¹ Jesu tja za noku hungira omambo nga, ua konda hembandina jo karongana ko kupepera, Kidron, ku kua ri otjikunino. Eje novahongeua V eave ka hita mu tjo. ² Nu Judas uina, ngue ke Mu horora ija tjiua pona mbo, Jesu novahongeua Ve tjinga ijave uanene po potuingi. ³ Nu Judas tja za noku peua otjimbumba tjo vasorondate no vakarere vo Vapristeri ovanene no Vafarisei, ue ja ngo no marambe no zondotje, novirue. ⁴ Nu Jesu tjinga ija tjiua ovina avihe mbi mavi ja kombanda Je, Eje ua pita pendje, Na tja, Mamu paha une? ⁵ Ovo ve Mu zira, Jesu ua Nasareta, Jesu Ua tja nai kuvo, Ouami. Nu Judas uina ngue Mu horora ua kuramene puena vo. ⁶ Eje tja uta oku hingira kutja, Ouami, ovo va jaruka oviharambunda na ve uire pehi. ⁷ Nu Eje otje ve pura rukuao, Mamu paha une? Novo va tja Jesu ua Nasaret. ⁸ Jesu Ua zira, Ami Mbe mu rare kutja Ouami. Nu tji mamu paha Ami jeseje imba ve kaende; ⁹ Kutja Embo ri jenenisiue indi nda tja, Mu imba Mbu Ue Ndjipa hina umue ngu Mba pandjarisa. ¹⁰ Nu Simon Petrusa nguari nengaruvio, arire tja homona ro, na kuapiza omukarere uo mupristeri omunene ne mu kondo okutui kuokunene. Ena ro mukarere ngui ra ri Malkus. ¹¹ Jesu otja tja ku Petrusa, Tua engaruvio roje motjihueka. Ekpoi Tate nde Ndjipa, Hi sere okunua ro? ¹² Kuzambo otjimbumba tjovasorondate, novanane vatjo, novakarere vo vapristeri ovanene, otjiva kambura Jesu nave Mu pandeke. ¹³ Nu rutenga ave Mu tuara ku Anas, orondu eje uari ihe jo mukaendu ua Kajafas, ngua ri omupristeri omunene mombura tjingejo ndjo. ¹⁴ Nambano Kajafas, eje ngua zemburukisire o Vajuuta kutja, ma pep u kutja omundu umue a tire ovandu. ¹⁵ Nu Simon Petrusa nomuhongeua omukuao va kongorera Jesu. Omuhongeua ingo ija tjiukua i omupristeri omunene, nu ua hita puena Jesu mondjiuongongo jomupristeri omunene. ¹⁶ Nunguari Petrusa ua kurama po muvero pendje. Nu omhuhongeua ingui omukuao ngu ja tjiukua I omupristeri omunene ua hungira kuena omukazona nguja tjevere omujero na hitisa Petrusa moukoto. ¹⁷ Nu omukazona ngu ja tjevere omujero otja tja ku Petrusa, Ka ove umue uo vahongeua Ve? Eje ua tja, Kauami kako. ¹⁸ Novakarere novaungure vo veta mba jakisire omuriro uo makara, va kuramene mbo, amave uoto omuriro orondu kua ri no mbepera. Petrusa ua kuramene puena vo ama uoto. ¹⁹ Kuzambo omupristeri omunene otja pura Jesu ohunga no vahongeua Ve no kuhonga kue. ²⁰ Jesu Ue mu zira, Ami mba hungirire ongahukiro kouje. Ami i Je hongo aruhe mo zosinagoge na mo ndemberi o Vajuuta ku ve jenda aruhe, Hina tji Mba hungirira momahorekero. ²¹ Onguae tji mo Ndji pura? Pura imba mbe Ndji zuva, kutja mba hungirire tjike kuvo. Tara ovo mave tjiua mbi