¹ Makura Yesusi ta tameke kuvaoyungira moyifanekeso asi, '' Mugara gumwe kwa ruganene sikunino, ta tapeke mo yindjembere, ta si gumbu ta simiwe mo ukamengo, makura ta tungire mo ruhungu rokutakamesera. Makura ta zi murongindo. ² Moro veze ro, ta tumu mukareli kovavasikunino va ka mupe ko yimwe yo mo sikuninu. ³ Nye tava mu kwata, tava mu toona, tava mu tumu a tengure ngorooro mawokowoko. ⁴ Makura ta tumu ko mukareli gumwe hena, ogu tava mu boyagura momutwi tava mu swaura. ⁵ Makura ta tumu ko hena gumwe, ogo tava ka mu dipaga. Nye kwa kweme hena vamwe tava va dipaga. ⁶ Ga kere hena nomuna guwe, gomugara yige ga va tuminene poruhura. Ta tanta asi, ''Munwange ngava ka mu kutekera.' ⁷ Nye vasikunono tava liyongo navenye, ogu yige mupingi. 'Wezene, tu mu dipagene makura upingwa wosikunino ngau kare wetu.' ⁸ Makura tava mu kwata, tava mu dipaga, tava ka mu zugumuna kesinya kwina lyosikunino. ⁹ Omu nga ya rugana mwenyasikunino ngapi? Age nga wiza tupu, no kodipaga venyasikunino hena oso sikunino sovhinyu ta si gava kwavamwe. ¹⁰ Nani kapi mwa vara nonkango edi va tjanga? 'Emanya eli va zumba vatungi yilyo lina kara emanya lyowohura. ¹¹ Hompa yige ga yi rugana ose kuyimuna asi sitetu.'' ¹² Makura awo tava hetakere ko asi va mu kwate yeeyi va divire egano asi sifanekeso esi ga uyungire yiwo sa tambere. Nye kwa tjilire vantu . Makura tava mu sigi tava ka za. ¹³ Kutunda opo makura tava mu tumine vaFalisayi vamwe nava wonkwa Herodesa va ka mu senzekere monokango. ¹⁴ Tava wiza, ta va mu pure asi, '' Murongi, ose twa diva asi ove kapa o tetuka muntu, hena kapi o rungo mosili. Osili ezwi lya Karunga wo rungu. A sina vetu ko futa mutero kwaHompa gwa Roma, ndi no ko Futa si?'' ¹⁵ Nye nare ana diva uyilipaki yawo ta va pura asi, ''Eyi muna kusenzerekera nge hena yisinke? Komu retere nge simaliva somutero ni si tare ndi.'' ¹⁶ Vena tava si mu retere. Makura age ta va pura asi, ''Efano eli nani lyalye neli edina lya kara po nani lyange?'' Awo tava tatere asi, ''LyaHompa'' ¹⁷ Yesusi makura tava tatere asi, '' Omu futire Hompa eyi ya tumbukira uHompa, Karunga eyi yooKarunga.'' Makura awo tava mu tetuka. ¹⁸ Kutunda opo Vasadukayi, wova va tata asi, kwatu evhumbuko lyovafe. Makura tava mu oura asi, ¹⁹ ''Murongi, Mosesa kwa tu tjangera asi, 'Kenesi muntu ana fisa mukurwendi, nye age a sige mukadi, ga hana vana, makura ogo mumbyamuntu ga wapera kugusa mukadi, a retere ogo mukurwendi vana.' ²⁰ Nye pwa kere vagara vatano navavali mezimo lyawo. Ano mbeli ga kwere mukadi, mkura tafu, age ga hana kupaka po mona. ²¹ Sikwamambeli ta gusa mukadi, nye age tafu, age ga hana kupaka po muna, nogoutatu nage ngosikwawo. ²² Navenye moutano-nauvali wawo kwa kwere mukadi ogo, nye kapi va peke po vana. Va pwa navenye, mukadi nage ta limanesa ta fu. ²³ Pevhumbuko nye, apa ngava vhumbuka, ogo mukadi gwalye nga kara? Yeeyi moutano- nauvali wawo mukadi ogo gwawo ga kere.'' ²⁴ Makura Yesusi ta va tantere asi, ''Kapisi yipo nye