¹ Yesusi ta katuka a ze mesinya mwina lya Yorodana mosirongo sa Judeya, mbunga zo va ntu ta va mu wizire hena. Makura age ta va rongo moomu mwanare. ² Makura vaFalisayi vamwe tava mu wizire va ga mu rave asi, ''Mugare kuvhura tupu kuzumba mukadendi ndi?'' ³ Makura Yesusi ta va limburura asi, ''Eyi ga mu rawira Mosesa yinke?'' ⁴ Ta va nenke asi, ''Mosesa kwa gava epulisiro lyokutjanga mbapira zomalizumbo makura va lizumbe.'' ⁵ ''Yesusi ta va tantere asi mo maukukutu go no mutjima deni ga mu tjangere Mosesa mbapira ezi,'' ⁶ Nye petameko pesito Karunga kwa va sitire mugara no mukadi' ⁷ Morweyi yipo a sigire mugara oguhwe nozina a hamenen mukadendi, ⁸ ano vantu ava vavali tava kara nye rutu rumwe tupu. 'Vangesi kapisi vavali hene rutu rumwe tupu. ⁹ Eyi ga mangakana Karunga muntu walye a yi mangurura.'' ¹⁰ Makura varongwa vendi membo tava mu pura hena yokuhamena eyi. ¹¹ Age yipo ga va tantere asi, ''Nkenye ogu a zumba mukadendi a kware nage peke kuteza nonkwara. ¹² A kare mukadi nsene a zumba yendi a kware nage peke kuteza nonkwara.'' ¹³ Makura Yesusi tava mu retere vanona a ya va gume , varongwa tava tugumukire ava va va retere. ¹⁴ Apa ga yi mwene Yesusi ta va nyokere ta va tantere asi, ''Sigeni vanona va wize kwange, mwa va silika, yeeyi vangoso yiwo va hamena utungi wa Karunga. ¹⁵ Yosili nina kumutantere asi nkenye ogu a dili kutambura untungi wa Karunga ponkedi zopanona kapi nga za mo.'' ¹⁶ Yesusi ta va dingilikida mawoko gendi ta ga va kambeke a va tungike. ¹⁷ Rogendo rwa Yesusi mokugenda monzira tapa wiza mumati gumwe ta ya mu twire nongoro ta mu pura asi murongi gomuwa yisinke nye nani rugana ni gwane mwenyo gwanarunye?'' ¹⁸ Yesusi ta mu tantere asi, ''Yisinke yokutumbwira nge asi ni muwa? Patupu ogu ga wapa ntudi gumwe tupu Karunga googo. ¹⁹ Nove wa diva yipango omu ayi tanta asi: 'Walye o dipaga, walye o hondere walye o vaka walye o rondere walye o nyokoma muntu fumadeka oguho nonyoko.'' ²⁰ Makura gwina ta mu limburura asi, ''Morongi ame oyo nayinye hana tunda kounona wange kuyikwana.'' ²¹ Makura Yesusi ta mu tantere oku ana mu zi ko mutjima ta mu tantere asi simwe tuu sina ku hupire po za o ka randese nanyinye eyi wa weka o ka yi gavere vahepwe ngo ka gwane emonazuni meguru ntani no wiza o ya kwame nge. ²² Makura gwina nonkango odo tadi mu guvararesa ta ka za neguwo emona enzi ga wekere. ²³ Kutunda opo Yesusi ta vema oku ta vema oku ta tantere varongwa vendi asi, ''Ani udigu unene kwava va weka goyinzi kuza mo utungi wa Karunga!'' ²⁴ Varongwa ta va pwaga nye Yesusi ta twikida ko hena ta va tantere asi vana vange nani udigu wosi wokuza mo untungi waKarunga! ²⁵ Nda ngameru hasa ureru kuhwilira mezuru lyonsonga kupita muntu gongawo kuhwilira mo untungi waKarunga.'' ²⁶ Eyi awo kwa va pwagesere unene momutjima tava lipuragere vene navene asi, ''Nsene yimo ngoso yilye nye ogu nga vhura kuparuka?'' ²⁷ Makura Yesusi ta va tarurura oku ta va limburura asi, ''Kovantu eyi yidigu nye kapisi kwaKarunga yeeyi kwa Karunga nayinye yireru.'' ²⁸ Kutunda opo Peturusa ta mu tantere asi, ''Tara si, ose kwa siga nayinye yiyo twa ku kwama.'' ²⁹ Yesusi makura ta uyunga asi, ''Yosili nina kumutatera kutupu muntu ogu a sigi embo lyendi