Mba hungira. ²² Nu Eje tjaza noku hungira nai, umue uo vaungure vo veta ngua kuramene mbo, ue mu tona ne ngaha reke re, amatja, Mo ziri omupristeri omunene nao? ²³ Jesu Ue mu zira, Tji Mba hungire ouvi, hatoira ouvi ua po; nunguari tji Mba hungire naua mo Ndji tonene tjike? ²⁴ Nambano Anas otje Mu hinda ku Kajafas aa pandekua. ²⁵ Nu Petrusa ngunda ua ri mbo ama uoto omuriro. Ovo otji va tja nai ku je, Ka ove umue uo vahongeua Ve? Eje ua patanene na tja, Kauami kako. ²⁶ Umue uo vakarere vo mupristeri omunene, ngua ri omuhoko ua ingui ngua konderue i Petrusa okutui, ua tja, Hi ku muine ko tjikunino puena Je? ²⁷ Petrusa ua patana rukuao, nu tjimanga ohunguriva ai vandara. ²⁸ Nu mo muhuka omunene ovo va tuarere Jesu kondjiuo onene jombanguriro oku za ko ja Kajafas. Novo kave hitire mondjiuo jo mbanguriro, kutja ave ha tundaka, nokutja ve jenene okuria Omarurumino. ²⁹ Pilatus otja pita ai kuvo, na tja, Omundu ngui mamu Mu pe ondjo jatjike? ³⁰ Ovo va zira, nave tja ku je, Andaku ka mutjite uouvi ka tja tu Mu jandja kove. ³¹ Nu Pilatus otja tja nai kuvo, Tooreje inguim mu ke Mu pangure otja koveta jenu. O Vajuuta opu va tjera nai ku je, Oveta kai tu jandere oku zepa omundu, ³² Kutja omambo ua Jesu je jenenisiue, inga nga hungirire, ama raisa omuano uo ndiro Ndji ma tu na jo. ³³ Nu Pilatus ua hita mondjiuo jo mbanguriro rukuao, na isana Jesu, na tja ku Je, OOve ngu uri ombara jo Vajuuta? ³⁴ Nu Pilatus ua hita mondjiuo jo mbanguriro rukuao, na isana Jesu, na tja ku Je, OOve ngu uri ombara jo Vajuuta? Jesu Ue mu zira, Mo rihungirire otjina tji poo varue ve ku raere itji ohunga na Ami? ³⁵ Pilatus ua zira, Ouami o Mujuuta? Otjiuana Tjoje otjini no vapristeri ovanene ve ku jandja ku ami. Ove Jesu Ue mu zira, Mo rihungirire otjina tji poo varue ve ku raere itji ohunga na Ami? ³⁶ Jesu ua zira, Ouhona Uandje ka uouje mbui. Andaku ouhona Uandje o uouje mbui, ovakarere Vandje andaku va ruire kutja E ha jandjeua ko Vajuuta. Nunguari ouhona Uandje kau zire mui. ³⁷ Pilatus otja tja nai ku Je, Okutja O tji U ri ombara? Jesu Ua zira, Opo ove tji mo tja Ouamo ombara. Itji otji mba kuaterua nu ezeva ndi ondi Mbe jera mouje, kutja Mbi hatoirire ouatjiri. Auhe nguri ouo uatjiri u zuva eraka Randje. ³⁸ Pilatus ua tja ku Je, Ouatjiri otjikuae? Tja za no kutja nai, Ua ja pendje rukuao ko Vajuuta, na tja kuvo, Ami hina pu me munu ondjo mu Je. ³⁹ Nunguari muna ongaendisiro, jo kutja mbi kuturire ene umue po Marurumino. Ondero jenu kutja mbi kuture Ombara jo Vajuuta? ⁴⁰ Novo avehe otji va ravaera rukuao, amave tja, Ngu heri omurumendu ingui, nunguari Barabas. Nambano Barabas ua ri omupunde.