¹ Umue uenu maa rorere tjena ehungi kuena omukuao oku jenda ko veta po murungu uo vahasemba, nu e he ri jeta po murungu uo vakambure? ² Kamuna ku tjiua kutja ovakambure maveje ku pangura ouje? Nu o uje tji mau pangurua i jene, kamu na mbuiro joku pangura o uposa outitititi? ³ Kamuna ku tjiua kutja matuje ku pangura ovaengeri? Nu tji peri nao, katuna ku pangura vi ovina vio hupo ndji? ⁴ Nu nambano tji muna o mahungi o hunga no vina vio uje mbui, onguae tji mamu je jandja ko mbanguriro jo vandu mbe hina ndengu mo kereka. ⁵ Me hungirire kutja mu tohoni. Mape hee kutja kamuna o mundu o nongo mokati kenu, nangarire umue mokati kenu ngu ma jenene oku pangura o mukuao? ⁶ Nunguari o mukambure u tuara o mukambure ko veta, nu noho po murungu uo vahakambure. ⁷ Tjiri mape raisa kutja ene mua urua mu avihe kohapo, tjinga amu tuarasana ko veta. Onguae po ruveze rua nai tjimu ha nanene natji mamu tumbua navi? Onguae po ruveze rua nai tji mu ha nanene natji mamu pundua? ⁸ Nunguari mu zunda, na mu pundu, na mu tjiti o vina mbi ko vakambure. ⁹ Ka mu tjiua kutja o vahasemba kavena ku rumata ko o uhona ua Mukuru are? Amu pukisiua; kapena va vakirasane, poo ovanavisenginina, poo o vakatuke vo rukupo, poo ovarumendu o varandise vo tutu, poo ovatundu-kavavena, ¹⁰ Poo o marunga, poo omakorokope, poo ovindoronge, poo ovapunde, poo ovapunde kavena ku rumata ko o uhona ua Mukuru. ¹¹ Nu tjiva venu vari nao. Nunguari mua kohua, nunguari mua japurua, nunguari mua sembamisiua mena ra Muhona Jesu, na mo Mbepo oNdjapuke. ¹² O vina avihe o visemba mo veta ku ami, nunguari ka kutja o vina avihe vina o ndjambi. O vina avihe o visemba mo veta ku ami, nunguari hina ku jetua kehi jo uvara ua tjimue. ¹³ O vikuria o viezumo nezumo o ro vikuria, nunguari Mukuru Me je ku njona avijevari, oro navio. Nunguari o rutu ka ro ruvakiro, nunguari o rua Muhona; nu Muhona Ouo rutu. ¹⁴ Nu Mukuru ngua kotorere Muhona Jesu mo vati, Me tu pendura uina no masa Ue omuini. ¹⁵ Kamuna ku tjiua kutja otutu tuenu o unepo ua Kriste? Nu nambano mba soku toora o unepo ua Kriste, nu e utjiti kutja urire o unepo uo mukorondu are? Mukuru a jandjere! ¹⁶ Poo kamu tjiua kutja ingui ngua uanekua kueena o mukorondu u rira o rutu rumue kuenae? Orondu Eje matja, Nu imba vevari mave rire o njama imue. ¹⁷ Nunguari ingui ngua uanekua ku Muhona o mbepo imue kuena Je. ¹⁸ Tireje oruvakiro. O uvi auhe omundu mbue tjita uri pendje no rutu; nunguari ingui ngu ma tjiti oruvakiro ma katukire orutu rue omuini. ¹⁹ Poo kona ku tjiua kutja orutu ruoje ondemberi jo Mbepo oNdjapuke nguri mo ve, Ndji ua peua i Mukuru? Nu ove ka ove o uoje omuini, ²⁰ Orondu ua randua no ndengu. Opu ua soku hivirika Muhona mo rutu ruoje na mo mbepo joje, orondu imbi ovia Mukuru.