1
Orusuvero ko vakambure nga ru karerere.
2
Amu zembi oku jakura o vaenda, mo kutja itji tjiva va jakura o vaengeri ave hina ku tjiua.
3
Zemburukee ovakamburua tjimuna muri momapando puna vo. Zemburukeje imba mbe, tumbua navi tjimuna ene uina muri puna vo mo rutu.
4
O rukupo nga ru tjindue no ndjozikiro i avehe, nu mbete jo rukupo ngai tiziue no ukohoke, mo kutja Mukuru ma pangura o vakorondupare no vavakirasane.
5
O ngaro jenu ngai kare no kuhina rusuvero ro vimariva. Rijeneniseje no vina mbi muna vio, orondu Mukuru eje ua tja, “Ami hinee muesa, poo noho hinee mu imbirahi.
6
Ngatu rijeneniseje kutja tu kare no uvande uo kutja, “Muhona eje o muvatere uandje; hina ku tira ko. O mundu matji tjiti ije ku ami?”
7
Ripurireje ko vanane venu, imba mba hungira embo ra Mukuru ku ene, nu ripureje ndjadero jo meritjindiro uao. Horeree ongamburiro jao.
8
Jesu Kristu ri tjimue erero, na ndino, na ko ngaaruhe.
9
Amu pukisiua ijo mahongero pekepeke ua mbangu. Orondu oko kuua kutja o mutima u zeuparisiue no tjari; ku ku heri no vikuria mbiha vatere imba mbe kaenda na vio.
10
Ete tune ezuko ro mbunguhiro, ndiri kutja imba mbe ungurira mo tjiranda kave na usemba uo kuria.
11
Orondu o mbindu jo vitumbua mbia tita omauvi i jetua ko mupristeri o munene mo ruveze orujapuke, ngunda o tutu tuao a matu njosirua pendje no maturiro.
12
Nu Jesu eje uina ua ihamisiua pendje jo mujero uo tjihuro, kutja a japure o vandu no mbindu je.
13
Ngatu jende ku je pendje no maturiro a tua tjindi o ndjambu ndja kara mo.
14
Orondu katuna o tjihuro o tji karerere imba. Nunguari tu paha itji tji ma tji ja.
15
Muje, tua so kutja aruhe tu jandjera o mbunguhiro jo ndangero ku Mukuru, ondangero ndjiri o tjihape tjo mina vietu ama tu hongonona ena re.
16
A tu zembi oku tjita o uua, noku hanasana, mo kutja o zombunguhiro tjina ndo Mukuru me tjaterua tjinene. Zuveje nu mu rijandjere ko vanane venu, mo kutja ve tjevera o minjo vienu otja mbu ma veje ku jandja ourizirira.
17
Zuveje kutja o vanane ve tjite itji no ndjoroka, ku ku heri no kuinakuina, itji kana tji kara no mbatero kuene.
18
Tu kumbiree, mo kutja tuna o ngamburiro kutja tuno urizemburuka o uua nu tuna o ndero jo ku hupa naua mo vina avihe.
19
me mu toko tjinene kutja itji, kutja mbi kotorue mo kamanga.
20
Nambano Mukuru uo hange, ngua pendura o vakoke o murise o munene uo zondu, Muhona uetu Jesu, no mbindu ndji karerera jo ngutasaneno,
21
Nge mupe ovina avihe oviua o ku tjita ombango je, ama ungura muete tji ma tji tjata kuje, mu Jesu Kristu, ku je nga irire o ujere aruhe nga aruhe. Amen.
22
Nambano me mu toko ene, vakuetu, kutja mu kare nembo ro mazeuparisiro ndi mbe mu tjangera ousupi.
23
Tjiuee kutja o mukuetu Timoteusa ua kuturua, nu ngu nga mee ku mu muna puena ene tjinga eja kamanga.
24
Minikee o vanane venu avehe no vandu avehe ovajapuke va Mukuru. Imba mbaza ko Italy ve mu minike.
25
Otjari nga tji kare puna ene amuhe.