¹ Nambano tji ma tuhee otjohi: o mupristerri o munene ngua haama pehi ko kuuoko kunene ko tjitrone tjo maunenene mo majuru. ² O mukarere mo ruveze o rujapuke, otjiranda tjo uatjiri itji Mukuru tja zika, tji tji hazikirue ijo mundu. ³ Orondu omupristeri o munene auhe u zikirua oku jandja o vijandjeua no zombunguhiro. Nu nao otji pena o hepero o kara no tjina o ku jandja. ⁴ Nambano nderi Kristu uri mo uje, ka tja rira o mupristeri kaparukaze, mo kutja pena imba mbe jandja o vijandjeua otja ko veta. ⁵ Ve ungura ojihorera no tjizire tjo vina vie juru. Otja indi Mose tja rakizirue i Mukuru tja ri poo ku uta oku tunga o tjiranda: Mukuru ua tja, “Tara kutja u ungure o vina avihe otja ko muano mbu ua urikirua ko ndundu.” ⁶ Nunguari nai Kristu ua jakura o tjiungura otjiua tji tja kapita, otja rukuao tjeri o muhanganise uo merikutiropamue o masemba, nga zikirua uo makuizikiro nga kapita. ⁷ Nu nandaku o merikutirokumue inga o matenga ka ja ri no tjipo, ka pena otji tjitua o rutja vari tji tja tji paheua. ⁸ Orondu indi Mukuru tja vasa o tjipo mo vandu, uatja, “Tareje, o majuva ma jeja- ma ku hungire Mukuru- tji mee ku ungura o merikutiropamue omape no ndjiuo ja Israela, nouo ndjiuo ja Juda. ⁹ Ka ina ku kara otjo imerikutirokumue ngumba ungura kueeno vakuru me juva ndi mbeve kambura neke o kuve pitisa mehi ra Engipte. Mo kutja ka ve tjeverere o ku zuva o merikutiropamue, nu ami eha kara na konatja navo-, ma ku hungire Muhona. ¹⁰ “Inga o ngeri o merikutirokumue ngu mee ku ungura kueena o ndjiuo ja Israela kombunda uo majuva ngo- , ma ku hungire Muhona. Me tuapo o zoveta zandje mo zondunge zao, nu me ze tjanga mo mitima viao,. Me rire Mukuru uao nu ovo averire o vandu vandje. ¹¹ Ka vena kuje ku honga o mundu auhe o uehi rao, na umue o mukuatuapamue nae, a ma vetja, ' Tjiuee Muhona', orondu avehe ma veje ku ndji tjiua, okuza ko mutiti movo nga tji ko munene. ¹² Mo kutja me je ku tjariparera o vitjitua viao ovihasemba no mauvi uao hinee zemburuka rukuao". ¹³ No ku ruka o merikutiropamue "omape", ua heja inga o merikutiropamue o kurira omakuru nu tji tjarira otjikuru no ku hina tjiungura, tji ri po ku zenga.