1
Nu Ondjona tjija paturura otjihako otjitjahambombari, kua kundumana Mejuru, mangara oruveze ruohinga joiri.
2
Okuzambo mba muna ovaengeri hambombari mba kuramene pomurungu ua Mukuru, nu ozohiva hambombari za jandjerue kuvo.
3
Nu omuengeri omukuao ueja, ngua tjindire okaaha komatuimisiro kongolto, ue ere nu a kurama pezuko rombunguhiro. Nu eje ua perue ovinuke ovingi kutja e vi jandje puena ozongumbiro zovajapuke va Mukuru, mezuko rombunguhiro rongolto pomurungu uotjihavero tjouhona.
4
Nu omuise uovinuke puena ozongumbiro zovajapuke va Mukuru, ua tuimina mejuru okuza meke romuengeri pomurungu ua Mukuru.
5
Nu omuengeri ua toorere okaaha komatuimisiro,nu eke urisa omuriro okuza mezuko rombunguhiro. Nu arire tje u umbu kombanda jehi, nu pa kara omaraka, nomitutumo, notutjeno, nomanjinganjingiro uehi.
6
Nu ovaengeri hambombari imba mbari nozohiva ve ritunine kutja ve tone ozohiva.
7
Nu omuengeri omutenga ua tona ohiva, nu pa rauka ozombaue zombura nomuriro mbua uanekerue muena ombindu. Nu avi nakerua kombanda jehi. Nu orupa rumue mu tutatu tuomiti tua vauka, noruhapo aruhe ruehozu rua vauka.***
8
Nu omuengeri outjavari ua tona ohiva, nu pa kara tjimuna ondundu onene ndja jakurire no muriro ja umbua mokuvare. nu orupa rumue mu tutatu tuokuvare rua tjituka ombindu,
9
Nu orupa rumue mu tutatu to ovinamuinjo viokuvare via koka, nu otjisikepi tjimue mu vitatu atji hahaurua.
10
Nu omuengeri outjatatu ua tona ohiva je, nu onjose onene ja ua okuza mejuru, aja aka otja ondotje, nu ai uire morupa rumue mututatu tozondondu na motuharui tuomeja.
11
Nu ena ronjose ndji ja ri Karombokorukune. nu orupa rumue mu tutatu ruomeja rua rira orujake, nu ovandu ovengi va ta ijomeja ouo tjinga a ja ri omajake.
12
Nu omuengeri outja ine ua tona ohiva je, nu orupa rumue mu tutatu tuejuva rua kuapiziua, norupa rumue mu tutatu tuomueze, norupa rumue mu tutatu tuozonjose.Nu orupa rumue mu tutatu tua imbi ru zorerisirue; nu orupa rumue ruomutenja na indi ro utuku karu karere no ndjerera.
13
Nu mba tara, nu e zuu orukoze*** rumue nduja aru tenge mokati kevaverua, amarutja nai neraka enene, ''Ouee, Ouee, Ouee kovature vehi, motjimbe tjo mbosiro jozohiva zovaengeri imba ovetatu nderi po oku tonua.''