¹ Eyi va wiza pepi naYerusarema, poyiha ya Betege naBetani pundundu zomauzwe Yesusi ta tumu varongwa vendi vavali ² ta va tantere asi, ''Zindeni kumambo gena muna pe yipara. Pukukasika kweni nomu ka gwana sindongiligona aso vana si kuminine aso ga hana kwironda rumwe muntu ka si ditureni mu ka di rete. ³ Nsenesi pweli ogu na ta mu pura asi, ''Yinke muna kuyiruganena oyo?' ka mu limburureni asi, 'Hompa ana si hepa, Ta ka si tengwida tupu ntaatani.'' ⁴ Makura awo tava zi va ka gwana sindongiligona sesi vana kuminine punze, kuhutura makura tava si kumuuna. ⁵ Vamwene ava va sikamene po tava va pura asi, ''Yinke muna kurngana ma kunune osu sidogiligona?'' ⁶ Avena tava va limburura moomu ga va tantere Yesusi. ⁷ Makura vena tavav reta sindo ngiligona mwa Yesusi tava zara po utavi awo age ta rondo po. ⁸ Sinzi sovantu mu vamwe kuna kutetegura nomutayi numutjima va di zare mozira. ⁹ Ava va karere komeho nava va kwemene muyima tava zigire asi, ''Hosiyana! Va mu pande ogu ana kuwizira medina lyaHompa. ¹⁰ Va u pandadeke untungi waguhyetu Ndafita wokomeho! Hosiyana keguru guru!'' ¹¹ Makura Yesusi ta zi moYerusarema ta hwilire motembeli eyi ga mana kutarurura nayinye. Azo hena ngurova ta pwaga ta zi kumwe nava murongo navavali ko Betani. ¹² Eyi kwa za kwa za ngurangura va tunde mo Betani Yesusi tazi mu kwata nzara. ¹³ Makura ta monene sitji soukuzu ure aso sa foko foko ta si hedere asi, mpamwe na gwan ko yuma. Eyi ga si hedera neise ga gwene ko yihako yooyo yelike yeeyi kapisi yiro ruveze rokuyima ekuzu. ¹⁴ Makura Yesusi ta si tantere asi, '' Narumwe si hena nga lya muntu yiyimwa yoge.'' Eyi varongwa vendi va yi zuvhire ¹⁵ Kutunda opo tava wiza koYerusama, Yesusi makura tazi montembeli ta tjida mo varandesi novarandi montembeli oku ta gandanga yitafura yovatjindi woyimaliva noyipundi yovarandesi wononkutji. ¹⁶ Nagumwe si googo ga sigire a damune sininke montembeli a si twarere ¹⁷ Makura ta rongo ta va tantere asi, 'Amesi va tjanga asi, zekanderero zonomuhoko nadinye'? Makura one yiyo muna zi paka zi kare sipwapwa sovamahaka.'' ¹⁸ Vapristeli wovanene novalirongi womatjingwa tava yi zuvhu makura tava papara asi, ngapi omu nyaa yi gendesa va mu dipage. Yeeyi awo kwa mu tjilire morwa erongo lyendi kwa tetwire mbunga mudima. ¹⁹ Apa lya tukere makura Yesusi navarongwa vendi tava pwaga mo mositata ²⁰ Yesusi novarongwa vendi eyi ga pita ngura ngura zonene tava muno sitji soukuzu aso sina kukuta kutunda konondadani daso. ²¹ Peturusa nani haga yi kwatera makura ta mu pura asi, ''Murongi ko tara si nye esi sitji soukuzu ko fingire sina kukuta sa.'' ²² Yesusi ta va limburura asi, ''Omu kare nepuro lya Karunga. ²³ Yosili na kumuntatera nkenye ogu nsenesi a tantere ezi ndunda asi, 'Zeruka po a ka ligandere mefuta,' nye age ga hana kukara nesnganyeko momutjima gwendi nye a pure tuou asi eyi nina kutanta nayi horoka makura tayi mu horokre moomu ana tanta. ²⁴ Yipo nye nina kumutantera asi nayinhye eyi omu hundire mekanderero pureni asi muna yi gwana nare nye yosili ngomu yi gwana. ²⁵ Apa omu kanderere kansika omu gusire po tanko mukweneni nsense ana kara nousima weni nkumwe nga mu gusire po none guhyeni gemegura mausima geni. ²⁶ Ano nsene mu dira kuligusira gusira po guhyeni gemegura nage si kapi nga mu gusire po maunzoni geni. ²⁷ Awo kwa wizire hena ko Yerusarema haga za yesusi mokagedagura montembeli makura tava mu wizire vapristeli wovanene novalirongwa womatjingwa nomasimbi. ²⁸ Tava mu pura asi, ''Nonokondo musinke a rugana eyi, noga ga ku pa nonokondo o yi rugane yilye?'' ²⁹ Makura Yesusi ta va limburura asi, ''Name tani mu pura po sininke simwe one hena mu limburure nge ntani mu tantera asi nononkondo musinke ani yi rugana. ³⁰ Ekuho lya Yohanesa kupi lya tunda meguru ndi kovantu? Limburureni nge.'' ³¹ Makura vena tava liyungo vene tanta asi, ''Meguru, age ngano na tanta asi, 'Eyi mwa dilire kumupura no?' ³² Ano ta tanta hena asi, ' Kovantu,'......'' Opo kwa tjilire nye vantu yeeyi navenye va gazerere asi, ''Yohanesa muporofete mwene mwene. Makura awo tav limburura Yesusi asi, '' Walye, ose nokuyidiva si.'' ³³ Makura Yesusi ta va tantere asi, ''Name si kapi nani mu tantere asi nononkondo musinke ani rugana eyi.''