¹ Tji tua etua naua, tua muna kutja okakoveruahi ke isaneua o Malta. ² Ovature ka ve tu pere orusuvero ndu hina tjavivi uriri, nu nguari va jakisa omuriro nu ave tu jakura mena ro mbura no mbepera mbiari ko. ³ Nu Paulosa tjaza no ku uonga ongata jo zongune nu a tua mo muriro, onjoka ja pita mena ro upiu nu ai rimanga meke re. ⁴ Nu ovature otjipuka tji ama tji rekareka meke re, ave hejasana, "Omurumendu ngui omuzepe ngu ua jamua ko kuvare, Oveta kaina ku mu jandjera kutja ma hupe." ⁵ Nu nguari uaumba otjipuka mo muriro nu a ha ihamua. ⁶ Ija ve undju kutja ma eure no tjindumba poo okuua kamanga nu a koke. Nu tji vaza no ku mu tarera orure nu a vamunu kutja kapeno tji tjiri navi muje, va tanaura ouripura uao nu ave tja o mukuru. ⁷ Nai mo mahi uo ngondoroka pari no mahi ngari uo morumendu uo muhona uo kakoveruahi, omurumendu uena Publius. Ue tu jakura no mutima omuua etupe avihe oure uo majuva jetatu. ⁸ Pakara nao kutja ihija Publius ua ri a rara aeno otjindjumba no desentery. Nu Paulosa tja ja kuje, ua kumba, ajambeke omake ue muje, nu emu verukisa. ⁹ Kombunda ja itji, ovandu avehe mbari mo kakoveruahi mbu vari no mitjise uina veja nu ave verukisiua. ¹⁰ Ovandu ve tu ingoneka no vijandjeua ovingi,.Tjija tu ri tunine oujenda, vetupa imbi mbi ja tu hepa. ¹¹ Kombanda jo mieze vitatu tua toora oujenda uo vikengeze mo tjikengeze tji tja toora okupepera mo kakoveruahi, otjikengeze tja Alexandria, no "mikuru vivari" otjo tjisanekero kotjiuru. ¹² Kombunda jo ku vaza ko tjihuro tja Syracuse, tua kara ngo oure uo majuva jetatu. ¹³ Okuza mbo tua kaenda mo vikengeze ngandu tji tua vaza ko tjihuro tja Rhegium. Kombunda ejuva rimue ombepo ja singa okuza ko mamuho, nu kombanda omajuva jevari atu vaza mo tjihuro tja Puteoli. ¹⁴ Ingo tua vaza ovakuetu nu tua nangua kutja tu kare punavo omajuva hambombari. Mo muano mbui tue ja ko Rome. ¹⁵ Okuza mbo ovakuetu, tji vaza no kuzuva ohunga naete, veja oku uana kuna ete okuza ko ukokure uo tuveze tuo marandisiro ua Appius na Three Tarvens. Nu Paulosa tja muna ovakuetu, ua jandja ondangi kuMukuru nu ahara omasa. ¹⁶ Tji tua hita mo Rome, Paulosa ua jandjerua oku kara peke peno omasorandate nge mu tjeverere. ¹⁷ Nu pa tjitua kutja kombunda omajuva jetatu Paulosa ua isanena pamue ovarumendu avehe mbari ovanane vo vaJuta. Tji va uorongana, ua tja kuvo, "Vakuetu, nandarire hi ungurire otjinatjimue otjivi ko vandu poo ko zo ngaindisiro zoo tate, mba jandjua otjo mukamburua mo make uo vaRoma okuza ko Jerusalema. ¹⁸ Tjivaza no ku ndji pura, va zera oku ndji kutura, orondu kapari ne zeva ro ku pangurirua ondiro mehungi randje. ¹⁹ Nu ovaJuta tji va hungira oku pirura ondero jao, mba ninikizua oku kua ku Caesar, nu ka jari aajo mba jeta ehungi komunda ua vandu vandje. ²⁰ Mena re zeva ndi, kunao, mbe mu isana kutja mbi mu mune nu mbi hungire po murungu uenu, orondu omena ro maundjiro ua Israel tji mba zara oketanga ndji." ²¹ Kuzambo vatja nai ku je, "Ka tu jakurire ozombapira okuza ko Judea ko munda uoje, poo kapena umue ounepo uetu ngueja oku kora poo oku hungira tjimue otjivi ko munda uoje. ²² Nu nguari ma tu hepa oku zuva move kutja mo ripura vi ko munda uo kambumba nga, orondu pe tjiukua kuete kutja ke hungirua navi akuhe." ²³ Tji ve mu tuapera ejuva, ovandu ovengi veja ku je ko ruveze pu ja kara.Ua jandja ehungi kuvo, nu a hangununa ko munda uo uhonapare ua Mukuru. Ua kondja oku ve tanaurira ku Jeesu, avehe okuza mo veta ja Mose no jo vaprofete, okuza mo muhuka ngandu ko ngurova. ²⁴ Tjiva va itavera mu imbi mbi ja vi hungirua, nu tjiva ka ve itaverere. ²⁵ Tji ja ve ha itaverasana, va pizuka Paulosa tjaza no ku hungira embo rimue ndi: "Ombepo Ondjapuke ja hungira naua kuna Isaiah omuprofete ko iho jenu. ²⁶ Uatja, 'Kaende ko vandu mba nu katje, "Okuzuva ma mu zuu, nu ka muna oku hitisa; no ka muna ma mu munu, nu ka muna oku muna naua, nu ka muna oku zuva. ²⁷ Orondu omutima uo vandu mba ua rira omuti, nu omatui uao ka je zuu naua, nu va pata omeho uao. Nu nguari itja ve muna no uao, a ve zuu no matui uao, nu a ve hitisa mo mitima viao nu a ve tanauka rukuao, nu me ve verukisa." ²⁸ Kunao, tjiuee kutja onguturiro ja Mukuru ndji ja jandjua ko vandu voZonganda, nu ma ve puratene." ²⁹ Omatjangua omakuru tjiva jena ezva 29: "Tjaza no ku hungira ovina mbi, ova Juta va ja. Ija ve kondjo nezuma mokati kauo." ³⁰ Paulosa ua kara ozombura mbari ozombomba mo ndjiuo je omuini ndja isutirua, nu ija jakura avehe mbu ve ja kuje. ³¹ Ija handjaura ouhona ua Mukuru nu ija hongo ovina komunda ua Muhona Jeesu Kristu no masa no ku hina otjitjaere.