1
Kombutiro pari indi Embo, nu indi Embo rari puena Mukuru, nu indi Embo rari
2
Mukuru.Eje uari puena Mukuru
3
kombutiro.Ovina avuhe via memua i Je, nu pendje na Je kapena tjimue tji tja ungurua mu imbi mbia ungurua.
4
Nu mu Je muari omuinjo nu omuinjo imbui ombuari ondjerera jovandu.
5
Nu ondjerera I jera mondorera; nu ondorera kai i taarere ko..
6
Pari nomurumendu ngua hindirue okuza ku Mukuru, nguari nena Johanesa.
7
Ingui eje ueja oku hatoira, oku hatoira komunda uondjerera, kutja ovandu avehe ve itavere mena re.
8
Eje kaari Ondjerera indjo; nunguari eje ua hindirua kutja a hatoire komunda uOndjerera indjo.
9
Ondjerera jouatjiri, ndji jerisa ondjira jomundu auhe ngu me ja mouje.
10
Eje uari mouje, nu ouje ua ungurirue i Je, nunguari ouje kau Mu tjivirue ko.
11
Eje ue ja ku imba o Ve omuini, nu imba o Ve omuini ka ve Mu jakurire ko.
12
Nunguari ku imba avehe mbe Mu jakurire, Eje ua jandja omasa uo ku rira ovanatje va Mukuru, okutja ku imba mba itavera mena Re,
13
Mbe ha kuaterue ijombindu, poo ijonjama, poo ijombango jomurumendu, nunguari i Mukuru.
14
Nu indi Embo ra rira onjama, nu a ritura mokati ketu. Nu ete tua muna oujere Ue, oujere otjo ua ingui Omukuatua erike ua Ihe, ngue ura notjari nouatjiri.
15
Johanesa ue Mu hatoire, a uru, amatja, Ingui ongu mba here tji mba tjere, Ingui ngu me ja kombunda jandje uri kombanda jandje, orondu ua rip o komurungu uandje.
16
Nu okuza moku ura Kue ete tua jakura otjari kombanda jotjari.
17
Orondu oveta ja jandjerua mu Mose, nunguari otjari nouatjiri vieja mu Jesu Kriste. Kapena mundu ngua muine Mukuru nangarire moruveze rumue;
18
Omuna omukuatuaerike nguri mekoro ra Ihe, Ue Mu tjiukisa.
19
Nu inga omambo ua Johanes, Ovajuuta tji va hindire ovapristeri nOvalevi okuza ko Jerusalem oku ke mu pura kutja, Oove une?
20
Eje ue rikorere, nu keri horekere ko, nunguari ue rikorere, Ami kami Kriste.
21
Nu ovo ve mu pura, Nu nambano oove une? OOve Erija? Neje uatja, Kaami. Oove ingui omuprofete? Nu eje ua zira, Kako.
22
Nu ovo otji vatja ku je, Nu nambano oove une? Tuaso ku ka jandja ezirira ku imba mbe tu hindi. Motjavi ohunga naove omuini?
23
Eje uatja, Ouami eraka ra umue ngu ma ravaere mokuti ongaango, teremaniseje ondjira ja Muhona, otja omuprofete Jesaja pa heere.
24
Nu imba mba hindirue vari Ovafarisei.
25
Ovo ve mu pura navetja ku je, Nu onguae tjiu papitisa tjiu heri Kriste, poo Erija, poo ingui omuprofete.
26
Johanes ueve zira amatja, Ami mbi mu papitisa nomeva, nunguari pena Umue ngua kurama mokati kenu ngu mu hei;
27
Eje ingui, ongu meja kombunda jandje, nu nguri kombanda jandje, ngu mbi ha puiririrue ijo ku kutura nangarire ondatua jorukaku rue.
28
Ovina imbi via tjitua mObetabera hembandina ja Jordan, Johanes ku ja papitisa.
