¹ Otja Peterusa na Johanes tjaa ve hungire kuna ovandu, ovahonge no Mutjevere uo ndembeli no Sadducees veja mbo. ² Vari no ngando onene orondu Peterusa na Johanesa ijave hongo ovandu nu aa ve zikamisa kutja Jesus ee mupendure uo vati. ³ Ve vetuako omake nu a ve vetua mo ndorongo ngandu mo muhuka omunene, orondu nambano kuari ongurova. ⁴ Nu ovandu ovengi mba zuvire va itaverere, nu otjivarero tjo varumendu mba itaverere vari omajovi jetano. ⁵ Pakara kutja mejuva ekongorerua ovananene vauo,ovanane,no vatjangere vauana pamwe mo Jerusalema. ⁶ Annas otjiuru tjo va Presteri opari, na Caiphas,na Johanesa, na Alenxander, na avehe mbari ovazamumue votjiuru tjo va Presteri. ⁷ Tji vazu no ku ve haamisa mokati kawo, a ve vepura nai, ¨O nomasa, poo omena ra une, tjimua tjiti tji?¨ ⁸ Tjana, Petere aeura no mbepo ondjapuke,atja nai kuvo, ¨Ene vananevo vandu, no vanene, ⁹ tji turi mo tjiposa ndinokomunda uo tjiungura otjiua tji tja ungurua ko muvere, nu mondjira ndjo omurumendu ngo averuka, ¹⁰ nga pe tjiukue kwene amuhe na avehe ovandu va Israel kutja omurumendu ngui ua kurama omuveruke mena ra ¹¹ Jesus Christ,ua Nasareta, ngu mua pamera,nu ingui Mukuru ngua pendura mo vati. Jesu Christ ee ue indi ene ovatunge ndi mua tonda nu a ri ungurua ongunde. ¹² Kapena ondjamo mo mundu uarue kaani,orondu kapena ena rarue kehi je juru ndja jandjua ko vandu kutja tu kuturue. ¹³ Tji va muna ouvande ua Peturusa na Johanesa, nu a ve munu kutja ovandu uriri, ovarumendu mbe ha hongerue, va himua, a ma ve zemburuka kutja Peturusa na Johanesa vari puna Jesus. ¹⁴ Orondu va muna omurumendu ngua verukisiua aa kurama puna vo, a ve urua ijo ku pirura tji. ¹⁵ Nu tjivaza no kuheja ovapostole oku zapo po mbongarero jo Tjirata, a ve hungire kumue. ¹⁶ A ve tja, ¨Nga tu tjitevi ko varumendu mba? Orondu pa zikama kutja otjisanekero otjihimise tja tjitua mena rao ma tji tjiukua ijo mundu auhe ngu kara mo Jerusalema, ka maa tu patana tjo. ¹⁷ Nu kutja a tji ha handjauka mo vandu, nga tu ve rakize kutja a ve ha hungire ko mundu uarue mena re.¨ ¹⁸ Nu a ve ve isanene mo ukoto, nu a ve verakiza kutja a ve ha hungire no kuhonga mena ra Jesu. ¹⁹ Nu Peterusa na Johanesa vazira nu a ve tja kuvo, ¨kutja onaua momeho ua Mukuru o ku zuva kuene pendje naje,panguree. ²⁰ Ka tuna okujenena o ku kuramisa oku hungira ko mundauo vina mbi tua muna no ku zuva. ²¹ Kombunda jo marakiziro omakuao Peterusa na Johanesa, ve vesa akutja ve jende. Itja ve urua ijo ku muna azeva ro ku ve pangura, orondu ovandu avehe ija ve tanga Mukuru mena ra itji tji tja ungurua. ²² Omurumendu ingui ngua muna ovisanekero vio mberukiro uari no zombura nda kapita omirongo vine. ²³ Tji vaza no ku isiua,Peterusa na Johanesa veja ko vandu vauo mu a ve handjaura imbi otjiuru tjo va Presteri no vanene tji ve ve raera. ²⁴ Tji va zuva tji va era omaraka uauono ndando ku Mukuru nu a ve tja, ¨Muhona, Ua ungura omajuru nehi no kuvare,na avihe mbiri muvio. ²⁵ Ua hungira no Mbepo Ondjapuke no tjinjo tjo mukarere uoje,tate uetu David, Ongena no vandu tji veripura no vina uriri?¨ ²⁶ Ua tja, Ozombara zo uje ze rikuta kumue, nu ve riongera kumue okuruisa Omuhona, na Chirstus ue,¨ ²⁷ Otjo tjiri, Herode na Pontius Pilate aveevari, no vo zo nganda no vandu va Israel va uorongana mo tjihuro tji oku pirura omukarere omujapuke Jesus, ngu ua japurua. ²⁸ Va uana pamue oku ungura avihe imbi eke roje no ndando joje mbi ua mana ko murungu uo ruveze kutja ma vi kara po. ²⁹ Nai, Muhona, tara no ku ronga nu ujandje ovakarere voje ve hungire embo roje no ku hina ndira. ³⁰ Uonjonona eke roje o ku verukisa noku jandja ovisanekero no vihimise mena ro mukarere uoje omujapuke Jesus.¨ ³¹ Tji va za no ku kumba, oruveze pu vari a va uanene rua njinganjingisiua, nu avehe o tji veurisiua no Mbepo Ondjapuke nu a ve hungire embo ra Mukuru no ku hina ndira. ³² Otjikutundu tja imba mbu ja ve kambura vari no mutima no muinjo umue.Kapena ngu ja tja tjenatjo otje omuini,nu vari mo ngaro imue. ³³ No masa omanene ovapostole ija ve handjaura ouhatoi uouo ko munda uo mbendukiro ja Muhona Jesus, nu ondjesiro onene jari muvo avehe. ³⁴ Kapari no mundu umue muvo ngu ja hepa otjina,orondu imba mbu vari no usemba uo ku kara nehi poo ozondjiuo va randisa nu a ve jeta ovimariva okuza movina mbia randisiua ³⁵ nu a ve tua po zombaze zo vapostole,nu a vi handjaurua otja kouhepe uauo. ³⁶ Joseph, ingui ovapostole ngu ja ve isana Barnabas(ndi heja Omuna uo mahohiziro),o mu Levi,omurumendu nguaza ko Cyprus, ³⁷ ua randisa o tjikunino tji tjari o tje nu aeta ovimariva nu a tua po zombaze zo vapostole.