¹ Lino yatuleta ningo , twizile twamanya ukuti akansi kamuliyemba kalya kamwanga ukuti Malta . ² Ayenecho ayanthu yatatupire uluse lutupu , kweni yapenvile umoto nukutupochelera swensi umulandu wamvula nukuzuka . ³ Kweni lino Pawuli wawunganika umwanzi nukuyika pamoto, inzoka yafumile umulandu wakukaya kwamoto nukusapuluchila mumakasa yakwe. ⁴ Lino ayanthu yalola ukuti ichinyama chilya chikuvyelemba mwikasa lyakwe , yavwanzinye wenga numuze, '' Umunthu wino akwenela umufweka wino wapuswike muliyemba , uwumolimo wutakumuzumilizga ukuti aye umumi.'' ⁵ Ngawuli wakunthile ichinyama kumoto nga nokuchisika . ⁶ Yalindililanga weliwe ukuti alwale nanthi ukufwa . Kweni lino yalolechesya insita iyitali nga nukuti yataweni nachimwi chitawonvwilwe kuli weliwe , yizile yachenja amelengwi yawo nukuti yatile walinji akaleza . ⁷ Nomba papipi na malo palinji amasyo yano yali yakwe mwene umonsi , wino wamwanga Publius. Watupochelile nga umwaluse watupile kumanda yatatu. ⁸ Chizile chaya ukuti tata wakwe Publius walwazile umulandu wamutwe na munda . Lino Pawuli waya kuli weliwe , wapefile , wamutesile amakasa, nukumupozga . ⁹ Lino chi chawombwa , ayanthu wonsi yano yakayikala pakansi kapali yemba yano yalwazile yizile nga nawo yapozilre. ¹⁰ Ayanthu nawo yatusalifizge sana . Pano twasenganyanga ukuti twapita, yatupile vino twalondanga . ¹¹ Lino papita imyaka yitatu twakatwike ukupita pali Yemba nisitima yino yamazile insita yinsi iyamphepo pa kansi kano kakaya pali yemba , isitima yakwe Alexandria , yino yaya'' twanthembwa twakwe twaleza'' ngati utwakukolelela. ¹² Lino twafika pa musumba wakwe Syracuse, twikazile papa amanda yatatu. ¹³ Ukuma palya twapisile pali yemba nukufika pa musumba wakwe Rhegium. Lino papita uwanda wonga imphepo iyakufuma kwisika yanyamwike , nga pamanda yayili twizile pamusumba wakwe Puteoli. ¹⁴ Palya twazanyile ayanji yamwi nga twawamile ukuti twikale nawo kumanda yasano nayayili . Munzila yikwene twizile ku Rome . ¹⁵ Ukuma papa ayanji yalya , lino yuvwa vwakwe sweswe , yizile pakukomenkhana naswe ukufuma kumisankhano yakwe Appius nga nga nimisankhano yuze yitatu. Lino Pawuli walola ayanji yalya , wasalifizge Leza nukuya namaka. ¹⁶ Lino twinjila mu Rome , Pawuli wazumilizwe ukuti ayikale wenga nayakeya yakwe yano yamulolelelanga . ¹⁷ Apano chizile chaya ukuti lino papita amanda yatatu Pawuli wamile ayanthu yalya yano yali ayakoleleli yawayuda . Lino yaya ponga , watili kuli woliwo, '' Yanji, napano nthawonvile nachimwi ichiyipe kuyanthu nanthi akumasunde yakwe yatata yitu, nasapwilwe ngati nemunyepwe ku Yelusalemu kumakasa yawa Roma . ¹⁸ Lino yambuzichisya , yizile yelenganya ukuti yansapule , umulandu patali nachimwi ichakuti yangankhomela pamulandu wane . ¹⁹ Kweni lino Ayayuda yakwanga ukwakulonda kwawo , Nizile napatichizwa ukuti munyepe Caesar, napano wuli chili ngati nthanyepanga insi yane . ²⁰ Umulandu wakwe chi, achino, nizile nama wewe ukuti ningakulola nukuti ningavwanga , pakuti umulandu walusuwilo lwa ya izilayeli yano nzwite iminyololo yino.'' ²¹ Apano yatili kuli weliwe , ''Tutapochelelapo kalata ukuma ku Yudeya uwakuvwanga vwakwe wewe, nanthi ayanji yamwi nathi inthumi nanthi ukuvwanga iviyipe vwakwe wewe. ²² Kweni tukulonda tuvwe ukuma kuli wewe vino ukwelenganya pali vino, umulandu tumanyile ukuti yatakuvwanga ichisuma paliponsi. ²³ Lino yapanzya uwanga wakwe, ayanthu ayinji yizile kuli weliwe pano wikalanga . Wizile wavwanga muno vwayelile kuli woliwo, nukusimichizga ivyawumwene wakwe Leza . Wizile wezga ukuwanyengelela vwakwe Yesu, wonsi aya malango yakwe Moses nukufuma kunchimi, ukufuma akatondo mphaka amanguzi. ²⁴ Yamwi yizile yuvwichisya pali vino vyavwanzilwe, pano yamwi yatasuwile. ²⁵ Lino yatuvwana , yafumile lino Pawuli wavwanga izwi lyonga lii : '' Umupasi umutiswe wavwanzile ningo ukupitila munchimi Yesaya kuli ya tata yinu. ²⁶ Watile, ' Yanga kuyanthu ya nukuti ukati , '' Pakuvwa mumawuvwa , kweni mutamawuvwichisya ; nga nukuliola mumalola , kweni mutamayelenganya . ²⁷ Muno imyenzo yayanthu ya yitakumanya nachimwi, nga namakutwi yawo yatakuvwa , nga yaziyite. Nanga wuli ngeyeyakulola naminsi yawo , nga nukuvwa namakutwi yawo, nganukuvwichisya nimyenzo yawo nukuvwila , nga ningawapozga. '' ^{28 29} Áchino, mumanye ukuti ukupususya kwakwe Leza kwatumwa ukuyta kuya Kuyamitundu, nukuti yamawuvwila .''Lino wavwanga ivinthu vii, aya Yuda yapisile . Yakanzinkhananga sana pali wonga.'' ³⁰ Pawuli wikazile imyaka yili iyipuma munyanda yino walipilanga sile, nga wawapochelelanga wonsi yano yizanga kuli weliwe. ³¹ Wakosolanga ivya umwene wakwe Leza nga wasambilizganga ivinthu vyakwe Mwene Yesu Khilisitu nichikanga chonsi uwambula ukumulesya .