¹ Lino papita amanda yasano, Ananiyasi simapepo mukalamba , ayakalamba yamwi , nuwakuvwanga wuno yamwamanga Tetulasi yatyile kweneko . Ayanthu yaa yamunyefile Pauli ku nkhombe . ² Lino Pawuli wimilila pankhombe , Tatulasi watalike ukumuvwanga ngawatile kumukombe , '' Pamulandu wakwewewe tuli numutende uwukalamba , nivyakulola vyako vikaleta uwusuma wansi yitu; ³ Nomba nukusalifya konsi kuno twapochelela vyonsi vino ukawomba , wachita ningo Felikisi. ⁴ Achino nthamakunyepa nupya, nkulenga muluse lwako utuvwile panono . ⁵ Muno twamuzana umunthu wii ukuti umutamye nukuti akawapanjisya aya Yuda wonsi imizi yonsi bya pansi ukukana . A mwene wa manazalini. ⁶ Wizile wezgapo nukonona ing'ánda yakwe Leza , achino twamunyefile. Twalondanga tumulonge ukuyana nisunde lyitu. ⁷ Kweni Lasiyasi, munthu muwonvi, wizile mukumusenda pamaka mumakasa yitu. ⁸ Pano mwamuwuzichisizge Pawuli pavinthu vino, mulimanya ivya vilipwa vino twamunyepa wino .'' ⁹ Aya Yuda ya nawo yizile yaya ponga pakumunyepa, ukusimichizga ukuti ivilipwa vino ivamolimo. ¹⁰ Kweni lino inkhombe yamuzumilizga Pawuli ukti avwange, Pawuli waswike, '' Nkhumanya ukuti kumyaka ivule walinji akalonzya munsi yino, nkhuvwanga vwakwe nene kuli mwemwe. ¹¹ Mukuzamanya ukuti patapisile amanda ikumi nayayili pano nayile pakupepa mu Yelusalemu . ¹² Lino yanzana mung'anda yamapepo , nthakanzinkhine nawe nawumwi , nthavulunginye niwumba , nanthi amu Sinagogi na mumusumba . ¹³ Yatange yalanjinze kuli mwemwe ukundongakuno yakuchita kuli nene . ¹⁴ Kweni nkhuzumilizga chi kukli mwemwe ukuyana ninzila yiyo kwene namuwombile Leza wakwe yatata yitu. Nemusuwilwa muli vyonsi vino vili mwisunde nivwakuwalikwa ivwantchimi. ¹⁵ Ndi nulusuwilo ululilonga na muli Leza nga ayanthu yaa. Ukuti kuliya ukuzguka kwawalungamane nayano sayalungamane. ¹⁶ Nomba nkhulwisya sana ukuya numwenzo wukwene kuli Leza nakuyanthu. ¹⁷ Nomba lino kwapita imyaka iyinji nizile ukuleta uwutuli kunsi yane nivyawupi vyamphiya ¹⁸ Lino nawomba chi , aya Yuda yamwi ukuma ku Eziya yizile yanzana pani twayiswefyanga mungánda yamapepo, patalinji iwumba napano ichongo. ¹⁹ Ayanthu yafewile yize pano mwemo muchili nomba nukuti yavwange chino chilipo kuli nende , nanthi yali nacho chimwi . ²⁰ Nga kapya , ayanthu yakwene yavwange chino yazanyile ichononeke muli nene pano nimilile paluwungo lwa ya Yuda, ²¹ pamwi chiye ichinthu chonga chino napunzile pano nimilile nawo, 'Vikukwafyana nivyakuzguka vyayafwe yano ndi pawulonzi namwemwe ilelo.''' ²² Apano Felikisi, wino wamanyile ningo ivyanzila , yizile yimika ukuvwichisya . Watili ,'' Lino Layisiyasi umukalamba wawa keya wiza ukufuma ku Jelusalemu., Nimayelenganya umulandu wako.'' ²³ Wizile wawalamula ayakeya ukuti Pawuli yamuyalile, kweni ukuti aye nuwufulu wumwi ukuti ayayuze yakwe manye yapotwa ukuvwa vino akulonda . ²⁴ Lino papita amanda yamwi, Felikisi wiza na Dulusila umuchi wakwe, umu Jewesi, ngawatumile ukuti yamulonde Pawuli nga wuvwile kuli weliwe ukuyana nivwalusuwilo muli Khilisitu Yesu. ²⁵ Kweni lino Pawuli wavwanzyanya nawe ukuyana nivwawulungamane, ukuyilema , nivyawulonzi, Felikisi wilize watina nukuvwanga ukuti , '' Fumapo noma lino. Kweni ndiningaya nulongo munkholelo, ndikutumila .'' ²⁶ Pansita yiyokwene wasuwile ukuti Pawuli amamupa amakopala , watumanaga kayilikayili kuli weliwe nukuvwanga nawe. ²⁷ Kweni lino papita imyaka yili , Posiyasi Fesitasi wizile waya inkhombe yakwe Felikisi , kweni Felikisi walondanga amanyikwe sana ku Yuda , wizile wamusya Pawuli ukuti aye mukunyepwa vilakwene.