¹ Mo tjimbe tja itji ami, Paulo, ouami o mukamburua ua Kristu Jeesu mena renu vandu vo zonganda. ² Me itavere kutja mua zuva o hunga no ndjeverero jo tjari tja Mukuru itji tji tja jandjua kuami mena renu. ³ Me tjanga otja omavandururiro ngaa tjiukisiua kuami. Imbui ouatjiri mbuaa horekua o hunga naitji tji mbemu tjangera ousupi. ⁴ Tji ma mu rese ko munda ovina mbi, ma mu jenene oku zuva oumune uandje mo uatjiri mbuaa horekua o hunga na Kristu. ⁵ Mo mihoko tjiva ouatjiri mbui kauna ua tjiukirue ko vanatje vo vandu. Nu nai via raisiua mo Mbepo ko vaapostolo no vaporofete ve ova japure. ⁶ Ouatjiri mbua horekua mbui okutja o Vandu vo Zonganda ounepo meta, nu ounepo uina mo rutu, na uina mo makuizikiro mu Kristu Jeesu mevangeri. ⁷ Orondu mba rira omukarere uevangeri ndi no tjijandjeua tjo tjari tja Mukuru tji mba peua mo maunguriro uo masa ue. ⁸ Kuami-nandarire tji mbiri ouo ndengu jo kehi mo vandu avehe ovajapuke va Mukuru-otjari tji tja jandua, oku zuvarisa ko Vandu vo Zonganda outumbe ua Kristu mbu ha pahua, ⁹ no ku jeta ko ndjerera ku ngamua mundu ondando-o iundikua mbia horekua ozombura mu Mukuru, ngua ungura ovina avihe. ¹⁰ Ondero ndji ja tjiukisiua no mbongo kutja ovanane no uvara mo tuveze tuejuru mave vaza oku tjiua ominda omingi vio mihingo viuo ndjiviro ja Mukuru. ¹¹ Itji tja kara ko o tja ko ndando ongarerere ndja ungurua mu Kristu Jeesu o Muhona uetu. ¹² Orondu mu Kristu tuno uvande no mahitiro no mizikatima mena ro ngamburiro jetu muje. ¹³ Nu otji me mu ningire kutja a mu he rihahiza mena ro marorero uandje mena renu, ndjiri ndoneno jenu. ¹⁴ Mena ra itji me uoro ozongoro ku Tate, ¹⁵ ku ingui onganda aihe mejuru no mo uje mu iisanenua. ¹⁶ Me kumbu kutja emupe, otja ko utumbe uo ndoneno je, oku zeuparisiua nomasa otja ko Mbepo Je, nguri mo okuto uoje. ¹⁷ Me kumbu kutja Kristu a kare mo mitima vienu mo ngamburiro, no mize no ndikameno jenu mo rusuvero rue ¹⁸ kutja mu jenene oku zuva, pamue na avehe ovandu va Mukuru ovajapuke, oupapi oukuae, no ure,no ukoto, ¹⁹ no ku tjiua orusuvero rua Kristu, ndu kaenda oku kapita ondjiviro, kutja uurisiue no meuriro ua Mukuru. ²⁰ Nu nai ku ingui ngu jenena oku ungura oku kapita imbi mbi tu muningira poo oku ripura, otja ko masa ue ngaungure muete, ²¹ ku je nga ku jende outoni mo mbongo na mu Kristu Jeesu ko zondekurona azehe ngaaruhe. Amen.