¹ Konyima zeyi kapi pwa pitire mazuva Yesusi ta tengwire kokaperenaumi makura vantu tava mu zuvhu asi kweli kembo. ² Vantu wovanzi kwa ya pongere nousikameno si wo wu nepevero si lyozugo paapa Yesusi kwa va uyugisilire nonkwango daKarunga. ³ Makura vantu vamwe tava wiza tav mu retere muntu gosirema vane va mu simbire. ⁴ Morwambunga kapi va vhure kugwana mpito zokuheda kwa Yesusi yipo nye va tumwenene mbando zonzugo poyiha apa ga kere Yesusi, eyi va mana kuzitomona tava mu hegumuna muntu gosirema age ana rara pouro. ⁵ Apa ga mwene Yesusis epuro lyawo ta tantere muntu gosirema asi, ⁶ ''Munwange nonzo duge vana di kau dongwenene po.'' Pwa hingilire valirongi vamwe womatjangwa, ava va lipulire monomutjima dawo asi, ⁷ ''Eyi ana kuuyungira nagunwe si a vhuru kudongonona po nonzo ntudi Karunga googo?'' ⁸ Naruvali si Yesusi nare ana siki po ta va nongonona as yisinke vana kulipura monomutjima dawo. Makura ta va pura asi, ''Yisinke muna kugazarera yininke yongooro? ⁹ Yoyireru po nani yisinke, 'Yoku tantere ogu serema asi nonzo doge vana di ku dongwenene po' ndi yokutanta asi 'Katuka, o damune uro woge, o gende'? ¹⁰ One mu dive asi nani munwamuntu kwa kara nunonkondo apa pevhu doku dongonona po nonzo,'' makura ta tantere sirema asi, ¹¹ Tani ku tantere asi, katuka, o damune uro woge, o ze kembo.'' ¹² Naruvali nare ana katuka ta damuna uro wendi ta ka sikkama moyitarameho yanavanye, navenye kwa tetukire unene tava pandura Karunga tava uyunga asi, ''Ose nda twa kare kumona sininke sangesi.'' ¹³ Makura Yesusi ta tengwire hena konontere dekurudiva lyaGalireya , nye mbunga mudima tazi wiza kwendi, ta ya zi rongo. ¹⁴ Kutunda opo ha ko za mokugenda ta mono mufutisi gomutero Revhi makuar Yesusi ta mu tantere asi, Kwama nge.'' Revhi nare ana katuka ta mu kwama. ¹⁵ Konyima zeyi Yesusi yipo ga zire a ka lye membo lyaRevhi gano vafutisi womutero novazoni wovanzi va mu hamenene nye sinzi sawo va mukwamine munyima. ¹⁶ Apa va mu mwene Yesusi valirongi womatjangwa wonkwa vaFaliisayi age tali novazoni novafutisi womutero, ta tantere valirongi asi, ''''Yinke yo kolya novafutise novazoni?'' ¹⁷ Yesusi apa ga yi zuvhire eyi ta va tantere asi, ''Vahetakanyi kapi va hepa ngi; vaveli tani. Ame kapi na wizira vahungami, vananzo na wizira.'' ¹⁸ Pwa kere ruveze oru ngava dilire nondya varongwa vaYohanesa mukuhwi novaFalisaya makura vantu tava wiza kwaYesusi tava mu pura asi, ''Eyi ava dililire varongwa vaFalisaya nani yinke nye woge va dire kudilira?'' ¹⁹ Yesusi ta va pura asi, ''Nani vagenda wosipito sononkwara kuvhura kudilira age mukwali pweli? Amesi nokuwapa si siruwo esi vana kara nomukwali nokuwapa si kudilira. ^{20 21} Ngapa wiza siruwo sokuvagusa mukwali, ntani ngava dilira ezuva olya. Nagumwe si a vandekesa sikoverero sokukurupa kosivando sosipe. Nsene a yiirugana tasi zomonona sikoverero sokukurupa si kare nentumo lyenene. ²² Hena nagumwe si a dwire vhinyu zompe monompunda dokukurupa. Eyi nsene a yi rugana vhinyu tazi taura nompunda makura vhinya nono mpunda tayi zonaukagano. vhinyu zompe kuzidwira monompunda donompe.'' ²³ Ezuva limwe lyeSabata Yesusi kwa gendere zomapye gorukokotwa, varongwa vendi hava vana ngilagura nendi tava tezagura nomutwe dorukokotwa. ²⁴ Pokuyimona eyi vafalisayi tava tantere Yesusi asi, ''ko tara si, eyi vana kurugana varongwa meSabata kuna kulilimba noveta zetu?'' ²⁵ Makura Yesusi tava limburura asi, ''Nani kapi mwa tara eyi ga rugene Ndafita apa za va kwete nzara novantu vendi- ²⁶ ga hwilire monzugo zaKarunga a lye mboroto zonzambo zaKarunga. Eyi kwa hurukre mouzuni waAbiyatara mupristeli gonunene, ame asi mokukwama veta zetu vapristeli ava si li zene ezi mboroto nye Ndafita ga zi lire no ko paako vantu vendi?'' ²⁷ Makura Yesusi ta tanta asi Esabata muntu va li ruganena, kapisi muntu yige va ruganena Esabata. ²⁸ Yipo nye asi munwamuntu age kupangera neSabata lyeeli.''