¹ Jitämä pi̧yȩ o'ca'a ru̧hua̧ Artajerjes, Rey de Persia, Persia rȩjȩ ru̧hua̧ ö̧ji̧nö̧ pä̧nä̧, 'ca'achinö Esdramä Babilonia ötahuiyäcö. Esdra i̧tti̧mö̧ o'catömä pitö ji̧na̧'a̧, Seraías'inä, Azarias'inä, Hilcías'inä, ² Salum'inä, Sadoc'inä, Ahitob'inä, ³ Amarias'inä, Azarias'inä, Meraiot'inä, ⁴ Zarahias'inä, Uzi'inä, Buqui'inä, ⁵ Abisú̧a'i̧nä̧, Finees'inä, Eleazar'inä, ja̧u̧mä̧ Aaron i̧tti̧ ji̧na̧'a̧ Sacerdote hua̧. ⁶ Esdramä 'ca'achinö pinö Babilonia ötahuiyära'acö, ja̧'hua̧ta̧'a̧nö̧ huȩyu̧cuä̧ i̧sa̧ ji̧na̧'a̧ hueähuä huȩnȩ, Dios Moiserö hueinö, Israel ttö̧ja̧ Ttö̧ä̧nä̧hua̧ Dios iyinäu̧, Diostä juȩpä̧ra̧'a̧nä̧ ttö̧ja̧ jättepömä iyinö ru̧hua̧mä̧. ⁷ Ja̧'hua̧ta̧'a̧nö̧ Israel ahuäruhuä o'cotöttö'inä Sacerdotettö'inä, Levitattö'inä, Dios öjode ra̧huä̧huä̧ ttö̧ja̧ttö̧'i̧nä̧, apate ä'ca tta̧huä̧rä̧cuä̧huä̧ isotöttöinä ja̧hua̧ta̧'a̧nö̧ Dios ojö isode aditä̧rä̧cuä̧huä̧ ttö̧ja̧'i̧nä̧ ja̧hua̧ta̧'a̧nö̧'i̧nä̧ 'chi̧nä̧tö̧ Jerusalén ötahuiya ra̧'a̧ yimötettö̧ todäre a̧'ȩ ru̧hua̧ Artajerje hueinö pänä. ⁸ Ji̧mö̧tȩ kä̧hua̧ päiomenä ja̧u̧nö̧tä̧ a̧'ȩ päiomenä rmȩhui̧nä̧tö̧ Jerusalen ötahuiyära'a. ⁹ Ja̧hua̧ta̧'a̧nö̧ rä'opinö yaute mo̧ro̧ ja̧u̧nö̧tä̧ a̧'ȩnä̧, ja̧u̧nö̧tä̧ ji̧na̧'a̧ ä̧cuo̧mȩnä̧ mo̧ro̧ ji̧mö̧tȩ a̧'ȩ päiomenä rȩmȩhui̧nö̧ Jerusalen ötahuiyänä, Diostä ji̧na̧'a̧ ja̧u̧cö̧ ki̧nö̧mä̧. ¹⁰ Esdramä ämöcuädö kö̧ni̧nö̧ ji̧na̧'a̧ Dios iäre aditätörö ö̧ja̧ pä'ö Israel ttö̧ja̧rö̧ Dios hueötä jiähua pä'ö. ¹¹ Pi̧yȩ ji̧na̧'a̧ Artajerjes iyipinömä Esdrarö sacerdote ö̧ja̧ pä'ö'inä, huȩyu̧cuä̧ i̧sa̧ pä'önä hueähhuä huȩnȩ chö̧ä̧rä̧cuä̧huä̧ i̧sa̧ ö̧ja̧ pä'ö'inä iyinöcö̧. ¹² Ja̧hua̧ta̧'a̧nö̧ ru̧hua̧ Artajerjes, Sacerdote Esdras, ja̧hua̧ta̧'a̧nö̧ Diosttö hueähuä huȩnȩ hhuȩyu̧cuä̧ ttö̧ja̧'i̧sa̧ päiönä. ¹³ Ttö, ru̧hua̧ hueösä chi̧rȩjä̧ttö̧ Israel ttö̧ja̧'i̧nä̧, ja̧hua̧ta̧'a̧nö̧ sacerdote huotö'inä, Levita'inä, Jerusalen ötahuiyära̧ tti̧'cha̧ pä'ömä, ucucu tti̧'cha̧ pä'ö ja̧'a̧. ¹⁴ Ttö, ru̧hua̧ ja̧hua̧ta̧'a̧nö̧ ji̧mö̧tȩttö̧ to'arenö hhuotö ppä̧dä̧rä̧cuä̧huä̧ ttö̧ja̧cu̧ hue'ätöjä o'cotörö Juda ötahuiyänä'inä, Jerusalén ötahuiyänä'inä, töcuipatöcua pä'ö, Dios iäre hueähuä hu̧nȩttö̧ ucutötä cu̧huo̧jä̧chi̧ä̧tö̧cuo̧mȩttö̧. ¹⁵ Ja̧hua̧ta̧'a̧nö̧ ru̧hua̧'i̧nä̧ umuäyotö'inä iyinätö̧ platattö'inä, orottö'inä iyinätö̧ ttesehuächiomettö̧ Israel Tö̧ä̧nä̧hua̧ Diosrö, Jerusalén ötahuiyänä