29
Mejuva ependukirua, Johanesa ua muna Jesu a meja ku je, nu atja, Tareje Ondjona ja Mukuru ndji mai isako ouvi uouje.
30
Ingui ongu je hee tjimba tjere, kombunda jandje ma kuja omurumendu nguri kombanda jandje, orondu Eje uari po komurungu uandje.
31
Ami hije Mu tjiua, nunguari kutja Eje a raisiue ko Israel, ami otji mbe era ame papitisa nomeva.
32
Johanes ua hatoirire amatja, Ami mba munu Ombepo a mai heruka okuza kejuru otjonguti, nu ai kakara kombanda Je.
33
Ami hije Mu tjiua, nunguari Ingui ngue ndji hinda oku papitisa nomeva, eje omuini uatja nai ku ami, Kombanda ja ingui ngu ua munu Ombepo ami herukire nai kara mu Je, eje ingo ongu ma papitisa nOmbepo Ondjapuke.
34
Nu Ami mba muna nu Otji me hatoire kutja ingui Omuna ua Mukuru.
35
Nu rukuao mejuva ependukirua, Johanesa ua kuramene puena vevari vivahongeua ve.
36
Nu tja tarere mu Jesu, ama kaenda, atja, Tareje, Ondjona ja Mukuru.
37
Nu ovahongeua imba ovevari ve mu zuvire tji ma hungire nu arire tji va kongorere Jesu.
38
Nu Jesu ua tanauka nu E ve munu ave Mu kongorere, natja kuvo, Mamu paha tjike? Nu ovo vatja Rabi, (okutja tji mape tanaurua, Muhonge), u kara pi?
39
Nu Eje uatja kuvo, indjeje mu mune. Ovo veja nu ave munu pe kara, nu ave uhuara puana Je ejuva indo, orondu jari mangara oiri oitja murongo.
40
Umue ua imba ovevari mba zuvire Johanes ama hungire nu ave Mu kongorere, uari Andrew, omuangu ua Simon Petrusa.
41
Rutenga u aka vaza erumbi re Simon Petrusa natja ku je, tua munu ingui Messiah, tjima pe tanaurua okutja, ingui Kriste.
Nu eje ue mu jeta ku Jesu.
42
Nu Jesu tje mu muna, uatja, Oove Simon omuna ua Jona, ove mo isaneua Cephas, okutja tji pe tanaurua Petrusa.
43
Ejuva ndi mari ja Jesu ua zerire oku jenda kOgalilea.
44
Nu Eje ua vaza Filip natja ku je, Ndji kongorera. Nu Filip uari oua Bethsaida, otjihuro tja Andreas na Petrusa.
45
Filip ua vaza Nathaniel, natja ku je, Ete tue Mu munu ingui Mose moveta novaprofete kuva tjangererere, Jesu ua Nasareta.
46
Nu Nathaniel uatja ku je, Ko Nasareta maa kuzu otjina otjiua. Filip uatja ku je, Indjo umune.
47
Jesu ua muine Nathaniel a meja ku je, nu E mu tja, Tareje, Omuisrael katjiri, mu mu hina ovineja. Nathaniel uatja ku Je, Ove Ue ndji tjivirua pi?
48
Jesu ua zira natja ku Je, Ami Mbe ku munu ngunda Filip ae hije ku isana, ngunda auri kehi jomukujumbua.
49
Nathaiel ua zira natja ku Je, Rabi Oove Omuna ua Mukuru, Oove Ombara ja Israel.
50
Jesu ua zira natja ku je, Mena rokutja Mbe ku hee kutja, Mbe ku munu kehi jomukujmbua, mo itavere? Mo je ku muna ovina ovinene oku kapita imbi.
51
Nu Eje uatja ku je, Tjiri, tjiri, Metja kove, Okuza ku nai mamu munu omajuru aja paturuka, nu ovaengeri va Mukuru amave rondo noku herukira kombanda jOmuna uOmundu.