Ekondua oritjamurongo na ine
1
Nambano paseuerue omajuva jevari kutja omukandi uomarurumino no uomboroto ndji ha surisiua. Nu ovapristeri ovanene novatjange va pahere ozondjira zoku kamburaJesu movineja noku Mu zepa.
2
Nunguari va tjere, ''Arire mejuva romukandi tjaa ngaa pe kara ezunganeno pokati kovandu.''
3
Nu Jesu tjari mo Bethani mondjiuo ja Simona ingui omuna mutjise orupera, Eje tja haamene periro, kueja omukazendu ngua tjindire ekende rovinuke viondengu johaveha.Nu eje ua pamuna ekende rapo nu a tirire ro motjiuru tje.
4
Nunguari pari vemue mba pindikire. Nu a veunauna nu avetja, ''Omanjoneno inga uotjinuke ja tjitirua tjike?
5
Orondu otjinuke itji atja tjii randisiua kovimariva vio vitenda omasere jetatu nu a vi jandjeua kovasiona.'' Nu ve mu pindikiririre tjinene.
6
Nu Jesu uatjere, ''hanikee naje! Mamu mu zungire tjike? Eje ua tjiti otjina otjiua kuami.
7
Orondu ovasiona ve kara puena ene aruhe, nu mamu jenene oku ungura ouua kuvo oruveze aruhe ndu mua vanga. Nunguari kamuna Ami aruhe.
8
Eje ua tjiti tji me tjiuru, eje ueja komurungo ruveze, okusoporera orutu ruandje ombakero.
9
Tjiri metja nai kuene, akuhe ombuze ombua ku mai ka zuvarisiua mouje auhe, itji omukaendu tja tjiti tji, matji ka serekarerua, na zemburukirua ko.
10
Nu Judas Iskariot, umue ua imba omurongo navevari, uaja kovapristeri ovanene oku ke Mu horora kuvo.
11
Nu ovapristeri ovanene tjiva zuva, va joroka nu ave mu raere norujano kutja mave mupe ovimariva. Nu eje arire tja ruku oku paha oruveze ndumaru jandjere kutja a sore oku Mu jandja kuvo.
12
Nambano ejuva inde tenga ro mukandi uozomboroto ndeha surisirue, tjija ku zepiua ondu jomarurumino, ''ovahongeua Ve vatja nai ku Je, Ove mo paha kutja tu ke Ku tunine pi kutja U ka rire ko eriro romakatukiro.''
13
Neje Ua hinda vevari vo vahongeua natja nai kuvo, ''hitee motjihuro, nu mamu ka hakaena nomurumendu ngua tjindi ehoro romeva mu kongorereje
14
Nu akuhe kaka hita mondjiuo, mu kongorereje nuka hejee omuini uo ndjiuo kutja, 'Omuhonge matja, ''etuuo ro vajenda mu Me ka rira omakatukiro puena ovahongeua vandje ripi?'''
15
Nu eje me ke mu urikira etuuo enene rokombanda nda harekua nu nda tunua. Ngarire ku mu eke tu tunina.''
16
Novahongeua va kaenda, nu avei kotjihuro, nu ave vaza otja imba pa hee, nave tunine Omarurumino.
17
Nu tji ra toko, eje ueja puena imba omurongo navevari.
18
Novo ngunda ava haama ama veri, Jesu uatja, ''Tjiri metja nai kuene, umue uenu ngu mari puena Ami me Ndji horora.''
19
Novo va hihamenue tjinene, nave utu okutja nai kuje ko umue umue, Ouami?''
20
Nu Jesu ua zira natja nai kuvo,'' iumue ua imba omurongo na vevari, ingui ngu ma tjaveke omboroto motjijaha puena Ami.
21
Omuna uomundu ma kaenda otja tji patjangua komunda ue. Nunguari ouee komundu ingui ngu ma horora Omuna uomundu! Itja pe ngara komundu ingo andaku ka kuaterue.''
22
Nu ngunda ama veri Jesu ua toora omboroto, nei sere ondaja, nei teja. Nu ei jandja kuvo, na tja, ''Tooreje, riee, indui orutu ruandje.''
