Ekondua oritja murongonandatu
1
Nu ami mba muna otjipuka ama tjizu mokuvare. Nu tjari nozonja omurongo no oviuru hambombari.Kombanda jo zonja a kuna o vikrone o murongo, nu kombanda jo viuru via tjo akuna o mana uoku jamburura Mukuru.
2
Nu o tjipuka tji mba muine tjari tjimuna o ngue.Nu o vikoti via tjo aviri tjimuna o vio tjiungu, nu o tjinjo tja tjo tjimuna o tjinjo tjo ngejama. Nu o tjitjupamuriro tja jandjere o masa ua tjo ku tjo, no tjihavero tja tjo tjo uhona, no uvara o unene.
3
Nu otjiuru tjimue tjo viuru via tjo, tjimuna tji tja ri no tjito otjivi otjizepe, nu o tjito tja tjo tjo tjivi tji tja verukisiua. Nu ehi arihe ra himinue nu ari kongorere o tjipuka.
4
Nu ovo ve rikotamenenene ko tjitjupamuriro, orondu tji tja jandjere o uvara ko tjipuka. Nu ovo ve rikotamenenene ko tjipuka uina, ama ve tja, ''O uani ngua sana ko tjipuka?'' Nu ''Ouani ngu ma jenene oku tji ruisa?''
5
Nu otjipuka otjo tja perue o tjinjo tjoku hungira omambo uo meritongamisiro no zondjambu ku Mukuru. Nu otjo tja perue o uvara okutjita nai o mieze o mirongo vine na vivari.
6
Nu otjipuka otjo tja patururire o tjinjo tja tjo oku hungira o zondjambu ku Mukuru, oku jamburura ena Re, no maturiro Ue, na imba mba tura Mejuru.
7
Nu otjipuka otjo tja jandjerererue oku ruisa o vajapuke va Mukuru noku ve taara. Nu rukuao otjo tja perue o uvara kombanda jo muhoko auhe, no vandu, no neraka no tjiuana.
8
Nu avehe mba tura kombanda jehi maveje ku rikotamena kutjo, avehe imba omana uao ngeha tjangerue membo ro muinjo, ndiri ro Ndjona ndja zepiua oku za kombutiro jouje.
9
Auhe nguno kutui, nga zuve.
10
Auhe nguaso oku toorua ko mahuuriro, mai ko mahuuriro, nguaso oku zepiua nengaruvio matu nengaruvio.
11
Nu mba muine o tjipuka o tjikuao ama tji jeruruka oku za mehi. Nu tjari no zonja mbari tjimuna o ndjona, nu ija tji hungire otjo tjitjupamuriro.
12
Nu otjo tji tjita o uvara auhe uo tjipuka itjo tjitenga po murungu uatjo, nu tja tjita kutja ehi na imba mba tura muro ve rikotamene ko tjipuka tjo tjitenga tji tjari no tjito o tjivi tji tja verukisirue.
13
Nu tja tjita o vihimise o vinene. Noho tja raurira o muriro kombanda jehi oku za kejuru, ko murungu ovandu.
14
Nu novihimise tja peua omasa poruveze ro tjipuka, nu tja pukisa imba mba tura kombanda jehi, ama tji veheje kutja ngave tungire o tjipuka tji tja ri no tjito tjengaruvio na tji hupu.
15
Nu otjo tja perue o masa uoku jandja o muinjo ko tjiserekarerua tjo tjipuka kutja tji jejene oku hungira noku tjita kutja imba mbuma ve panda oku rikotamena ko tjiserekarerua tjo tjipuka ve zepiue.
16
Nu rukuao tja tjita kutja avehe, ovokehi no vanamasa, o vatumbe no vasiona, o vakutuke no vapandekua ve jakure o tjihako meke rao ro kunene poo mo vipara viao.
17
No ape ha ningi umue ngu ma randa poo oku randisa, andu tjena o tjihako tjo tjipuka, poo ena ro tjipuka, poo o tjivarero tjena ra tjo.
18
Itji matji paha o unongo. Ingui ngu ma jenene oku pangununa, nga vare o tjivarero tjo tjipuka. Orondu otjo o tjivarero tjo vandu. O tjivarero tje o masere hamboumue no mirongo hamboumue na hamboumue.