1
Nu ovaapostole no vakuetu mbari mo Judea vazuva kutja ovandu vozonganda ovo uina va jakura embo ra Mukuru.
2
Nu Peturosa tjeere ko Jerusalema, imba mbari ounepo uo tjimbumba tji tja sukara ve mu hungirire;
3
ave tja, "Ua uana kuno ovanu mbu ve ha sukarere nu ori punavo!"
4
Nu Peturosaautu oku handjaura otjina tji kuvo ko ukoto. a matja,
5
"Ije kumbu mo tjihuro tja Joppa, nu mbakara no tjiraisirotjo tjipuikiro amatji heroka pehi, tjimuna o tjirare otjinene ama tji herurua pehi okuza kejuru no ko zo huiki zatjo ine. Atji herukire kuami.
6
E tji tara nu eripura natjo. Mba muna ovipuka imbo vio marama jane vio uje, ovipuka vio kuti,ovipuka ovikokozoke, no uzera ue juru."
7
Otji mba zuva erka ama ri tja kuami, 'Sekama, Peturosa; zepa nu urie!'
8
Mba tja, ' Ka tjiperi, Muhona; kapena otjina tji tji heri otjijapuke poo otjihakohoke tji tja rora oku hita mo tjinjo tjandje.'
9
Nu eraka ra zira rukuao okuza kejuru, ' Itji Mukuru tja kohorora, ko sere oku tji isana tji tja zundaka.'
10
Itji tja tjitua po tutatu, nu kuzambo otjina atjihe tja jarurua kombanda kejuru rukuao.
11
Tara, mo tjimanga pari no varumendu vetatu mba kuramene mo murungu uo ndjiuo mu tua ri; va tumua kuami okuza ko Caesarea.
12
Ombepo je ndji tiere kutja mbijende punavo, nu hisere oku ve hana. Ovakuetu hamboumue mba vaja puna ami, nuatu hiti mo ndjiuo jo murumendu ngo.
13
Ue tu raera otja tja muna omuengeri a kurama mo ndjiuo je nu a matja, 'Hinda ovarumendu ko Joppa nu ka kotore Simon ngu isaneua Peturosa.
14
Ma hungire kove ombuze indji ndji mo jamua najo-ove na avehe vo ndjiuo joe.'
15
Indi tji mba uta oku hungira kuna vo,Ombepo Ondjapuke jeja muvo, tjimuna muete kombutiro.
16
Mba zemburuka omambo ua Muhona, otja tja atja; 'Johanesa tjiri ua papitisa no meva; posija ma mu papitisiua no Mbepo Ondjapuke.'
17
Nu nao tjeri kutja Mukuru ua jandja kuvo o tjijandjeua otja tje tupa tji tua kambura mu Muhona Jeesu Kristu, mbari une ami, oku pirura Mukuru?"
18
Imbo tjiva va zuva ovina mbi, ka ve zirire, nu va hivirika Mukuru nave tja, "Okutja Mukuru ua jandja ondanaukiro okuranda ohupo ko vandu vozonganda uina."
19
Nu imba mba pizukire mena ro ndatumisire indji ndjija karere ko mena ra Stephana va takavara oukokure mbuma uvasa ko Phoenicia, Cyprus, na Antioch, ama ve zuvarisa embo ko va Juta uriri.
20
Nu tjiva vao, ovarumendu okuza ko Cyprus na Cyrene, veja ku Antioch nu uina ave hungire kuno ova Hirika, ama ve zuvarisa kuvo ombuze ombua ohunga na Muhona Jeesu.
21
Oku uoko kua Muhona kuari puna vo; otjivarero otjingi tja kambura nu tja tanaukira ku Muhona.
22
Ombuze ohunga navo jeja mo matui uo mbongo mu Jerusalema, nu ave hindi Barnabas oukokure tjimuna uo ko Antioch.
23
Nu tjeja na munu otjari tja Mukuru, ua joroka nu eve zeuparisa avehe oku zikama mu Muhona no mitima viao avihe.
24
Orondu eje tjari omurumendu omusemba nu ae ura no Mbepo Ondjapuke no ngamburiro, nu ouingi uo vandu va uezua ku Muhona.
25
Barnabas tjaza mbo ua ja ku Tarsus oku kapaha Saulo.
26
Tje mu vasa, ve mu jeta ku Antioch. Peja nao, kutja ombura aihe va uoronganena pamue no mbongo nu ave hongo ovandu ovengi. Ovahongeua va uta oku isaneua ovaChriste rutenga mo Antioch.
27
Nu mo majuva ingo ovaprofete tjiva veja ko Antioch okuza ko Jerusalema.
28
Umue uavo, Agabus kena, ua sekama nu uaraisa no Mbembo kutja ondjara onene maija mo uje auhe. Itji tja tjitua mo majuva ua Cladiusa.
29
Nu ovahongeua, otja auhe po ku ura kue, va tia oku hinda ozombatero ko vakuao ko Judea.
30
Va tjita tji; va vepererera ovimariva ko vanene mu Barnabas na Saulo.