¹ Pawuli wizile nupya ku Derbe naku Lisitira, yizile yikala, umulondezi wumwi wino walinji a Timoti walinji palyakwene, umwana umonsi uwamwanachi wumwi umuyuda wino walinji umusuwale, kweni tata wakwe walinji umugiliki. ² Wavwangwanga sana nayawuze yamwi yano yalinji ku Lisitila nuaku Ikoniyamu. ³ Pawuli walondanga apita nawe, ngawamusenzile nukumuputula umulandu wawayuda yano yalinji mumasyo yalya, muno wonsi yamanyile ukuti tata wakwe wali umu Giliki. ⁴ Pano yalinji munzila yawo iyamumusumba , yawapile amalango yawo mumang'anda yamapepo ukuti ayano yawuvwila, amalango yano yawalikwe naya positoli nayakalamba yamu Yelusalemu. ⁵ Nga ing'anda yamapepo yakomizwe mulusuwilo nukuvula mu mphendwa uwanda wonsi. ⁶ Pawuli nayano walinji nawo yapisile muchigawo chakwe Falegiya na Galatiya , muno yawakanile numupasi umutiswe ukulumbilila izwi muchigawo cha Eziya. ⁷ Lino yiza ku pipi na Masiya, yezizye ukuya ku Betaniya, lelo umupasi wakwe Yesu wawakanyizye. ⁸ Achono ukupita mu Mesiya, yizile pansi ku musumba wa Tulasi. ⁹ Ichilolwa chalolike kuli Pawuli uwusiku: Umunthu wamu Makedoniya wimilile papa, ukumulenga ukuti, '''wize mu Makedoniya nukuti wize utwavwe.'' ¹⁰ Lino Pawuli walola ichilolwa , papokwene watalike uwulendo wakuya ku Makedoniya, ukupingula ukuti Leza watwama sweswe ukuti twize tulumbulile izwi ilisuma kuli woliwo. ¹¹ Lino twapita pa manzi ukufuma ku Tuloyasi, twapisile ukololoka umusumba wakwe Simotolaki, nu wanda wuze twizile ku Nepolasi. ¹² Ukufuma kuku twayile ku Filipi, wuno umusumba wakwe Makedoniya, umusumba uwapapela sana mu musumba nu wuteko wawa Roma nukuti twizile mumusumba amanda ayinji. ¹³ Pawanda wa mulungu twayile kunzi kwa mupongolo mumbali muluzi kuno twelenganyanga ukuti kungaya amasho ya mapepo. twikazile pansi nukuvwanga kuli yamama yali yali ponga . ¹⁴ Umwanachi wumwi wino yamwamanga ukuti Lidiya, kakazga wamyenda iyiyenzuluchile wino wafumanga mumusumba wakwe Tilatiya, wino wamupepanga Leza , watuvwile. Mwene wamuyuzile umwenzo wakwe ukuti ayikepo amano pali vino Pawuli wavwanganga . ¹⁵ Lino weni ning'anda yakwe yawatizwe, watulondile sweswe, nukuvwanga , '' Nanthi mwamphingula nene ukuya wakusuwila kuli Leza , zanji mwize mwikale mung'anda yane.'' nga watulambilizizge . ¹⁶ Chizile ukuyaba ukuti , pano twayanga ku masyo yakupepela, umukazgana wumwi wino wali numupasi wakulola ivyakunkholelo waklomenkhine naswe. Wazananga imphiya izivule pavwakuvwanga vwakwe. ¹⁷ Umwanachi wi watukonkhanga munsizi Pawuli na sweswe ngawapundanga, nukuti , '' Awonsi ya ayantchito yakwe Leza wapapela sana . Yakukosola kuli mwemweinzila yakupusuchila.'' ¹⁸ Wawonvile chi kumanda ayinji. Kweni Pawuli, ukuya uwakusoka sana naweliwe , wasenwike nukuvwanga kumupasi nukuti ,'' Nkhukupingula umwizina lyakwe Yesu Kilisitu ukuti ufume mulu weliwe.'' Ngawafumile papokwene. ¹⁹ Lino umukalamba wakwe walola ukuti ulusuwilo lyakuzana imphiya nomba lwapita , yamulemile Pawuli na Silasi nukuwatwala pamasankhano pano pali yakateka . ²⁰ Lino yawaleta kuli yakalonga , yatili, '' Awonsi ya yakuvulunganya sana umusumba witu. Ayayuda . ²¹ Yakusambilizga imyata yino sisunde ukuti aya Roma yangazumila nanthi ukuwomba .'' ²² Apano iwumba lyakatwike ukwiminkhana na Pawulo na Silasi; kalonzya walepwile ivizwalo vyawo nukuwazula nukupingula ukuti yawachape nivikoti. ²³ Lino yawuma sana , yawasumbile mung'anda yaminyololo nukuwapingula nukuwawuzga yakanyepa ukuti yawalolelela sana . ²⁴ Lino wavwanga ukupingula kuno , kalindilila wawasumbile mu chipitu chamukasi nkhani ichangánda ya minyololo nukuwasapula amakulu yawo. ²⁵ Uwusiku pakasi Pawuli na Silasi yapepanga nukwimbila injimbo zyakwe Leza , nukuti ayanyepwe yawuze yuvwichisyanga . ²⁶ Papokwene kwali ichinzumanzi ichikalamba , nukuti ulyalo lwang'anda ya mimyololo lwa yingine ; ngapapokwene imilyango yonsi yayulike, nga niminyololo yakwe wensi yasapwike. ²⁷ Kalola yamukatwisye mutulo nga waweni ukuti ing'anda ya minyololo yali iyiule; wasenzile ichimayi chakwe nukuti walondanga ukuti ayikome, umulandu welenginye ukuti ayanyepwe yalya yafumile. ²⁸ Kweni Pawulo wapunzilenamazwi papela ,nukuti , ''Manyi uyichise, amuno swensi tuli mukwene.'' ²⁹ Kalondela wamile ukuswepa nukutuchila mukasi nu, tetema kwanthete , waponyile pali Pawuli na Silasi, ³⁰ nukuwafumya nukuti, '' Mukalamba , ningachita chani ukuti imphusuke? '' ³¹ Yatili,'' Suwilini muli Mwene Yesu , nga muli pusuka , mwemwe ning'anda zinu. '' ³² Yavwanzile izwi lyakwe Mwene kuli weliwe, nawonsi mung'anda . ³³ Apano kanyepa wawasenzile pansita yiyokwene uwusiku, nukuwafula ivilonda vyawo, nga naweliwenaswonsi mung'anda yakwe yonsi yawatizwe papokwene . ³⁴ Ngapano wamuletanga Pawuli na Silasi mung'anda yakwe ngawapekinye nichakulya ichakuti yalye, wasechile sana nayalya ayamung'anda yakwe, ukuti wasuwile muli Leza. ³⁵ Nmba lino kwacha , kalonzya watumile izwi kuli yakalola , ukuti, '' Yasyini awonsi yawo yapita .'' ³⁶ Yakalola yamuwuzizye Pawuli, ukuti , '' Kalonzya watutuma nizwi ukuti vwile mwapita . Nomba lino fumini, ngapitini numutende.'' ³⁷ Kweni Pawulo watili kuli woliwo, '' Yatuma piwumba uwambula ukutulonga tasi , napano wuli swe ya Roma napano wuli yatusumbile mung'anda yaminyololo . Yakulonda nomba ukuti yatufumye kumbali ? Nakana ! Yize ayenecho nukuti yize yatufumye.'' ³⁸ Yakalola yayile yawawuzga yakalonga , nga lino yuvwa ukuti Pawuli na Silasi yali aya Roma , yatinyile . ³⁹ Ayakalonga yizile nukuzapepesya kuli woliwo nukuwafumya , ukuwawuzga ukuti yafume mumusumba wawo . ⁴⁰ Nga apano Pawuli na Silasi yafumile mung'anda yaminyololo nukwiza kung'anda yakwe Lidiya . Lino Pawuli na Silasi yalola ayayuze , yawakomizye nukufuma mumusumba.