huodenä. ¹⁶ Ja̧hua̧ta̧'a̧nö̧ Babilonia ötahuiyättömä platattö'inä, orottö'inä ttö̧ja̧ ttesehuhächiomettö̧i̧nä̧, sacerdote ttiyomettö'inä, ttesehuächiomettö̧ ttötömä Dios ojuisode Jerusalén ötahuiyänä huodenä. ¹⁷ Ja̧hua̧ta̧'a̧nö̧ cuimitähua, päcäyu̧ttö̧'i̧nä̧, carnerottö'inä, corderottö'inä, trigottö'inä, ahuähuättö'inä, Dios oju isodenä cuiyaja Jerusalénä huodenä. ¹⁸ Ja̧hua̧ta̧'a̧nö̧ platattö'inä, orottö'inä ki̧'ö̧mä̧, ucuru'inä, cui̧ja̧hua̧tö̧rö̧'i̧nä̧ adiunä jo̧mȩnä̧ tocuipa Diosrö adihuomenä. ¹⁹ Ja̧hua̧ta̧'a̧nö̧ korottö'inä esehuächiö ttiyäjimä cuiyipa Dios oju isodenä Jerusalén ötahuiyänä huodenä. ²⁰ Ja̧hua̧ta̧'a̧nö̧ Cui̧ä̧nä̧hua̧ Dios oju isodenä cuiya päcumä iyi ttö yiärettötä ȩmö̧ iyi. ²¹ Ttö, Artajerje ru̧hua̧ huopönö pä'ösä tta̧huä̧rä̧cuä̧huä̧ ttö̧ja̧rö̧ aje ya̧nȩcö̧ ka̧cuä̧tö̧rö̧ hueösä sacerdote esdras Dios i̧huȩnȩ huȩyu̧cuä̧ huȩä̧hua̧ jäepömä cuiyätöcuarö pä'ö. ²² Ja̧hua̧ta̧'a̧nö̧ cien coron trigottö'inä, cienö oba vinottö'inä cienö oba a̧nȩja̧'i̧nä̧, 'cäruhuäbö pa̧ja̧ta̧cuä̧huo̧ca̧'a̧ttö̧. ²³ O'ca juiyönä Dios pä'ömä iso jö̧nä̧ iyätöcui Dios oju isodenä ro̧ȩpä̧cö̧ pä'ö ru̧hua̧ Artajerjerö'inä, i̧tti̧mö̧rö̧'i̧nä̧. ²⁴ Ja̧hua̧ta̧'a̧nö̧ jiähuösä ucuturu o'ca toinärö̧ cu̧huo̧juä̧tu̧cua̧ pä'ö sacerdote huotörö'inä, Levitarö'inä, ra̧huä̧huä̧ ttö̧ja̧rö̧'i̧nä̧, apate a'ca tta̧huä̧rä̧cuä̧huä̧ ttö̧ja̧rö̧'i̧nä̧ Dios oju isode ppä̧dä̧cuä̧huä̧ ttö̧ja̧rö̧'i̧nä̧, ja̧hua̧ta̧'a̧nö̧ oju isode ttöruhuotö ka̧cuä̧tö̧rö̧'i̧nä̧, ya̧tȩ'i̧nä̧ cho̧i̧pä̧rö̧ jä̧ȩpä̧ä̧cuä̧huä̧ juiyunä. ²⁵ Ucu Esdras Diosttö huo̧juä̧hua̧ kö̧mä̧ o'ö ku̧ni̧ jueces huotörö'inä ötahuiyä ruhuotörö'inä, hutta pä'ö aje ya̧nȩ ji̧yä̧cö̧ ka̧cuä̧tö̧rö̧'i̧nä̧, ja̧hua̧ta̧'a̧nö̧ jerupätörö'inä cu̧hu̧juȩta̧. ²⁶ Ja̧hua̧ta̧'a̧nö̧ Cui̧ä̧nä̧hua̧ Dios hueähuä huȩnȩttö̧'i̧nä̧, ötahuiyä ru̧hua̧ hueähuä huȩnȩttö̧'i̧nä̧ jarodätömä ro̧ȩcuä̧ ttamöcuätö hua'arenä'inä, tta̧cua̧ra̧'a̧nä̧ 'töricö'inä cärenä pänö'inä. ²⁷ Tö'o Diostä adihuä i̧sa̧ ji̧na̧'a̧ ru̧hua̧ ami iso'quittö esehuächiönä jȩpi̧nö̧mä̧, ucuotönö jȩa̧ pä'ö Jerusalénä huodenä. ²⁸ Ja̧rȩyu̧nö̧ jȩpö̧ esehuächiö jȩpi̧nö̧ ötahuiyä ru̧hua̧'i̧nä̧, ta̧huä̧ra̧cuä̧huä̧ ttö̧ja̧'i̧nä̧, ja̧hua̧ta̧'a̧nö̧ ruhuotö tta'cattö esehuinäcö̧sä̧ ttö'i̧nä̧, Diosttö ppädäcuähuänä esehuächiö ca̧ca̧ti̧pi̧nö̧sä̧ Israel ttö̧ja̧ttö̧ ötöcö ttö̧'chä̧cuo̧tö̧rö̧.