¹ Nunguari tuee ko tjikoro ouvi auhe, ovineja avihe, okuripo-usemba, omaruru. no mambo aehe uo vizeze. ² Otjo unatje utiti mbua kuatua upe, mbu zera o maihi uo mbepo, kutja na uo mu kurisiue mo ndjamo, ³ tji mua rora kutja Muhona o musemba. ⁴ Indjee kuje nguri eue enamuinjo nda imbirahiua ijo vandu, nunguari nda toororua i Mukuru, e huze kuje. ⁵ Ene uina muri otja o maue omanamuinjo nge tungua kutja je rire o ndjuo jo mbepo, kutja jirire o tjipristeri o tjijapuke tji tji jandja o zombunguhiro zo mbepo nde jandjerua ku Mukuru mu Jesu Kristu. ⁶ O matjangua jena itji: “Taree, me ziki mo Siona eue-romohuki, nda toororua e huze. Nu kaani ngu kambura mu je kanaa zepaisiua o honi.” ⁷ Ondengu, nunguari, o kuene mbu mu kambura. Nunguari ku imba mbeha kambura, “eue nda imbirahiua ijo vatunge, indi o nda rira o tjiuru tjo mohuki," ⁸ nu "Eue ro maputarero, na eue ndi ve uisa. ⁹ Nunguari ene o uene ovandu mba toororua, otjipristeri tjo uhona, otjiuana otjijapuke, o vandu va Mukuru've muni, kutja mu hongonone o oviungura oviua via ingui ngue mu isana emu isamo mo ndorera e muhitisa mo ndjerera je ohimise. ¹⁰ Ene rukuru ka muari o vandu, nunguari nambano o uene o vandu va Mukuru. Ka mu jakurire tjari, rukuru, nunguari nambano mua tjariparerua. ¹¹ Vasuverua, me rijarikana kuene otja o vambangu no vataure o kuritjaera mo zonduma zo njama, ndae rua no minjo vienu. ¹² O meritjindiro uenu mokati ko viuana-via-mbangu ngaje kare no ndengero, kutja tji mave hungire ovina mbi hina uatjiri otjo o varunde, verire ozohatoi zo vitjitua vienu o visemba ve ondjozikiro ku Mukuru me juva ndi maa munika. ¹³ Karee no nduviro ku kaani mundu nguri mo unane mena ra Muhona. Zuvee ozombara tjimuna ovanane vokombanda. ¹⁴ na rukuao ovanane, imba mba hindua okuje ku vera o varunde noku tanga imba mbe tjita ouua. ¹⁵ Indji oo mbango ja Mukuru, kutja moku tjita ouua mu muinise o kuhatjiua kuhungira ko vandu o majova. ¹⁶ Otja ovandu vakutuke, amu ungurisa o ngutukiro jenu otja o tji kutjire tjo uvi, nunguari karee otjo vakarere va Mukuru. ¹⁷ Jozikee o vandu avehe. Suveree o rutu ruo vakambure. Tiree Mukuru. Jozikee o mbara. ¹⁸ Vakarere, karee no nduviro ko vahona venu no ndengero aihe. Karee no nduviro ku kuheri ku imba mbe tjita ouua no vahova zongozu uriri, nunguari uina ku imba o vavi. ¹⁹ Orondu itji tja puirua ijo ndangu o mbua, orondu uno urizemburuka ku Mukuru, omundu ngu tjinda o muihamuatima ngunda a ma ihamisiua nokuhinandjo. ²⁰ Orondu mo kotokerua i tjike tji mu katuka na mu zara no muretima ngunda ama mu ihamisiua? Nunguari tjimua tjita ouua na ihamisiua ngunda ama mu verua, itji tja sere ondangu okuza ku Mukuru. ²¹ Orondu oku itji kutja mua isaneua, mo kutja Kristu uina ua a ihamisirua ete. Ua jesa otjisanekero kutja mu kongorere mo zondambo ze. ²² Kenaa pa tjitire ouvi, poo kapena vineja mbia vaseua mo tjinjo tje." ²³ Tja tukaninue, kena pa jarura no matuka. Tja ihamisiua, ka tirisire ko, nunguari ue rijandja o muini ku ingui ngu pangura mo usemba. ²⁴ Eje o muini ua tjinda o mauvi uetu mo rutu rue ko muti, kutja tu koke ko mauvi nu tu kare no muinjo ko usemba. Mo mazeze ue mua verukisiua. ²⁵ Orondu ene aamu rianga otjo zondu nda pandjara, nunguari nambano mua kotorua ko Murise nu o Mutjevere o munene uo minjo vienu.