¹ Nambano, vakuetu, tu kumbireje, kutja embo ra Muhona ri handjauke nu ri jerisiue, otja uina tji riri muene, ² nu kutja tu kuturue ko vandu o vahasemba, no varunde, mo ka avehe mbeno ngamburiro. ³ Nunguari Muhona o mutakame, ngu me mu zeuparisa, nu e mu tjevere ko munauvi. ⁴ Ete tu na o ngamburiro mu Muhona o hunga na ene, kutja ene mu tjita nu ngunda mamu je ku tjita o vina imbi mbi tu mu raera. ⁵ Muhona nga hungamise o mitima vienu ko rusuvero rua Mukuru no muretima ua Kristu. ⁶ Nambano matu raere ene vakuetu, mena ra Muhona uetu Jesu Kristu, kutja humburukee kokure no mukambure auhe ngu hena tje ungura, nu ngu ha kongorere ozo mbazu zo mahongero ngu mua jakura muete. ⁷ Mo kutja ene o veni mamu tjiua kutja o naua o ku kongorera ete, mo kutja kaatu kara uriri tji tuari puna ene. ⁸ Ka a turi o mboroto ja kangamua no ku hina ku suta, nunguari aa tu ungura o utuku no mutenja mo uzeu no ngondjero, kutja atu ha tuako o uzeu kombanda ja rive muene. ⁹ A a tu ungura nao ae heri kutja ka tua ri no uvara, nunguari aatu tungura nao kutja turire o tjiraisiro kuene, kutja mu tu horere. ¹⁰ Mo kutja tji tuari pueena ene, tue mu rakizire, "Ingui ngu hina ku vanga oku ungura ka soku ria." ¹¹ Orondu matu zuu kutja tjiva mokati kenu ve kara uriri, kave ungura, nunguari o ku tjevera-ovio- vandu. ¹² Nambano imbo mberi nao matu pangura noku ronga mu Muhona Jesu Kristu, kutja nga ve ri ungurire mo upore nu ve rie o mboroto jao o veni. ¹³ Nunguari ene, vakuetu, amu urisiua ijo ku tjita o uua. ¹⁴ Nu auhe ngu hina ku zuva kembo retu mo mbapira ndji, tueje o tjihako ku je, nu amu kara no ruuano naje, kutja a tohoni. ¹⁵ Nu amu mu vara otja o munavita, nunguari mu rongee otja o ua puna ene. ¹⁶ Nambano Muhona uo hange o muini nge mupe o hange oire aihe mo miano avihe. Muhona nga kare pueena ene amuhe. ¹⁷ Ami Paulusa, metjanga tji neke randje o muini, tji tjiri o tjihako mo mbapira aihe ndji me tjanga. ¹⁸ O tjari tjo Muhona uetu Jesu Kristu nga tji kare pueena ene amuhe. Amen.