1
Tja heruka okuza ko ndundu ua kongorerua ijo tjimbumba tjo vandu otjinene.
2
Nu tara umue ngua verere ongana ueja neri kotomene kuje atja, Muhona tjimovanga mondji kohorora.
3
Nu Jesu ua uonjonona eke re, nemu tunu, natja, Ami mevanga, ove kohoka. Nu tjimanga ongana je a I kohororua.
4
Nu Jesu uatja kuje, tjita kutja o haraere omundu otjinatji, nunguari tuende nu ukeri raise ko mupristeri, nu u kajandje otjijandjeua tji Mose tja pangurire, tji rire otjihongonone kuvo.
5
Nu Jesu tjeere mo Kapernaum, ua tjakanenenue ijo mukendurio ngue rijarikanene ombatero kuje:
6
Amatja, Muhona omukarere uandje uaremana uri mo mara konganda nu u hihamisiua tjinene.
7
Nu Jesu uatja ku je Ami meja nu eje ku mu verukisa.
8
Nu o mukendurio ua zira natja, Muhona, ami hina ndengu jo kutja ove u hite kehi jo mututu uandje: nunguari hungira indi embo uriri nu omukarere uandje ma verukisiua.
9
Orondu ami ouami omurumendu ngu mbiri kehi jouvara, ngu mbina ovarue kehi jandje: nu mbi heja omurumendu ngui kutja kaende, na kaenda; nu komukuao etja indjo, neja; nu ko mukarere uandje etja, tjita nai, na tjiti.
10
Nu Jesu tja zuva tji, ua kumua tjinene natja kumba mbe mu kongongorere, tjiri metja kuene, hija vaza ongamburiro onene ndji tamba, kako, na mo Isiraera.
11
Nu metja nai kuene, ovengi ma vje kuza koutjiro na ko matokero, nu ave haama pehi puena Abraham, na Isaka na Jakova mouhona uejuru.
12
Nu imba ovanatje vouhona ovo mave nakerua pendje mo ndorera kokure: nu ingo maku ka kara oruhoze no makueero uo majo.
13
Nu Jesu ua tjere ko mukendurio, toora ozondjira zoje ujende; nu otja ko ngamburiro joje ngape kare nao ku ove. Nu omukarere ue ua verukisiua mo iri otjingejo ndjo.
14
Nu Jesu tja vaza ko ndjiuo ja Petrusa, ua muna ina jo mukaendu ua Petrusa a a rarisiua, a a vere otjindjumba.
15
Neje ua tuna keke re: nu otjindjumba a tji piti muje: neje a sekama a ruku oku ve ungurira.
16
Nu omapeta tjije ja arire tjiva eta ovandu ovengi mba huurirue ijo zombepo zo ndorera: nu eje ua nakera ozombepo inda pendje nembo re, na verukisa avehe imba mbari ava vera:
17
Kutja ku jenenisiue imbi mbia hungurirue ijo muprofete Jesaja, tja tjere, “Eje omuini ua toorere omapungarero uetu nge jetua ijo mitjise vietu vio tuaatujende na vereke omitjise vietu.”
18
Nu Jesu tja muna ouingi uo vimbumba mbie mu koverere, ua rakiza kutja ku kondue hembandina.
19
No mutjange umue ueja natja kuje, “muhonge, ami me ku kongorere akuhe ku moi.”
20
Nu Jesu uatja kuje, “ozombandje zeno mina no zondera me juru zeno viruuo; nunguari ingui omuna uo mundu kena petua itjiuru.”
21
Nu umue uo vahongeua ve uatja kuje, “Muhona, kurama mbi jende mbi ka pake tate rutenga.”
22
Nunguari Jesu ua tja kuje, “ndji kongorera nu jesa ovati ve pake ovati vao.”
23
Neje tja hita moskepi, ovahongeua ve vemu kongorera.
24
Nu tara, pa penduka otjivepo tjo mbura otjinamasa mo muronga, tji tja tjita kutja oskepi tji kutjirue ijo zo ngazona: nunguari eje tjandji ua rara.
25
Nu ovahongeua ve veja kuje, ave mupendura na vetja kuje, “Muhona, tu jama, matu koka.”
26
Neje uatja nai kuvo, “mua urumisiua i tjike ouene vana ngamburiro okatiti?” Kuzambo otja sekama na kandaiza ovivepo no kuvara omaporero omanene.
27
No vandu mbari puena je va himua tjinene na vetja, “ingui omungendu, ngu jenena oku puratenua ijo vivepo no muronga na vi zuu kuje.”
28
Nu tja konda hembandina kehi ra Gadara, ua uana na vevari, mba huurirue ijo zombepo o zombi a mavezu mozombongo. Ovo vari ovindandi tjinene no vandu ave ha jenene oku kaenda mo ndjira ndjo.
29
Nu tara, ovo va urira kombanda a mavetja, “ete tuna tjike oku ungura kuena ove Jesu, Muna ua Mukuru?” Ove ue jere nguno ok utu hihamisa ko murungu uo ruveze ruetu are?”
30
Nu pari orupanda ruo ozombinda ozengi ndu ja zeri kokure na imba puvari.
31
Nu ozombepo ozombi opu ze riheka kuje na zetja, tji motu nakere pendje, tu jandjera kutja tu jende tu ka hite mo rupanda ruo zombinda nduina.”
32
Nu Jesu uatja kuzo, “tuendee,” nozo tjiza pita zaka hita mo rupanda ruo zombinda: nu tara orupanda aruhe ruo zombinda otji rua tupuka no masa keo nu aru ka uira mo muronga na ru jandekua ijo meva.
33
Nu imba ovaries vazo va tupuka, a ve toora ozondjira zao a vei ko tjihuro nave ka horora ovina avihe, naimbi mbia tjitua kuimba mba huurirue ijo zombepo ozombi.
34
Nu, tara, otjihuro atjihe tjeja oku uana na Jesu: nu tjive mu muna arire tji ve muningire kutja a pite mo miruko vio mironga viehi rao.