1
Paulosa noho ueja ko Derbe no ko Lystra,nu tara,omuhongeua umue uena ra Timothy opaari, omuatje omuzandu uo mukazendu o mu Juta nguari omukambure,nu ihe uari o mu Gerika.
2
Ija hungirua naua ijo vakuao mbari ko Lystra na Iconium.
3
Paulosa emu paha kutja a kaondje penaje, nu emu toora emu sukarisa mena ro va Juta mbari mo virongo imbio, orondu avehe ija ve tjiua kutja ihe jari omu Gerika.
4
Tja ve kapita movihuro, ijave kongorere ozoveta otja tjiza tuaperue ijo va apostolo no vanene mbari mo Jerusalem kutja ze kongorerue.
5
Nu ozombongo aze hara omasa mongamburiro noho averi ueza otjivareroejuva ne juva.
6
Paulosa no vakuao ave kapita mo makondua ua Phrygia na Galatia,orondu va tjaererue ijo Ombepo Ondjapuke oku handjaura embo mekondua ra Asia.
7
Tjive jere mene ra Mysia, ave kondjisa oku hita mo Bithynia, nu Ombepo ja Jeesu ai vetjaere.
8
Mo ku kapita po Mysia, aveja po tjihuro tja Troas.
9
Ombunikisiro aija ku Paulosa moutuku: Omurumendu uo ko Macedonia ua kuramene mbo, ame riheke amatja, "Indjo mo Macedonia nu utu vatere."
10
Nu Paulosa tja munisiua, kamanga atu paha okujenda ko Macedonia, atua mana kutja Mukuru uetu isana kutja tuka zuvarise embo ku vo.
11
Tjima tu utu oujenda ko Troas, atu hungama ko Samothrace, ejuva ependukirua atu ja po Neapolis.
12
Okuza imbo atui ku Philippi, tji tjiri otjihuro tja Macedonia, otjihuro otjinandengu oku kapita mekondua noho kehi jo unane ua Rome, nu atu kara motjihuro itjo omajuva.
13
Mejuva Esabata tua pita po mujero mene ro ndondu, pa tu nanguarasi pari no ruveze ro ngumbiro. Tua haama atu hungire pena ovakazendu mba ongarere pamue.
14
Omukazendu umue uena ra Lydia, omu randise uozo mbanda ozopurple uotjihuro tja Thyatira, ngua jozikire Mukuru, uetu puratena. Muhona a jezurura omutima ue kutja a puratene ku itjo tjitja hungirirue i Paulosa.
15
Eje no ndjiuo je o tji va papitisiua, eriheke, amatja, ''Tji mue ndji pangura otjomutakame ku Muhona, indjeje nu muje oku kara mo ndjiuo jandje.'' Nu etu zuvisa.
16
Apeja nau okutja, tja tui ko ruveze ro ngumbiro, pena ete omusukona umue omukarere nguari no mbepo uozondjai ua hakaena jokuuka pena ete. Eje ua tumbisa ovahona ve nondjambi jokuuka.
17
Omukazendu ngui ua kongorera Paulosa na ete nu aravaere, amatja, ''Ovarumendu mba ovakarere va Mukuru uo Uombanda. Ve zuvarisa ondjira jo ndjamo.''
18
Atjiti nai omauva omengi. Nu Paulosa, aurisiua ije tjinene, ua tanauka atja ko mbepo, ''Mbe ku tie mena ra Jeesu Kristu kutja upite muje.'' Nu ae piti mo iri indjo.
19
Ovahona ve tjiva munu kutja oruveze ro kumuna ondjambi rua kapita, ave kambura Paulosa na Silas ave ve tuara ko ruveze ro marandero po murungu jo vanane.
20
Tjive ve jeta kovapangure, avetja, "Ovarumendu mba mave zunga otjihuro tjetu, Ova Juta.
21
Ve handjaura ozoveta nda haso okujakurua no ku kongorerua ijo Ovaroma."
22
Nu otjimbumba atji sekamene Paulosa na Silas; ovapangure ave taura ozombanda zao nu ave pangura kutja ve tonue nouti.
23
Tji vazu noku vetona tjinene, ave ve umbu mo tjovakamburua nu ave raere omutjevere uondeko kutja ngeve tjeverere tjinene.
24
Tjazu no ku peua omaronga nga, omutjevere uondeku eve umbu metuo ro kokuara nu evetua ko mapando.
25
Pokati ko utuku Paulosa na Silas ave kumbu noho amave umbura omatangero ku Mukuru, nu ovapandekua ovakuao tjandje vapuratene.
26
Nu mo kamanga ape kara no manjinganjingiro uehi, kutja omazikameno uondeko e njinganjinge; nu kamanga omiero avihe avi jezuruka, no mapando uao avehe ae kutuka.
27
Omutjevere a pendurua mo zombotu nu amunu omijero vio ndeko avia jezuruka; aisamo engaruvjo re nu ahara okurizepa, orondu a nanguaasi ovapandekua vapiti.
28
Nu Paulosa ua ravaera ne raka roko mbanda, amatja, ''Ori ihamisa, orondu atuhe oputuri imba.''
29
Omutjevere uondeko ua ningira omarambe nu atupuka moukoto nu, amazezera no mburuma, au po murungu ua Paulosa na Silas,
30
eve jeta pendje nu atja, ''Vahona, hi tjite vi kutja mbi jamue?"
31
Avetja, "Kambura mu Muhona Jeesu, nu mo jamua, ove novo ndjiuo joje.''
32
Va hungira embo ra Muhona kuje, no mundu auhe mo ndjiuo je.
33
Kuzambo omutjevere uondeko eve toora moiri joutuku indjo, nu akoho oviruaro viao, nu eje novo ndjiuo je ave papetisiua mo iri indjo.
34
Ne je tja jeta Paulosa na Silas mo ndjiuo je nu eve tuapere ovikuria po murungu uao, a joroka tjinene puna imbo vo ndjiuo je, kutja ua itavere mu Mukuru.
35
Ke juva, ovapangure ave hindi embo ko vatjevere, ama vetja, ''Jeseje ovarumendu imbo ve jende.''
36
Omutjevere uondeko akora omambo ku Paulosa, amatja, ''Ovapangure va hindi embo kuami kutja hi muese mu jende. Kunao okutja piteje, nu kaendee mo hange.''
37
Nu Paulosa atja kuvo, ''Vetu tonene po murungu ua avehe no ku hina otjiposa, natji turi Ovaroma vetuumba mo ndeko. Nu nambano mave paha okutu pitisa ongumumu? kako! Vesa veje oveni veje okutu pitisa.''
38
Ovatjevere vaka kora omambo inga kovapangure, nu tjiva zuva kutja Paulosa na Silas ova Roma, va uruma.
39
Ovapangure aveja averi ningirire ondjesiro nu aveve pitisa, ave ningire kutja ve pite motjihuro.
40
Paulosa na Silas ave piti mo ndeko avei ko ndjiuo ja Lydia. Nu Paulosa na Silas tjiva muna ovakuao, ave ve zeuparisa mo muinjo nu ai rire tji va piti mo tjihuro.