¹ Vezemburukisa kutja ve riuise kehi jo vanane no mauvara, oku kara no nduviro ko vapangure, oku rirongerera o tjiungura atjihe o tjiua, ² Ave ha hongonona ko o uvi o hunga n aka ani, ave ha rire o vapose, nunguari o zongozu, amave raisa o merisusuparisiro ajehe ko vandu avehe. ³ Orondu ete uina tua ri o vehinazondunge, o vahazuva, mba pukisirue, kehi jo ukarere uo zonduma no mizeze pekepeke, atu hupira mo urunde, no maruru, mo tunjengo, atu njenguasana, ⁴ Nunguari o uua uo ngaro no rusuvero rua Mukuru o mujame uetu tji rua munika ko vandu, ⁵ Eje otje tu jama, nu ka jari mena ro viungua vio usemba mbi tua ungurire, nunguari jari mo tjimbe tjo tjari Tje, mo makuatero o mape no mapeparisiro uo Mbepo o Ndjapuke, ⁶ Eje ndja ungurira kombanda jetu mu Jesu Kriste o Mujame uetu; ⁷ Kutja ete tjinga tua sembamisiua no tjari Tje, tu rire o varumate ve ta, otja ko maundjiro uo muinjo uaaruhe. ⁸ Etakame indi embo, nu me zeri kutja u zikamise o vina mbi po tuingi, kutja imba mba kambura mu mukuru ve tjevere oku takamisa o viungura o viua. Ovina mbi oviua nu vinandengu ko vandu avehe. ⁹ Nunguari sembura omapurira uo ujova no mateterero uo vakuru, no mananasaneno, no maposiro ohunga no veta, orondu imbi o vihinandengu no mungandjo. ¹⁰ Humburuka mo mundu ngamua u honga posio tji ua zu noku mu ronga rumue poo tuvari, ¹¹ Amo tjiua kutja ingui ngu ri nao ua zundara nu u katuka, eje tjinga ae rijeta ko mbanguriro o muini. ¹² Ami tji mba hindi Artemas ku ove, poo Tikukis, hakahana oku ja ku ami ko Nikoplis, ami tjinga a mba tia oku ka kara ngo mo kupepera. ¹³ Rongerisa Zenas ingui o hahende na Apolos naua, kutja ave ha hepa ko o tjina. ¹⁴ Nu imba o vetu uina nga ve rihonge oku pandera po viungura o viua oku vatera pu mape hepua, kutja ave ha rire o vehinavihape. ¹⁵ Avehe imba mbe ri pueena ami ve ku minike. Minika imba mbe tu suvera mo ngamburiro. O tjari nga tji kare pueena ene amuhe. Amen.