¹ ''Mweyanji na yatata, wuvwini kuli nene chino nimawapanjila nimba .'' ² Lino iwumba lwuvyaPawuli akuvwanga kuli woliwo mumuvwango wachi Hebeli , yizile yaya mya . Watili , ^{3 4} ''Nemo nemu Yuda , napapilwe ku Talasasi uwa Siliya , kweni nasambilile mumusumba wukwene pansi pamatamba yakwe Gamaliyele. Nalamwile ukuyana ninzila izikalambane izga masunde yakwe yatata. Nemo ne wakuyipela kuli Leza , ngati vino wonsi yali nomba . Nakanyile inzila yi iya kuwufwe, ukuwanyepa nukuwayika kung'anda yaminyololo wonsi awonsi nayanachi, ⁵ nayasimapepo nayakalamba wonsi yangasimichizga . Napochelile yakalata ukufumila kuli woliwo kuuyanji aya ku Damasika , nganayile ukuti nkhawasende mukunyepwa nukuya nawo ku Jelusalemu yakasundwe . ⁶ Chachitikwe ukuti pano napitanga ukupalamila Damasika, umusanya umwakuchuluchizga ukuswepa ukukulu ukufuma kupela kwatalike ukuwala pali nene . ⁷ Naponyile pansi nganuvwile amazwi yakuti kuli nene,' Sauli, Sauli, ichani chino ukunkhana ?' ⁸ Naswike , ' weweni wewe, Leza?' Watile kulinene,' Ne Yesu uwanazaleti, wino mukumukana.' ⁹ Yano yalinji nanene yaweni uwutiswe, kweni yatuvwichisye izwi lyakwe wino wavwanganga kuli nene. ¹⁰ Natile , 'Mphange chani, Leza?' Leza wavwanzile kuli nene, 'Nyamukini muye ku Damasika. Kukukwene yaliwawuzga chilichonsi chino mukawomba.' ¹¹ Nthanga ndole umulandu nukuswepesya , kukupita namakasa yakwe yano nalinji nawo, nizile mu Damasiko. ¹² Kulya nakomenkhine numonsi izina lyakwe Ananiya, umonsi wamapepo ukulingana nisunde yamuvwanganga ningo nayayuda yano yikalanga kukukwene. ¹³ Wizile kuli nene , wimilile pali nene , ngawatile ,'' Munji Sawuli , pochelela ukulola kwako.' Pansita yiyokwene namuweni. ¹⁴ Ngawatile, 'Leza wakwe yatata wakusola wewe ukuti umanye chino akulonda , ukulola ayalungamane, nukuvwa izwi lyakwe likufuma mumulomo wakwe. ¹⁵ Muno muliya mwe yakamboni yakwe kuwanthu wonsi pali vino mwalola nukuvwa. ¹⁶ Nomba ichani chino mukulindilila? Nyamukini , muwatizwe, nupya fulalini amaluyembu yinu, ukupunda pizina lyakwe. ¹⁷ Lino nawelela ku Yelusalemu , lino napepanga mung'anda yamapepo , chachitikwe ukuti napilwe ichilolwa. ¹⁸ Namuweni akuti kuli nene, 'Pitisya musye Yelusalemu zuwa, umulandu yatalizumila ukusimichizga kwako vwakwe nene.' ¹⁹ Natile, mwemwe, woliwo wonga yamanya ukuti nanyefile nukuma yano yasuwile muli mwemwe muma sinagogi wonsi. ²⁰ Lino uwazi wakwe Sitefani kamboni wino waswililwe amati, Nani nimililanga nukuzumila , nukuti nawalolelanga inkhanzu zgakwe yano yamukomile.' ²¹ Kweni watili kuli nene,' Pitanji, umulandu nimawatuma ukutali kuyamitundu.''' ²² Yuvwichisyanga kuli weliwe mphaka wavwanzile chi. Yapunzile nukuti, ''Fuminipo nawe umunthu winu wiyo kunsi, muno chisi ningo ukuti aye nuwumi.'' ²³ Pano yapundanga , ukusumba inkhanzu zgawo, nukusumbila ulutukumbu mumphepo, ²⁴ Umukalamba wawakeya walamwile ukuti Paulo yamulete mung'anda . Walamwile ukuti yamukolowozge nukumuchapa. Umwakuti weliwe wenga amanye ukuti ichani chino yapundanga kuli weliwe vivikwene. ²⁵ Lino yamunyepa nimyando , Pawuli watili kuyakalamba yayakeya wino wimilile papipi , '' Wuzge ichakuzumilizwa ukuti mumuchape umunthu wino umu Roma nupya wino mutamuyisile mukumuyezga?'' ²⁶ Lino umukalamba wa yakeya wuvwa chii , wayile kumukalamba wayakeya nukumuwuzga , ukuti, '' Mukulonda muwombe chani? Muno umunthu wii umu Roma.'' ²⁷ Umukalamba wayakeya wizile nukuvwanga kuli weliwe, ''' Mbuzgini, mwe ya Roma ?'' Pawuli watile, ''umolimo.'' ²⁸ Umukalamba wamapepo waswike, ''Chalinji ichakuti nimphiya izinji nazanyile uwenecho.'' Kweni Pawuli watile ,'' Napafilwe muloma mukwene.'' ²⁹ Apano ayanthu yano yatinji yamukolowozge yasusile papokwene. Numukalamba wayakeya watinyile, lino wamanya ukuti Pawuli walinji uwaku Roma , umulandu wamunyefile. ³⁰ Kumutondo , umukalamba wayakeya walondanga amanye umolimo ukuyana ukuvwanga kwayayuda kuli Pawulo. Ngawamusapwile nukumuwuzga umukalamba wamapepo nayamumawungwe ukuti yakomenkhane. Ngawamulesile Pawuli pansi nukumuteka pakasi pawo.