ndi vana vazina ndi ozina noguhwe ndi mukadendi ndi vana vendi nomapya gendi mokonda zange no mbudi zongwa ³⁰ a dire kumurugwida kawoko rwafere moruveze oru rwantantani mambo novanavazina novana nomapya.Nampili tava mu hepeke simpe nye mouzuni wotomeho nga gwana mwenyo gwanarunye. ³¹ Nye sinzi sava wokuhova ngava kara vahulilili ano vahulilili yiwo ngava kara wokuhova.'' ³² Apa va kere monzira zokuza koYerusarema Yesusi kwa pitire komeho zawo. Nye varongwa kwa tjilire ana ava va mu kwamene taga va pwaga. Makura ta zigeda ava morongo navavali va hede kwendi a va divise eyi ngayi mu horokera asi. ³³ ''Tareni, ose ko Yerusarema tuna kuzeni nye gonwe muntu ngava mugava ko vapristeli wovanene nokovalirongi womatjangwa. Awo yiyo ngava mu pangwira konomfa oku hena ngava mu gava Kovapagani. ³⁴ Awo hena ngava mu zora oku tava mu fizire nokumugeragura nongora ntani ngava mu dipaga nye nga vhumbuka mezuva lyautatu.'' ³⁵ Makura vana va Sebede o Jakobo naYohanesa tava wiza kwa Yesusi tava mu tantere asi, ''Morongi, ose kuna hepa o tu ruganene nkenye eyi natu hundira,'' ³⁶ Makura age ta va pura asi, ''Yinke eyi muna hara ni yi mu ruganene?'' ³⁷ Vena makura tava mu limburura asi, ''Tu ninka ngatu kare gunmwe korulyo roge mouyerere woge.'' ³⁸ Nye Yesusi ta va tantere asi, ''One kapi muna diva eyi muna kuhundira. Nani one kuvhura kunwa nkinda ezi nani nwa nokumukuhwisa kekuho eli nava kuhwisa nge?'' ³⁹ Makura vena ta va mu limburura asi, ''kuvhura.'' makura Yesusi ta va tantere asi, ''hawe yimo yosili nkinda ezi nani nwa, none yizo ngomu nwa, li kare ekuho eli nava kuhwisa nge, none yilyo ngava mu kuhwisa. ⁴⁰ Nye kuhingira korulyo rwange nokorumoho rwange kapisi nyame gokuyipange, oyo yava va yi wapaikira.'' ⁴¹ Apa va yi zuvhire owo murongo tavav handukire o Yakopo naYohanesa. ⁴² Makura Yesusi ta va zigida va wize kwendi ta va tantere asi, ''Amesi mwa diva asi ava va tara asi vapangeli wonomuhoko awo kupanga ano vanene wonomuhoko kudiruganesa nono nkodo dawo. ⁴³ Nye kweni one ya kara ngoso. Ogu ga hara kukara munene pokatji keni a kare morugani gweni, ⁴⁴ ano nkenye ogu ga hara upitameho a kare mupika gwa navenye. ⁴⁵ Na munwa muntu nage si kapi ga wizire a ya kerere vantu a ya gave mwenyo gwendi gu kare sizoweseso sovanzi.'' ⁴⁶ Kutunda opo tava wiza ko Jeliko Yesusi apa ga pwagere mo Jeliko kumwe novarongwa mumbunga lyovantu, mugara gomutwiki Baratimeusa muwa Timeusa age ana hingire konontere donzira ta hunagere. ⁴⁷ Apa ga zuvhire asi ogu yige Yesusi gomo Nasareta ta zigide asi Yesusi munwa Ndafita fira nge nkenda!'' ⁴⁸ Sinzi sawo tava mu harukire asi a mwene ko. Nye age ngwendi kuna kumusangamuna ta zigira unene asi munwa Ndafita fira nga nkenda!'' ⁴⁹ Makura Yesusi ta sikama ta va tantere asi va mu zigide vena tav mu zigida ogo mutwiki oku tava mu tantere asi gu ku dame tupu katuka ta ku zigida.'' ⁵⁰ Makura age ta hutura erwakani lyendi ta katuka ta zi kwa Yesusi. ⁵¹ Yesusi makura ta mu pura asi yisinke ono hara ni yi ku ruganene? Mutwiki ta mu limburura asi muronga ame kuna hara kumona hena. ⁵² Makura Yesusi ta mu tantere asi za epuro lyoge lina ku parura.'''Naruvali si nare kuna kumona ana kumona makura ta kwama yesusi monzira.