyi. Wino nanthi wakomela imbezu muli mupasi mutiswe, ukufuma mumupasi mutiswe aligowola uwumi wamuyayaya. ¹⁰ Tutatontha pakuwomba ivisuma , muno pansita yakwe tuligowola , nanthi tutangetupotwe. ⁹ Nomba pano, tuli nulongo, zanji tuwombe ivisuma kuyanthu wonsi, nkhaninkhani kuli yano mungánda yalusuwilo. ¹¹ Lolini uluwatizgo ulukalamba luno nkhuwatizga kuli mwemwe namakasa yane. ¹² Yano yakulonda ukuyilanjizga uwusuma kumwili yakwezga ukuwapatichizga ukuti mulembululwe. Yakuwomba chi ukuti yatakanwa kuwupingane wakwe Khilisitu. ¹³ Muno nayano yayilembululwa yasisunga ilamulo, kweni yakulonda ukti mulembululwe ukuti yamechele umwili winu. ¹⁴ Kweni nthameka kweni imeka pamulandu wawuchingane wakwe Leza Yesu khilisitu, muno insi yasamichilwe kuli nene. ¹⁵ Sukuputulwa nanthi ukuntaputulwa kuno ukwakulonda sana, kwene ichakulondwa sana ukusenuka umwenzo . ¹⁶ Kuli wonsi yano yakwikala muli chi , umutende nu luse luye pali woliwo, napali Izilayeli wakwe Leza. ¹⁷ Ukufuma lino nanthi wumwi wino antchuzga, muno nkhunyamula pamwili wane iviwalikwa vyakwe Yesu. ¹⁸ Ulukundo lwakwe Leza Yesu Khilisitu luye numupasi winu, yakundwe. Ameni.