23
Neje ua toora ekopi, nu tjaza nokutjandangi, a jandja ro kuvo, nu avenu muro avehe.
24
Neje uatja nai kuvo,'' Indji ombindu jandje jo ngutasanenokumue ombe, ndji mai tirahirua ovengi.
25
Tjiri metja nai kuene, hina ku nua ko rukuao kotjihape tjo muvite, nga kejuva ndina tji Meje ku nua kutjo koupe mouhona ua Mukuru.''
26
Nu tji vaza noku imbura etangero, arire tji vai kondundu jomininga.
27
Nu Jesu uatja nai kuvo, ''amuhe mamu putarisiua, orondu patjangua, me tono omurise nu ozondu maze pizuka.'
28
29
28 Nunguari tji mbazu noku penduka, me mu hongorere okujenda ko Galilea.'
29 Nunguari Petrusa ua zira natja nai kuje, ''ovandu avehe nanda ve putarisiua, ami hinee putarisiua ko.''
30
31
30 Jesu uatja nai kuje, ''Tjiri metja nai kove, ndinondi,ii, outuku mbunombui ohunguriva ngunda ai hija vandara potuvari, mo ripatana Ami potutatu.''
31 Nu Petrusa ua hungira nomasa, ''Nangarire tjimbaso ku koka puena ove, ami hinee ripatana ove nagarire.'' Nu ovo avehe vatja nao uina.
32
Nu ovo veja po ruveze nduja ru isaneua o Gethesmane, Nu Jesu uatja nai kovahongeua Ve, ''haameje imba ngunda ame kumbu.''
33
Neje ua toora Petrusa, na Jakobasa na Johanesa puena Je, na jaruka oku handuka noku hihamua omutima tjinene.
34
Neje uatja nai kuvo, ''omuinjo uandje ua hara oruhoze tjinene, tjimuna oruo ndiro, ndji undjireje mba, nu kareje katumba.
35
Nu ua riama komurungu katiti, Jesu a uire pehi, na kumbu kutja, 'tji mape urika, oiri ndji i Mu kapite.
36
Nu Eje uatja nai, ''Abba Tate, Ovina avihe viurika Kove. Toora ekopi ndi mu Ami. Nunguari arire otja kombango Jandje nu ngairire ojo Je.
37
Nu Ueja nu eve vaza a va rara, natja nai ku Petrusa, Simona, tjii ua rara, onguae tjima mu urua ijo ku kara katumba oire imue?
38
Kareje katumba nu mukumbe, kutja amu ha hiti momarorero.Ombepo tjiri mai zeri nunguari onjama otjingundi.''
39
Eje ua kaenda rukuao, nu a kumbu, nu a hungire omambo otjingeuo.
40
Neje tja kotoka rukuao, ueve vaza a varara orondu omeho uao tji ja havererue ijozombotu), nu kave tjivirue kutja nga ve Mu zire vi.
41
Nu tjeja otjikando otjitjatatu Uatja nai kuvo,''Tjii kunda mua rara nu mua suva? Opuuo! Oire ojondji. Tareje! Omuna uomundu ma hororua na jandjeua momake uovarunde.
42
Sekameje; nu tu kaende. Tareje, ingui ngu mendji horora uri popezu.''
43
Nu Eje ngunda ama hungire, Judasa, umue uaimba omurongo navevari ueja, puena otjimbumba tji tjeri panganene no mangaruvio nozonguinja nda zire kovapristeri ovanene, novatjange, novanene vovandu.
44
Nambano ingui ngue mu horora ueve pere otjisanekero, atja, ''Ingui ngu mba hupite tjandje onguri Omurumendu uapo. Mu kambureje, nu mu mu tuare mo ndakamisiro.''
45
Nu Judasa tja uto okuvaza, motjimanga eja ku Jesu natja, ''Muhonge!'' Nu e Mu hupite.
46
Nu ovo vatua omake uao ku Je nu ave Mu kambura.
47
Nu umue ua imba mba kuramene imbo ua homona engaruvio re na kuapiza naro omukarere uo mupristeri omunene, ne mu kondo okutui.
48
Jesu ua zira nu atja nai kuvo, ''Tjii mueja tjimuna mbu mueja oku kambura erunga, nomangaruvio nozonguinja a mueje ku kambura Ami are?
