1
Embo ro ngongorasaneno jo vakuate va Jesus Kristus, omuna ua David, omuna ua Abraham.
2
Abraham ua kuata Isaka; nu Isaka ua kuata Jakova; nu Jakova ua kuata Juuta no vazandu ovakuao;
3
Nu Juuta ua kuata Peres na Zerah mu Tamar, nu Peres ua kuata Hezron, nu Hezron a kuata Ram.
4
Nu Ram ua kuata Amminadab, nu Amminadab ua kuata Nahason, nu Nahason ua kuata Salmon.
5
Nu Salmon ua kuata Boaz mu Rahab, nu Boaz ua kuata Obed mu Ruta, nu Obed ua kuata Jesse
6
Nu Jesse ua kuata David, ombara, nu David ua kuata Solomon mo mukazendu ngui nguari oua Urija
7
Nu Solomon ua kuata Rehoboam, nu Rehoboam ua kuata Abija, nu Abija ua kuata Asa.
8
Nu Asa ua kuata Jehoshafat, nu Jehoshafat ua kuata Joram, nu Joram ua kuata Uzija.
9
Nu Uzija ua kuata Jotham, nu Jothan ua kuata Ahab nu Ahab ua kuata Hezekija.
10
Nu Hezekija ua kuata Manase nu Manase ua kuata Amon nu Amon ua kuata Josija
11
Nu Josija ua kuata Jekonija no vakuao ovazandu mo ruveze ndui ro mahuuriro ua Babilon.
12
Nu kombunda ja tjivaza no ku huurirua ko Babilon, Jekonija ua kuata Saratiera nu Saratiel ua kuata Zerubabel.
13
Nu Zerubabel ua kuata Abiud, nu Abiud a kuata Eliakim, nu Eliakim a kuata Azor.
14
Nu Azor a kuata Zadok, nu Zadok a kuata Akim, nu Akim a kuata Eliud,
15
Nu Eliud a kuata Eleazar, nu Eleazar ua kuata Matan nu Matan ua kuata Jakova,
16
Nu Jakova ua kuata Josef, eje nguari omurumendu ua Maria mu muaza Jesus, ngu isaneua Kristus.
17
Okutja okuza ku Abraham ngaku David pa kara otukuato omurongo na tune, okuza ku David nga ko mahuuriro ua Babilon pakara otukuato omurongo na tune nu okuza ko mahuuriro ngako nguatero ja Kristus pa kara otukuato omurongo na tune.
18
Nu onguatero ja Jesus Kristus jari nai. Ina, Maria, ua varekerue I Josef, nu ovo ngunda ave hija kara pamue eje ua vazeua a aririsiua otjingundi ijo Mbepo Ondjapuke.
19
Mokutja Josef omurumendu ue uari omundu omusemba, eje ka vangere oku mu jamburura mokati kovandu, nu eje otja tia okumuesa ngumumu uriri.
20
Nunguari eje ngunda ameripura notjina tji, tara, omuengeri ua Muhona otjeri raisa kuje moruroto natja, “Josef, muna ua David otira okutoora Maria otjo mukazendu uoje, orondu oungundi mbua toora ouo Mbepo Ondjapuke.
21
Eje meeku panduka omuatje omuzandu, nu enare mo muruku Jesus, orondu eje tjimee ku jama ovandu ve komauvi uao.
22
Imbi via karapo oku jenenisa itji Muhona tja hungirire mo muprofete:
23
“Tareje omusukona ma rire otjingundi, nu ma panduka omuatje omuzandu, nu mave muruku Emmanuel” tjimari tanaurua okutja Mukuru uri pena ete.”
24
Nu Josef tjaza no kupenduka, ua tjita otja ingui omuengeri ua Muhona pe mu raerere, nu a tuara Maria konganda otjo mukaendu ue.
25
Nunguari kena pa uana kuenae otjomurumendu no mukaendu ngatja panduka omuna ue otjiveri, nu emuruku Jesus.