1
Nu ami e munu omuengeri uarue omunamasa ama rauka oku za kejuru. Uari aa hukikuakua otjikamba, nu outa uombura auri kotjiuru tje. Omurungu ue ua ri tjimuna ejuva, Nu ozombaze ze azeri otjozombande zomuriro.
2
Nu uari nokambo okarumangua okatiti ku ka paturukire meke re. Nu eje ua zikire ombaze je jokunene mokuvare, na indjo jokumuho mehi.
3
Nu ua ravaerere neraka enene tjimuna ongejama ami vandara. Nu tja ravaerere omitutumo hambombari via pitisire omaraka ua vio.
4
Nu omitutumo hambombari mbi tji via hungirire omaraka ua vio, Ngunda ami mbe rituninine oku tjanga, mba zuvire eraka oku za mejuru nda tjere, ''Tuako otjihako tjoku undika ku imbi omitutumo hambombari mbi via hungire. Nu otjanga ovina mbi.
5
Nu omuengeri ingui ngu mba muine aakurama mokuvare na mehi ua jerere eke re kejuru.
6
Nu a jana na Ingui ngu na omuinjo aruhe ngaaruhe, ngua memene ejuru na imbi avihe mbi ri muro, nehi, na imbi avihe mbi ri mu ro, nokuvare, na imbi avihe mbi ri ku kuo, nu omuengeri uatjere, ''kape tjina ku kara oruveze ruomauombero rukuao.
7
Nunguari momajuva uomuengeri ingui outja hambombari, eje tji ma utu oku tona ohiva je, nu otjiundikua tja Mukuru matji jenenisiua, otja indi tja hongononene ombuze ombua kovakarere ve ovaprofete.''
8
Nu eraka indi ndi mba zuvire oku za ke Juru ra hungirire kuena ami rukuao, ''Kaende, ka toore okambo orumangua okatiti ku ka patururua meke ro muengeri ngua kurama mokuvare na mehi.''
9
Nu ami otji mba ja komuengeri nu etja ngendjipe okambo orumangua inga okatiti. Nu eje ua tja nai ku ami, ''Toora okambo orumangua nu u ke rie. Numa keje oku tetarisa pehuri poje, nunguari motjinjo tjoje ma kerire omuzeze tjimuna ovihira vio zonitji.
10
Nu ami mba toorere okambo orumangua meke ro muengeri nu e ri ko. Nu ka ri omuzeze tjimuna ovihira viozonitji motjinjo tjandje, nu motjimanga tji mba za noku ke ria, pehuri pandje ape utu oku tetara.
11
Nu eje ua tja nai ku ami, ''Ove mo ka uka rukuao pomurungu uovandu ovengi, noviuana, nomaraka, nozombara ozengi.''