49
Mba karere puena ene aruhe ame hongo mondemberi, nu kamuna mue ndji kamburire. Nunguari otji mapetjitua kutja omatjangua je jenenisiue.
50
Nu avehe mbari puna Jesu ve muesa nave tupuka.
51
Nu omurumedu uorive omutanda, ngue rihuikikire onguju jo rorina uriri korutu rue, ua kongorerere Jesu. Nu ovarumendu tjive mu kambura,
52
ua esa onguju jo rorina, nu a purukuta, nu a tupuka muzu.
53
Nu va tuara Jesu komupristeri omunene. nu Eje uari puena ovapristeri ovanene, ovanene novatjange mba uongarerere.
54
Nu Petrusa ue mu kongorera aeri kokure, nga moukoto uo tjituo tjondjiuo jomupristeri omunene. Nu a haama puena ovaungure, nu a uoto omuriro okurihengisa oupiu.
55
Nu ovapristeri ovanene, naimba avehe votjira otjinane tjo Vajuuta va pahere omahongononeno uo vizeze ohunga na Jesu, kutja ve sore oku muzepa. Nu kavena tjiva muna.
56
Nu ovengi vaetere omahongoneneno uo vizeze ohunga naJe, nu omahongoneneo uao kau itaverasanene.
57
Nu tjiva vasekama nu a veeta omahongononeno uo vizeze ohunga naJe, amavetja,
58
''Tue Mu zuva amatja, ''Ami Me hana o Ndemberi indji ndja tungua nomake, nu momajuva jetatu E tungu jarue ndji hina ku tungua nomake.'''
59
Nu ngunda omahongononeno uao uina kaje itaverasanene.
60
Nu omupristeri omunene ua kurama pokati kauo nu a pura Jesu natja, ''Kona ezirira? Otjikuae itji imba ovarumendu tjimave hongonona ohunga naove?''
61
Nu Eje ua muina uriri nu a ha ziri otjina. Nomupristeri omunene ue mupura rukuao, atja, ''Tjii oove Kristu, Omuna Uomunandaja?''
62
Nu Jesu uatja, ''Ouami; Nu mamu je ku muna Omuna uomundu a ahaama ko kuuoko kunene kuomasa, nu a meja movikamba viejuru.''
63
Nu omupristeri omunene ue rinjondorora omituaro, amatja,''Matu uhuara ama tu hepa ozohatoi?
64
Mueri zuvire ondjambu je ku Mukuru. Mamu munu ko vi?'' Nu avehe ve Mu panguririre ondiro.
65
Nu tjiva arire tji vautu okumu tjekera omate noku Mu siringa komurungu nave mu turu ozongomi nu a vetja Kuje, ''Profetera! Nu ovaungure arire tjive Mu toora nave Mu tono.
66
Nu ngunda Petrusa a haama kehi mo rumbo ruondjiuo, pe ere omusuko umue uovakarere vomupristeri omunene kuje.
67
Nu eje tjamuna Petrusa ama uoto, ua tara popezu kuje , natja, ''Ove uina uari puena Omunazarene, Jesu.''
68
Neje ua patanene, amatja, '' ami himuii nu rukuao hina ku zuva kutja mo hungire ke koro raje.'' Neje ua pita nu ai posijo muvero uo pendje.Nu ohunguriva ai vandara.***
69
Nu ingui omukarere uomusuko uemumuna, natja nai rukuao kuimba mba kuramene mbo,''Omurumendu ingui iumue uavo!''
70
Neje ua patana itji rukuao. Nu kombunda jo karuveze okasupi imba mba kuramene imbo vatja nai ku Petrusa, ''Otjotjiri oove umue uavo, orondu oove uina oove omuGarareja.''
71
Nunguari eje ua utire okurisenga noku jana, amatja, ''Hi tjiua omurumendu ingui nguma mu hungire komunda ue.''
72
Nu ohunguriva motjimanga ai vandara orutjavari. Nu Petrusa ua zemburuka omambo ua Jesu, nga hungirire kuje; ''Ngunda ohunguriva ai hija vandara potuvari, mo ndjipatana potutatu,'' nu e rituu nu a riri.