Ekondua oritjamurongo nandano
1
Nu momuhuka omunene, Ovapristeri ovanene, novanene, novatjange, notjira atjihe tjovanane vo Vajuuta, va hakaena nu ave pandeke Jesu, nu ave Mu tuara, nu ave ke mujandja ku Pilatusa.
2
Nu Pilatusa ue Mu pura, ''Oove Ombara Jovajuuta?'' Nuue muzira uatja nai kuje, ''Opo pu ua hee.''
3
Nu ovapristeri ovanene ve Mu kuminina ovina ovingi.
4
Pilatiusa uemu purire rukuao natja, ''Kona tji mo ziri? Tara kutja mave hatoire ovina ovingi vi ohunga naove!''
5
Nu Jesu ngunda Kena tja zira Piratusa; nu eje opa himinua tjinene.
6
Nambano momukandi uomarurumino, Piratusa eje uasere oku kuturira otjiuana omupandekua umue, ngutja zeri.
7
Nu pari omurumendu omupandekua ngua inganene nguja isaneua Barabasa, nguari mondorongo puena imba mbu va zepire pamue ovandu me inganeno.
8
Nu otjimbumba tjovandu tjeja ku Piratusa nu averuku oku ningira kutja e ve tjitire otja indi tjija tjiti movikando avihe.
9
Nu Pilatus ue ve zira amatja, ''Mamu zeri kutja mbi kuturire ene Ombara Jovajuuta.''
10
Orondu eje ua tjivirue kutja omena re ruru kutja ovapristeri ovanene vejandje Jesu kuje.
11
Nunguari ovapristeri ovanene va popere ombunga jovandu kutja i ningire okukuturirua Barabasa.
12
Nu Pilatius uatja nai kuvo rukuao, Nu nambano hitjitevi naingui nguri Ombara Jovajuuta?''
13
Novo va ravaerera kombanda rukuao, 'Mu papera kotjikoroise!''
14
Nu Pilatius uatja nai kuvo, Neje ua tjita ouvi ua tjike?'' Novo va ravaerera kombanda oku kapita amavetja,'' Mu papera kotjikoroise.''
15
Nu Pilatius mena rokuvanga oku jorokisa itjo tjimbumba tjovandu, otje ve pandurira Barabasa. Nu ua tona Jesu ozongora arire tjemu jandja oku ka paperua kotjikoroise.
16
Nu omasorondate je mu tuara po ruveze orupaturuke mondjiuo ehuarara ndji ja I isaneua o Praetoriuma, nu ave isanene otjimbumba tjo atjihe tjo masorondate Kuje.
17
Nouo va kutjira ombanda o pepuri mu Jesu, nu ave zengi ekori rouhona ro makuija, nave tua ko kotjiuru Tje.
18
Novo va utire oku Mu minika, ama vetja, ''Minikua, Mbara Jovajuuta!''
19
Novo ve Mu tona motjiuru noruu, nu ave Mu tjekere omate. Nave uoro zongoro zao oku rikotamena ku Je.
20
Nu tji vaza noku munjekerera ve Mu hukura ombanda indjo pepuri, nu ave mu huikike omituaro vie omuini, nave mu tuara oku ke mu papera kotjikoroise.
21
Nu omurumendu umue Simona omuture ua Sirene, ngu ja kapita imbo, amazu kotjikunino, (iheja Alekasanda na Rufusa) nu ovo ave mukuminine oku toora otjikoroise Tje.
24
22
Nu omasorondate va jeta Jesu pona puja pe isaneua Ngorongota, (okutja, oruveze ruotjikongo tjotjiuru.).
23
Novo ve mupa ovinika ndja hovekua nomire okunua, nunguari Eje E hei nu ko. Nu vemupapera nu avehana omituaro Vie nombeterero kutja omusorondate auhe ma toora tjike.
25
Nu jari moire oitjatatu ovo tji ve Mu papera kotjikorise.
26
Nu omambo uondjo ndja perue, ja tjangerue kombanda Je, ''OMBARA JOVAJUUTA.''
27
Nu pa paperua omarunga jevari kovikoroise puenae, omue ko kuuoko Kue ingo kunene umue kokumoho Kue.
28
***
29
Nu imba mbu ja ve kapita mbo ija ve mu jamburura, amave taka oviuru viao,nu ama vetja,''Ove ngumo hana ondemberi nu oitungu momajuva jetatu,
30
Rijama omuini, nu U heruke kotjikoroise!''
31
Mo muano otjingeuo ovapristeri ovanene va njekerera mokati kavo oveni puena ovatjange, ama vetja, ''Ija jama ovakuao, nu eje omuini kena ku rijama.
32
Jandjera Ombara ja Isiraera, nga i heruke kotjikoroise nambano nai kutja tu mune nu tu kambure.'' Nu imba mba papererue kovikoroise puena Je ve mu jambururire.
33
Nambano okuza moire oitja hamboumue, kua kara ondorera mehi arihe nga koiri oitja muviu.
34
Nu moire oitja muviu, Jesu ua ravaera neraka enene, ama tja, ''Eli, Eli, lama sabakathani?'' Okutja Mukuru uandje, Mukuru uandje, ove ue Ndjesire tjike?''
35
Tjiva mba kuramene mbo, tji va zuva omambo Ue
nu tji vatja, Tara, Eje ma isana Erija.''
36
Nu umue uavo ua purukuta a toora ohore, e tjijaveke movinika, eitua ko ruu nemupe kutja anue. Nu omurumendu uatjere, ''Muesa, nga tu tarere kutje Erija meje ku mu herura.''
37
Nu Jesu Ua ura neraka enene, nu a koka.
38
Nu otjikatine tjondemberi tja njondoroka pokati, okuza kombanda nga kehi.
39
Nambano omukendurio ngua kuramene ohunga na Jesu, tja muna kutja ua koka mondjira indji, ''Otjotjiri omurumendu ingui uari Omuna ua Mukuru.''
40
Nu rukuao pari ovakazendu mba tarerere kokure. Mokati kavo muari Maria Magatarena, na Maria inaa Jakobasa ingo mutiti na Josesa, na Seruma,
41
Tjari ku Ngarareja vemu kongorerere nave muungurire. Novakaendu ovakuao ovengi mbe ere puena Je ko Jerusalema.
42
Nu ongurova tjija tumbuka, mena rokutja jari Ejuva romeritunino, okutja, ejuva komurungu uesabata,
43
Joosefa ua Arimateja ueja mbo. Uari omuzemburukise omutengua mounane, eje uina ngu ja undju ouhona ua Mukuru. Ua hitire nouvande pomurungu ua Piratiusa nu a ningire kutja a peue orutu rua Jesu.
44
Nu Piratiusa ua himinue kutja Jesu uatu hapo; Nu otja isanene omukendurio nu emu pura kutja Jesu Uatu poo.
45
Nu Piratusa tjazu noku raerua ijo mukendurio kutja Jesu ua koka arire tja jandja orutu ku Joosefa.
46
Joosefa eje uari aa randa onguju jorinena.Nu e Mu turura ko tjikoroise, nemu mangere monguju indji jorinena, nemu rarisa mejendo nda kororerue okuza moruuua. Nu akunguzurire eue pomuvero uejendo.
47
Nu Maria Magatarene na Maria ina ja Joosesa va muna kutja Jesu ua pakua pi.