¹ Omitima vienu avi zungana. Ene itavereje mu Mukuru, nu rukuao itavereje mu Ami. ² Mondjiuo ja Tate mna ozondjiuo ozengi ongongo; andaku ka pe ri nao, andaku Mbe mu raera. Ami Me i oku ke mu tunina oruveze. ³ Nu tji Mba i nu E ke mu tunina oruveze, Ami Me ja rukuao nu E mu rijakurire omuini; kutja ku Mbi ri ene uina mu kare ngo ⁴ Nu ku Me i mamu ku tjiua, nondjira mamu i tjiua." ⁵ Tomas ua tja ku Je, Muhona, katuna kutjiua ku Mo i, nambano matu tjiua vi ondjira?" ⁶ Jesu Ua tja ku je, "Ouami ondjira, nouatjiri nomuinjo; kapena umue ngu ja ku Tate noku hina Ami. ⁷ Andaku mue Ndji tjivirue, andaku mua tjiua Tate uina. Nu okuzamba mamu Mu tjiua, nu mue Mu munu." ⁸ Filip ua tja ku Je, Muhona, tu raisira ingui Tate, nu tjandji petu jenene. ⁹ Jesu Ua tja ku Je, Okutja Mba kara orure ndu tamba puena ove nunguari ngunda ove kondji tjivirue Filip? Ingui ngua muna Ami ua muna ingui Tate. Nu ovi ove tji mo tja, tu raisira ingui Tate? ¹⁰ Kona ku itavera kutja Ami Mbi ri mu ingui Tate nu ingui Tate U ri mu Ami. Omambo ngu Mbi hungira ku ene Hi ri hungirire omuini, nunguari ingui Tate ngua tura mu Ami, Eje ongu ungura oviungura. gnv-ingui Tate. ¹¹ Itavereje kutja Ami Mbi ri mu ingui Tate, nu ingui Tate U ri mu Ami, poo tji pe heri nao, itavereje motjimbe tjo viungura ovini. ¹² Tjiri, tjiri, Me tja ku ene, ingui ngu ma itavere mu Ami, oviungura mbi mbi ungura eje uina ma ungura vio; nu eje ma ungura oviungura ovinene oku kapita mbi, orondu Ami Me i ku Tate. ¹³ Atjihe tji mamu ningire mena Randje, itjo Ami Me ungura kutja ingui Tate a jerisiue mo Muna. ¹⁴ Tji mamu ningire otjina atjihe mena Randje Ami Me tji ungura. ¹⁵ Tji mue Ndji suvera takamiseje omatuako Uandje. ¹⁶ Nu Ami Me kumbu ku Tate, nu Eje Me mu pe Omuvatere uarue ngu ma kara puena ene ngaaruhe, ¹⁷ Ingui Ombepo jo Uatjiri, ingui ouje ngu u hina ku jakura orondu ouo kau Mu munu, nu kau Mu tjiua. Nunguari ene mu Mu tjiua orondu U kara pena ene, nu ma kara mu ene. ¹⁸ Hina ku muesa ozoseua; Ami Me ja ku ene. ¹⁹ Mokaruveze okasupi ouje kau na ku Ndji muna rukuao. Nunguari ene mamu Ndji munu. OronduAmi mbi nomuinjo nene uina otji mamu kara nomuinjo. ²⁰ Nu mejuva ndo mamu je kutjiua kutja Ami Mbi ri mu Tate, nene mu Ami nu Ami mu ene. ²¹ Ingui nguna omatuako Uandje neje takamisa, eje ongue Ndji suvera. Nu ingui ngue Ndji suvera ma suverua i Tate, Nu Ami Me mu suvere, nu E ri raisa ku je. ²² Nu Judas (ngu heri Iskariot) ua tja nai ku Je, Muhona, Ove Mo je ku ri raisa vi ku ete, noku hina ku raisa kouje? ²³ Jesu Ua zira Na tja ku Je, Omundu tje Ndji suvera eje ma takamisa omambo Uandje. Nu Tate Me mu suvere, nu ete matu ja ku je, Natu ungura omaturiro uetu puena je. ²⁴ Inhui ngu he Ndjisuverere kena ku takamisa omambo Uandje. Nu indi Embo ndi mu zuva kara Ndje nunguari ora Tate ngue Ndji hinda. ²⁵ Ovina mbi Mba hungire kuena ene ngunda a Mbi ri puena ene. ²⁶ Nunguari ingui Omuvatere, nguri Ombepo Ondjapuke, Tate ngu meje ku hinda mena Randje, Eje meje ku mu honga ovina avihe nu E mu zemburukisa ovina avihe Mbi mbe mu raerere. ²⁷ Ohange me jesa puena ene, Ohange Jandje Me i jandja ku ene. Ami hina ku mupa otja ouje tji u jandja. Omutima uenu au zungana, nu au mumapara. ²⁸ Mua zuvire kutja mba tjere vi ku ene, Ami Me i nu Me kotoka rukuao ku ene. Tji mue Ndji suvera itja mu joroka orondu Mba tja Me i ku Tate, orondu Tate ua kapita Ami. ²⁹ Nu Nambano Mbe mu raere nguanda atji hi ja karapo kutja tji tja karapo, mu itavere. 30 Okuza mba hina ku hungira ovina ovingi kuena ene, orondu okavara kouje mbui ke ja, nu ka kena tji kena tjo mu Ami. Nunguari kutja ouje u tjiue kutja Ami mba suvera ingui Tate, nu otja Tate Tje Ndji pere etuako, otji Me tjiti. Sekameje tu kaende. ³⁰ Okuza mba hina ku hungira ovina ovingi kuena ene, orondu okavara kouje mbui ke ja, nu ka kena tji kena tjo mu Ami. ³¹ Nunguari kutja ouje u tjiue kutja Ami mba suvera ingui Tate, nu otja Tate Tje Ndji pere etuako, otji Me tjiti. Sekameje tu kaende.