1
Evandururiro ra Muhona Jesu Kristu, Mukuru nde Mu pa oku raisa ko vakarere ve o vina mbi ma vi kara ko o usupi. Nu Eje Ua tjiukisa itji noku hinda o muengeri Ue ko mukarere Ue Johanesa,
2
Ngua jandja o uhatoi Uembo ra Mukuru, no mahongononeno ua Muhona Jesu Kristu, no uo vina avihe mbia muna.
3
O munandaja ingui ngu ma rese, na imba mbu ma ve zuu o mambo uo tjiprofeto tji, na imba mbu mave takamisa o vina imbi mbia tjangua mutjo; Orondu o ruveze rua tumbuka.
4
Johanesa ko zokereka hambombari nderi mo Asia: O tjari kuene no hange oku za ku ingui ngu ri, nu ngua ri nu ngu meja, na ko zobepo inda hambombari nderi po murungu uo tjihavero Tje tjo uhona,
5
Noku za ku Jesu Kriste o Muhatoire o mutakame, o Tjiveri oku za mo vati, nu o Munane uo zombara zo uje. Ku Ingui ngue tu suvera nu E tu kutura ko mauvi uetu no mbindu Je o muini,
6
nu E tu ungura o zombara no vapristeri ku Mukuru, nguri Ihe je, ku Je nga rire o ujere no masa aruhe ngaaruhe. Amen.
7
Tareje, Eje Meja mo vikamba; nu eho arihe ma ri Mu munu, nu na imba mbe mu tuera. Nu o mihoko avihe vio mo uje mavije ku imba motjimbe Tje.
8
O uami o Alfa no Omega, o Mbutiro no Ndjandero***, maku hungire Muhona, ngu ri, nu ngua ri, nu ngu me ja, o Munamasaehe.
9
Ami Johanesa, uina ngu mbiri o mukambure pueena ene, nu o mukuenu mo mahihamisiro, na mo uhona, namo ku nanena kua Jesu Kristu, mbar i mo kakoverua ku ke isaneua o Patmosa, mena Rembo ra Mukuru, na mena roku hatoira Jesu Kristu.
10
Ami mbari mo mbepo me juva ra Muhona. Nu e zuu eraka enene, tjimuna o ro hiva ko ngotue jandje,
11
Ama ri tja, Nu imbi mbi momunu tjanga Membo, nu u hinde ko zokereka inda hambombari nderi mo Asia; ko Efesusa, na ko Smirna, nako Pergamosa, nako Tiatira, nako Sardisa, nako Filadelfia, nako Laodesia.
12
Nu ami mba taviza kutja mbi mune eraka ndi jari hungire kueena ami, nu tji mba tanauka mba muna o vikurameno vio marambe hambombari.
13
Nu mokati ko vikurameno vio marambe muari Umue tjimuna o Muna uo mundu, ngua zarere o mbanda ndji jai vaza ko zombaze, ne kuamo ro ngolto mo rukoro.
14
Nu o tjiuru Tje no zondjise zari o zompapa tjimuna o mainja o mavapa, tjimuna o vitutukende, nu o meho Ue jari tjimuna o rurumo ruo muriro.
15
Nu o zombaze Ze zari tjimuna o tjitenda tjo mburonze tji tja serurua, tjitja kangurua mezuko. Nu eraka Re rari tjimuna o mbosiro jo meva o mengi.
16
Nu Eje uari no zonjose hambombari meke Re ro Kunene, nu engaruvio ro vinjo kuvari ra pitire mo tjinjo Tje. Nu o murungu Ue ua jerere tjimuna ejuva mo kaviriviri.
17
Nu tji mbe mu muna, arire tji mba uire po zombaze Ze otjo mukoke. Nu Eje ua tua eke Re ro Kunene ku ami natja, ''O tira, o Uami ingui o mutenga na ingui o museinina,
18
Nu Ouami ingui o munamuinjo. Ami mba tire, nu tara, mbina o muinjo ngaaruhe, nu mbina o vipaturure vio tjovakoke no vio ndiro.
19
Nambano tjanga o vina mbi mbi ua munu, no vina imbi mbi ri ko, na imbi mbi mavi je ku kara ko kombunda ja imbi.
20
O tjiundikua tjo zonjose hambombari ndu ua munu meke randje rokunene, nu vikurameno vio marambe hambombari vio ngolto: Inda o zonjose hambombari o vaengeri vo zokereka inda o hambombari, nu imbi o vikurameno vio marambe hambombari ovio o zokereka inda o hambombari.