¹ Ja̧'hua̧nö̧ ja̧'a̧ttö̧ CHU̧RU̧HUA̧ i̧huȩnȩ rä̧bȩhui̧nä̧cu̧sä̧, pa̧'nö̧ pä'ö: ² Ttö̧ja̧sa̧ i̧tti̧, Amón ahuaruhuä o'cätörömä ucutä 'chä̧nö̧ ji'ähuitö juiyó jarodätö, pa̧'a̧nö̧ 'cuäopäcua'a pä'ö Tu̧ru̧hua̧mä̧. ³ Amón ahuaruhuä o'cätörö pä'i: Ä̧ju̧cuä̧tu̧ycui̧ TU̧RU̧HUA̧ TÖ̧Ä̧NÄ̧HUA̧ pa̧'a̧nö̧ pä'ö: Ucutumä eseu huopinätö̧jä̧: "¡A̧ja̧"! TTÖ chö'adihuättö ro̧mȩ ucuocotö pinätö̧jä̧, ja̧'hua̧ta̧'a̧nö̧ Israel rȩjȩnä̧ ka̧cuä̧tö̧rö̧'i̧nö̧ cuä'äu icuinätö̧jä̧, Ja̧'hua̧ta̧'a̧nö̧ Juda ahuaruhuä o'cotörö'inä ttidepiyu jo̧co̧mȩcu̧ ȩpi̧nä̧tö̧jä̧, ⁴ Ja̧'hua̧nö̧ ja̧'a̧ttö̧, topätucui, jitämä ttötä chi̧yä̧u̧jä̧ ucutumä korotö kä̧hua̧ raopa'acu ka̧cuä̧tö̧rö̧. Jahuätötä jä̧cua̧'a̧ ucutu cui̧rȩja̧nä̧ ttö̧jä̧cuo̧tö̧mä̧ ja̧'hua̧ta̧'a̧nö̧ cu̧jä̧tu̧cuo̧mȩ 'cä̧tȩnä̧ ttöjusode ttaditäcuotö. Ja'huätömä cu̧ju̧nä̧huä̧tu̧cu̧ttö̧ ttucuäcuotö ja̧'hua̧ta̧'a̧nö̧ cua̧huä̧tu̧cu̧ leche'inä ttahui'äcuotö. ⁵ Ttötä yȩchä̧cua̧sä̧ Rabá ötahuiyä'inä cameyu̧tu̧ ttucuä'cuatä pai'önä ja̧'hua̧ta̧'a̧nö̧ Amón ötahuiyä'inä isotö tö̧jo̧mȩtä̧ päi'önä. Ja̧'hua̧nö̧ 'ja̧'a̧ ttopötä cu̧huo̧juä̧chi̧'ä̧cuo̧tö̧jä̧ isopäi'önä TTÖTÄ ja̧'a̧ CU̧RU̧HUA̧TU̧CU̧MÄ̧. ⁶ TU̧RU̧HUA̧ TTÖÄNÄ̧HUA̧ pä'ö: Ucutumä cu̧mutu̧cu̧nä̧ ppȩ̈ö̧ esehuinä̧ttö̧jä̧ ja̧hua̧nö̧ jö̧ ta'anö cu̧jä̧piyä̧tu̧cunä'i̧nä 'cuȩ̈hui̧nätö̧jä̧, ucutumä juiyo pärocua'atä päi'önä 'cö'cocotöjä Israel ttö̧ja̧rö̧mä. ⁷ Ja̧hua̧nö̧ ja̧'attö̧ pi̧yȩ jä̧cua̧'a̧ ¡TTÖTÄ chumunä cuäö ro̧dȩpä̧cua̧sä̧ ja̧'hua̧nö jȩpu̧ ucuturumä chiyäcua̧sä̧ ttirȩjä̧ punä ttesecuätucuacu päö. TTÖTÄ 'cä̧'ȩpu̧ chi̧cua̧'cua̧jä̧ jahuätötömä ja̧'hua̧nö̧ jȩpu ucumä korotö ttirȩjä̧ttö̧ abonänö usurä cuemäu̧nä! TTÖTÄ si'epu chicuäcuotöjä ucutumä, jau̧nutä̧ cu̧huo̧juä̧chi̧ä̧cuo̧töjä̧ TTÖRÖMÄ pidetä ja̧'a̧ TURU̧HUA̧MÄ pä'ö. ⁸ TU̧RU̧HUA̧ TTÖÄNÄHUA̧ pi̧yȩ pä'ö: Tocu pä'ö pättä Moab, Seir ttö̧ja̧mä: Judámä korotö tti̧rȩjä̧ jö̧ta̧'a̧nö ja̧'a̧ pä'ömä." ⁹ Ja̧'hua̧nö̧ jö̧ttömä, ¡ttä̧'a̧rípi̧! TTÖTÄ badepä̧cua̧sä̧ Moab ttö̧ja̧ ttö̧jo̧cuo̧mettö̧ tti̧rȩjä̧ beipomejobu, juiyo adiu tȩa̧u̧nä kä̧tö̧jä̧ pä'ätö Bet Jesimot'inä Baal Meón'inä ja̧'hua̧ta̧'a̧nö̧ Quiriataim'inä, ¹⁰ kä̧cua̧ ö'ohuecu ko̧cuȩtö̧mä kö'cocotö Amón ttö̧ja̧rö̧mä. Ja̧hua̧nö̧ ja̧'a̧ttö̧ jahuä̧jä̧mä chiyäcua̧sä̧ korotörötä Amón pinätö̧rö̧ ttämucuädu juiyäcua'anö. ¹¹ Ja̧hua̧nö̧ ja̧'a̧ttö̧ ro̧ȩcuä̧ jȩchä̧cua̧sä̧ Moab ttö̧ja̧rö̧mä, jau̧nutä̧ ttu̧huo̧juä̧chi̧'ä̧cuo̧tö TTTÖRÖMÄ. ¹² Ttö Cu̧ru̧hua̧ Dios pä'ösä: Edomä rohuäu jȩpä̧jä̧tö̧ Judacu, ja̧'hua̧nö̧ ja̧'a̧ttö̧ jahuätucu rö̧ä̧nä̧ huȩnȩ huotö juätö jitötä ja̧'a̧ttö̧. ¹³ Ja̧'hua̧nö̧ ja̧'a̧ttö̧ cu̧ru̧hua̧ Dios pä'ösä: Jitä chumö cä'epösä ro̧dȩpa̧ pä'ö Edomrö̧ ja̧'hua̧ta̧'a̧nö̧ si'epö chipa pä'ö u̧mä̧tö̧rö̧'inä ja̧'hua̧ta̧'a̧nö̧ ttä̧ji̧mö̧rö̧'inä. Jui'ätö ttö̧ji̧pö̧nä̧tä̧ jȩchä̧cua̧sä̧. Temanttö̧ kä̧mä̧dö̧ ja̧'hua̧ta̧'a̧nö̧ Dedán jubö ttö̧ja̧ 'coru juottähuäcuotö curodiyänätä. ¹⁴ Cuä'u chi̧cuä̧cua̧sä̧ Edómrömä chahuaruhuä Israel ttö̧ja̧cu̧ ppä'ädäcuäu; ja̧u̧mä̧ jȩä̧cua̧ Edómrö̧mä̧ Ttö chami surö jo̧mȩnä̧ ja̧'hua̧ta̧'a̧nö̧ chö̧'ä̧i̧'i̧nä̧. Ja̧'hua̧nö̧ ja̧'a̧ttö̧ ttu̧huo̧juä̧cuo̧tö̧ chö̧'ä̧i̧mä̧. Ttö Cu̧ru̧hua̧ Dios pä'ösäto. ¹⁵ Ttö Cu̧ru̧hua̧ Dios pä'ösä: Filisteosmä amöcuädäjätö curä, amöcuädäjätö, ja̧'hua̧nö̧ ja̧'a̧nä̧ ra̧huä̧rö̧ jȩpä̧jä̧tö̧ ttamiso'qui rö̧ä̧nä̧ ra̧huä̧rö̧ su̧ro̧tö̧ kä̧nö̧; yöröiso ttaboiyotö jö̧nä̧ Israel ttö̧ja̧ suronä jȩä̧cuä̧huä̧ jȩpä̧jä̧tö̧. ¹⁶ Ja̧'hua̧nö̧ ja̧'a̧ttö̧ pä'ösä Ttömä, Cu̧ru̧hua̧tu̧cu̧ Diosmä: Jitämä chumö cädepäcua̧sä̧ chutäbota pä'ö filisteorö, ja̧'hua̧ta̧'a̧nö̧ be'epäjipö chicuäcua̧sä̧ Quereteosrö'inä ja̧'hua̧ta̧'a̧nö̧ jäyotö ka̧cui̧pä̧tö̧rö̧'inä be'epu chicuäcua̧sä̧. ¹⁷ Surojönä abonänö jȩchä̧cua̧sä̧ jahuätörömä; chutäbotäcua̧sä̧ chö̧'ä̧i̧ o'cajuiyönä. Ja̧hua̧nö̧ pi̧yȩ jȩ'chö̧ o'ca'a ttu̧huo̧juä̧chi̧'ä̧cuo̧tö̧ isopäi'önä Ttö ja̧'a̧ Tu̧ru̧hua̧ Diosmä pä'ö.