¹ Chingatenga ningavwanga mu ndimi zya yantu ni zya yangelo. Kwene nanti insi nu lukundo, lino naya ne chela cha chongo pamwi ichiwaya chakulila. ² Chingatenga ningaya ni chawila cha wusesemo nukuvwichisya inkama zyonsi izya wumolimo na mano nu kuti napano ningaya ni suwilo lyonsi ukwakuti ningasezya ni myamba. Kwene nanti insi nu lukundo lino ne wa sile. ³ Chingatenga ningapela vyonsi vino indi navyo pa kulusya ayapina, nu kuti napno ningayipa umwili wane ukuti wochwe mumoto. Kwene nanti insi nu lukundo, intakuzana chimwi. ⁴ ULukundo ukutontelela nu kuya nu luse. Ulukundo ansakafichi nu kuti lusiyitutumiula. Nsu kuyitumvya ⁵ pamwi ichilumba. Lusiyilondela vyakwe lolini longa. Nsu ku soka, pamwi ukusunga iviyipe. ⁶ Lusisechela muli vino insivilungame. Lelo lukasechela muli vino ivya molimo. ⁷ ULukundo lukapochela ivintu vyonsi, luka suwila vyonsi, luka tayila vyonsi nu kuti luka jimba muli vyonsi. ⁸ Ulukundo lusisila. Ndi kuli uwusesemo, wukasila. Ndi kuli indimi, zila myalala. Nanti kwaya amano , yalasila. ⁹ Pakuti swemo twamanya tumwi tumwi nu kuti sesema tumwi tumwi. ¹⁰ Kwene chilala chiza chenecho chene chino chitasilichila chilasila. ¹¹ Lino nali ne mwantche, na vwanganga ngati mwantche, nelenganyanga ngati umwantche, navisendelanga ngati umwantche navilesile. ¹² Pakuti nomba tukulola umwa kuzyela u mwi galasi, kwene nomba pamanso na maanso. Nomba namanya tumwi, kwene inda manyichisya ngati vino manyikwe. ¹³ Kwene nomba vitatu vino vyasyala: isuwilo, u kutayika nu lukundo. Kwene ichikalambane pali vii u lukundo.