¹ Apano Agilipa watili kuli Pawulo ,'' Vwanga wenga .'' Apano Pawulo wololosyizge amakasa yakwe nukuyivwanjila . '' ² Nkhuyilola nemwenecho nkhunzile sana , Mwene Agilipa , ukuti ulonge umulandu wane ilelo pali vwonsi vino yanyepa aya Yuda , ³ umulandu wamanya ningo sana amasunde wonsi namawuzgo ayawayuda. Achono nkhukulenga ukuti unguvwichisye ningo sana. ^{4 5} Umolimo , aya Yuda wonsi yamanyile muno nikalile ukufuma kuwantche munsi yane namu Jelusalemu. Ayamanyile nene ukufuma panthandiko nga nukuti yazumilizge ukuti nikalanga ngati umu Falisayi, ichigawo ichichuzge sana ichamusumba witu. ⁶ Nomba nimilile pano ukuti mundonge umulandu walusuwilo lwane mululayizgo luno Leza wapanga kuli Leza witu. ⁷ Ulusuwilo lukwene luno uluko lwitu ikumi lyonga na yili lusuwile ukupochelela pano yakupepa Leza muwumolimo uwusiku numusanya, nga amulusuwilo lukwene, mwene, muno aya Yuda yakundonga . ⁸ Ichani chino nanthi wumwi wakwe mwemwe akwelenganya ukuti sisuwilo ukuti Leza wazgusile kuyafwe? ⁹ Nomba nadi, Nene nenga nelenginye ukuti mbombe ivinthu ivinji vino vitange visechelesye Yesu wamunazaleti. ¹⁰ Nawonvile vi mu Jelusalemu. Nayalile mung'anda yaminyololo ayanthu yakwe Leza namalano yano napochelile ukufuma kumukalamba wamapepo; ngalino yakomwa , nthawasolanga woliwo. ¹¹ Nawapanike insita izinji mumasinagogi wonsi nganawapatichizganga ukuti yavwanga iviyipe . Nawasochile sana nga nawanyefile nakunsi zguze . ¹² Pano nawombanga chino, nayile ku Damasikasi na maka nuwupinguzi ukufuma kumukalamba wamapepo; ¹³ nga munzila mulya kwene, umusanya pakasi , mwene , naweni ukuswepa ukufuma kupela kuno kwawazile ukulusya ilanzi, nga kwawazile pali nene nayanthu yano yapitanga na nene. ¹⁴ Lino swensi twapona pansi, nuvwile amazwi yakuvwanga kuli nene yavwanzile mumuvwango wa chihebeli , ''Sawuli, Sawulo, ichani chino ukunkhana? Ichikome sana kuli wewe upanthe insonzo. ¹⁵ Apano navwanzile , 'Weweni, Mwewne?' Mwene waswike, 'Ne Yesu wino ukumukana. ¹⁶ Nomba nyamuka yimilila ; umulandu wakwe chi nkhuloleka kuli wewe, ukukusola wewe ukuya wemuwonvi nuwukaboni ukuyana nivinthu vino umanyile vwakwe nene nga navino ndikulanjizga munkholelo; ¹⁷ ngandikupususya kuyanthu yamitundu kuno nkhukutuma , ¹⁸ ukuti ukayule`aminso yawo nukuwafumya kumfinzi ukuya ukjutiswe nga nakumaka yakwe satana ukuya kuli Leza , ukuti yapochelele ukufuma kuli Leza ukutetelwa kwavyawononyi nimpyani yino nkhuwapa yano yakwikutiswa nani mulusuwilo . ¹⁹ Achino , Mwene Agilipa , nthakanyile ichilolwa chakupela ; ²⁰ kweni, kuli yalya ayakudamasikasi tasi, nga apano aya ku Jelusalemu, nga napano insdi yonsi iya mu Yudeya , nga naya Mitundu, nawapile izwi ukuti yalape nukuti yaye kuli Leza , ukuwomba vino vingawavwa ukuti yalape . ²¹ Umulandu wakwe chi aya Yuda yanyefile nene mwitempheli nga yalondanga yankhome . ²² Leza wangavwa mphaka insita yino, nomba nkhwimilila nukusimichizga kuyanthu ayanono nayakalamba pali nachimwi chino chitange chichizge pali vino inchimi na Moses yavwanzile vilichitwa- ²³ ukuti khilisitu alchula nukuti yaliya ayakutalika ukunyamuka kuyafwe, yalikosola ukuswepa kuyanthu yitu, nakuyamitundu,'' ²⁴ Lino Pawulo wamalizga ukuyivwanjila , Fesitasi wavwanzile namazwi yapapela , '' Pawulo, wemupuwa; uwusambilile wako wukakupanga ukuya we mupuwa .'' ²⁵ Kweni Pawulo watili, sine mupuwa , Ichisumasana Fesitasi , kweni chino nkhiuvwanga ichimi nupya ichololoke . ²⁶ Muno mwene amanyile vwakwe vino ; nga achino nkhuvwangha nukusapuka kuli weliwe , amuno yakundambilizga ukuti nachimwi chino ichifisame kuli weliwe; amuno chi chitawomba mufwqinzi. ²⁷ Wasuwila intchimi, Mwene Agilipa ? manyile ukuti wasuwila .'' ²⁸ Agilipa watile kuli Pawulo, '' Pansita yinono sana ungandambilizga nene nuti inje ne mu khilisitu?'' ²⁹ Pawulo watili, '' Nkhupepa kuli Leza , ukuti kali apansita yinono nanthi iyitali , asapali wewe mutupu , kweni nakuliwonsi yano yakunguvwa nene ilelo yaliya ngati anene, kwe uwambula yacheni yaminyololo.'' ³⁰ Apano mwene wimilile , apano inkhombe, nga na Benisi nawe, nayano yikazile nawo; ³¹ lino yafuma mu chinyanda ichikulu , yavwanzile kumuze numuze nukuti, '' Umunthu wino atawonvile nachimwi ichakuti tungamukomela nanthi ukumunyepa .'' ³² Agilipa watili kuli Fesitasi,'' Umunthu wino ngewasapulwanga nanthi atatwalanga umulandu kulu Siza .''