mwa pukira opo, lyo wa dira kudiva matjangwa nonokondo da Karunga? ²⁵ Morwa vate apa ngava va pindura koufe, nokokwara si hena, no ugawo unokwara tupu ngwendi vaengeli vemeguru. ²⁶ Ano yombinga zovafe asi ngana vhumbuka, kapi mwa vara nani mobuke zaMosesa yokuhamena sihwa, omo ga mu uyungisisire Karunga asi, 'Ame ni Karunga gwaAbirahamu, no Karunga gwa Isaka, ame hena no Karunga gwa Yakopo'? ²⁷ Gano kapisi Karunga govafe, age govanamwenyo. One nani kwa lipuka momunene.'' ²⁸ Mulirongi gomatjangwa gumwe kwa hedere ko makura ta zuvhu omu vana kolipatana; ta mono hena asi Yesusi ana va tantere nawa. Makura ta mu pura asi, ''Magindisiro gomawa gapi munayinye?'' ²⁹ Yesusi ta tanta asi, ''Sipango sosinene esi, zuveni, Israeli, purakene Hompa Karunga gwetu, yige Hompa gelike. ³⁰ Gano o hare Hompa Karunga goge nomutjima goge nagunye, nopempo zuge nazinye nonondunge doge nadinye nowonkondo doge nadinye.' ³¹ Magenlisiro ngo uvali, 'O hare mukweni moomu wa lihara nyamoge.' Kutupu hewa magenlisiro go ko pitakana u.'' ³² Mulirongi ta uyunga asi, '' Nawa, Murongi! Wa yi uyungire si Karunga ne gumwe, hena kwatupu ku hena go go mufana. ³³ Hena kuhara Karunga nomutjima nagunye nonondunge nadinye nomwenyo nagunye nononkondo nadinye, hena kuhara mukweni moomu wa lihara nyamoge kwa pitakana nonzambo nadinye dokuswakerera nononzambo.'' ³⁴ Apa ga mwewe Yesusi asi ana limburura panondunge, ta mu tantere asi, ''Ove kapi ono kara ure nountungi waKarunga.'' Kutunda opo, nagumwe si hena ga hetekere ko kumupura. ³⁵ Ga kere Yesusi mokuronga montembeli, ta tanta asi, '' Ngapi nye omu nava tanta tanta valirongi womatjangwa asi Kristusa munwa Ndafita? ³⁶ Morwa Ndafita mwene mpepo zokupongoka za mu uyungisire asi, Hompa Karunga kwa tanterere Hompa gwange asi, '' Hingira korulyo rwange, dogoro naki ngani pake nonkore doge ulyatero wonompadi doge.'' ³⁷ Ndafita mwene kumutumbura asi, 'Hompa,' Ngapi hena omu na kara agi asi munwendi?'' Mbunga zonene kwa kere neharo lyo kupurakena Yesusi. ³⁸ Yesusi ga za mokuronga, ta va tantere asi, '' Omu likunge kovalirongi womatjangwa, ava va hara kugendagura momarwakani gomare, va tokomena emororo pomarandero, ³⁹ noyipundi yekuto yomosinagoge neyi yomoyipito. ⁴⁰ Awo kulya po emona lyovafisavaya vawo oku tava lipaka kukanderera siruwo sosire. Nye ngava gwana mpanguro zondigu-ndigu.'' ⁴¹ Makura Yesusi ta ka hingira a livyuke mosikesa soyimaliva yonzambo, a tare vantu omu vana kutura mo yimaliva mosikesa. Gano nongawo dononzi tava tura mo yimaliva yoyinzi. ⁴² Nye pwa wizire mukudi gokufisa yendi gomuhepwe ta tura mo tusenda tuvali. ⁴³ Yesusi makura ta zigida Varongwa vendi, ta va tantere asi, '' Yosili nina kumutantera asi, mufisayendi ogu gomuhepwe yipe ana gava po yoyinzi, kupita navenye ava vana tura mo mosikesa sonzambo. ⁴⁴ Yeeyi navenye ava vana gava kuna yi gusa popanene. Nge age kuna yi gusa pouhepwe wendi, a yi gave moomu ga yi wekera, eyi nkare yi mu parure moukaro wendi.''