¹ Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ ttörö pa̧'a̧nö̧ ucuocuinö: ² "Ttö̧ja̧sa̧ i̧tti̧, jitötä Jerusalén ttö̧ja̧ su̧ro̧tä̧cuä̧huä̧ jȩttö̧mä̧ ji'ähuitö, ³ Huäjönä ji'ähuö icu: TÖ̧Ä̧NÄ̧HUA̧MÄ̧ pa̧'a̧nö̧ pä'ö Jerusalén ttö̧ja̧rö̧mä̧: Ucu cuä̧do̧tö̧ mi̧nä̧ttö̧ cuhuäpächinomemä Canaán rȩjȩ ja̧'a̧; Cuä'o minämä amorreo ttö̧ja̧sa̧ pinö ja̧'hua̧ta̧'a̧nö̧ cua̧ju̧ mi̧nä̧mä̧ hetea ttö̧ja̧ isaju pinä̧ju. ⁴ Cuhuäpächinö mo̧ro̧mä̧, cua̧ju̧mä̧ curähuamä 'cuijopococu pinöjä̧, ja̧'hua̧ta̧'a̧nö̧ ajiyanä'inä töcähuiocö pinöjä̧, juhua'atäcu 'cäruhuäbönä'inä 'cuä'ecuocö pinö̧jä̧, ja̧'hua̧ta̧'a̧nö̧ pö̧jä̧ta̧nä̧'i̧nä̧ juä'ocuocö pinäjä̧. ⁵ Ja̧'hua̧ta̧'a̧nö̧ pi̧yȩ jȩtta̧cu̧ pä'ömä rȩrö̧jö̧nö̧mä̧ topäcuähuocö pinö̧jä̧, ucuru rȩrö̧jö̧nä̧ topömä. Cuhuäpächöji mo̧ro̧mä̧, cua̧'cua̧rö̧mä̧ ttamisuru tottinä̧cu̧jä̧, umicu̧ meje'ca huäose jä'canä do'opö tticuinä̧cu̧jä̧. ⁶ Ja̧'hua̧nö̧ ja̧'a̧ Ttömä ucu cuippeyänä 'cuä'opö topinö̧sä̧ ucurumä, ucutä cua̧mö̧nä̧ cucuojanä te'chäu cu̧'a̧'a̧ ja̧'hua̧nö̧ ja̧'a̧ttö̧ pädinäcu̧jä̧ cucuojamä ¡A̧'cua̧ra̧'a̧! Ja̧'hua̧ta̧'a̧nö̧ pädinä̧cu̧jä̧ cua̧mö̧nä̧ cucuojamä ¡A̧'cua̧ra̧jä̧! ⁷ Pättanä isade böo juoa'a jä̧'i̧nö̧'a̧nö̧ böo juodepinä̧cu̧jä̧. Yabonä rö̧ä̧chi̧nö̧jä̧ ja̧'hua̧ta̧'a̧nö̧ böo juo'ecuinö̧jä̧, juhua'atäcu rö̧ä̧nä̧ micuäu jä̧'i̧nö̧'a̧nö̧ pärohuächinö̧jä̧. Cuatate'inä 'quiyönä kö̧nä̧ ja̧'hua̧ta̧'a̧nö̧ cuhuo'chemä oi jö̧nä̧ böo juoina'a. Cu̧'ca̧tä̧huä̧ta̧ juiyönä cu̧ja̧'a̧nä̧ ja̧'hua̧ta̧'a̧nö̧ huäkä'co jö̧nä̧tä̧. ⁸ Pä'äjita'anö ucu cu̧jo̧mȩnä̧ 'cuä'opinö̧sä̧ ja̧'hua̧nö̧ 'cuä'opö tochinäcua̧jä̧. Ucu cuju'cönä jö̧ mo̧ro̧ rȩbȩhui̧na̧'a̧, ja̧'hua̧nö̧ ji̧yä̧cu̧ chö'ca̧tähuä'pinä juä'opö ttodepinäcua̧jä̧, cu̧'ca̧tä̧huä̧ta̧ juicua'amä, ja̧'hua̧nö̧ ja̧'a̧ ya̧tȩ i̧mi̧nä̧ huȩnȩtö̧ pä'ö ucucu todecuinö̧sä̧, Pa̧'a̧nö̧tä̧ huäjönä ji'äu icu TÖ̧Ä̧NÄ̧HUA̧MÄ̧, ja̧'hua̧nö̧ jȩpö̧ Ttötä isaju päcui'önä jȩchi̧nä̧cua̧jä̧. ⁹ Ja̧'hua̧nö̧ ji̧yä̧cu̧ tö'cö chicuinäcuä̧jä̧ ajiyanä ja̧hua̧ta̧'a̧nö̧ cucuo ji̧yä̧cu̧'i̧nä̧ tö'cö chicuinäcuä̧jä̧, ja̧'hua̧ta̧'a̧nö a̧dȩjä adiunä sopönä tudepinacuä̧jä̧. ¹⁰ Cu̧'ca̧tä̧huä̧ta̧'i̧nä̧ tötä chö̧'ca̧ti̧nä̧cuä̧jä̧ ja̧hua̧ta̧'a̧nö̧ cu̧jä̧pö̧ isäya'inä i̧sa̧ i̧jȩta̧ttö̧ adicuäya chu̧ju̧ni̧nä̧cuä̧jä̧. Chiyinäcuä̧jä̧ cuäca isäya linottö adicuäyä, chö̧'ca̧ti̧nä̧cuä̧jä̧ sedattö a̧di̧cuä̧ta̧nä̧. ¹¹ Rö̧'ä̧nä̧ micuäuttu cha̧'cua̧ti̧nä̧cu̧jä̧, cu̧mu̧nä̧'i̧nä̧ i̧so̧bö̧ chö̧ni̧nä̧cu̧jä̧, cu̧ru̧pä̧'quȩna̧'i̧nä̧ räusa ca'epö chu̧huä̧nä̧nä̧cu̧jä̧. ¹² Cui̧ji̧yu̧na̧'i̧nä̧ ja̧'hua̧ta̧'a̧nö̧ cuä̧ja̧nä̧'i̧nä̧ i̧so̧bu̧ chö̧ni̧nä̧cu̧jä̧, pu̧ttä̧huo̧bu̧ a̧di̧huo̧bu̧ cunä ca'epö chu̧huä̧nä̧nä̧cu̧jä̧. ¹³ Ucumä a̧'cua̧ttö̧ ku̧nä̧hua̧ju̧jä̧ orottö'inä ja̧'hua̧ta̧'a̧nö̧ pärätättö'inä, adihuäjuäi lino i̧sä̧tra̧ttö̧ 'ca̧tä̧hua̧ju̧jä̧, seda i̧sä̧ta̧ttö̧ ttö̧'u̧ i̧yä̧hua̧jä̧; Je'eyu i̧sa̧ppȩtä̧ cuinö̧jä̧, maya ja̧'hua̧ta̧'a̧nö̧ adeja'inä juiyo a̧'cua̧cui̧nä̧ju̧jä̧ ruhuaju 'cuarönätä huinäju̧jä̧. ¹⁴ Cu'adihuättö ucuounä cu̧ju̧mä̧ rä̧bȩhui̧na̧'a̧ ko̧ro̧jä̧ra̧'a̧'i̧nä̧, adiutä ki̧nä̧ju̧jä̧ ruhuo TTÖ chiyinönämä. Pi̧yȩtä̧ ja̧'a̧ CU̧RU̧HUA̧ CUÄ̧NÄ̧HUÄ̧ pädömä. ¹⁵ Ucumä̧ ucuo te'ähuäjijä cua̧monä̧ cu'adihuätä, ja̧'hua̧nö̧ jȩcua̧'a̧tö̧ kidepä iyähuäju a̧'cua̧rö̧nä̧ hua̧jä̧; kidepä iyähuäyu jä̧'i̧nö̧'a̧nö̧tä̧ kö̧jä̧ o'catoi'önä̧ pȩnȩnä̧ 'cuä'opäjätucumä̧, ja̧'hua̧nö̧ jȩcu̧'u̧mä̧ cua̧monä̧ cuadihuätä ja̧'ä̧. ¹⁶ Iso päiönä̧tä̧, cu̧'ca̧tä̧huä̧tiyu̧'inä̧ a̧'cua̧tö̧ tu'huepäjijä rö̧ä̧nä̧ huȩyu̧'u̧nä̧ korotö tottäcua'anö̧ pä'ö, kidepä iyähuä'cbäju jä̧'i̧nö̧'a̧nö̧ jä̧ja̧'a̧ ja̧hua̧nö̧ jȩcu̧'o̧menä̧mä̧. pi̧yȩmä̧ 'cuäopö juitö'anö̧ jäja̧'a̧. Ja̧u̧ jueimä̧ kö̧ juiyö̧'anö̧ ja̧'a̧. ¹⁷ Ucumä̧ ȩmä̧ji̧jä̧ micuäu juei oro ja̧hua̧ta̧'a̧nö̧ pärtä'inä̧ TTÖ chiyäjimä̧, jähuätö totta pä'ötä kidepä iyähuä̧'chäju a̧'cua̧rö̧nä̧tä̧ jȩpä̧ji̧jä̧, ¹⁸ Cu̧'ca̧tä̧huä̧tí̧yu̧ adiunä̧ ttö̧'ä̧huttö̧ attopäjijä TTÖ chö̧a̧dejattö ja̧hua̧ta̧'a̧nö̧ chö̧a̧mȩttö̧'i̧nä̧ jahuätö ttä'cajome ku̧nä̧ji̧jä̧. ¹⁹ Pa̧n TTÖ chiyäji'inä̧ je'eyu i̧sa̧ppȩ'inä̧ a̧deja'inä̧ ja̧hua̧ta̧'a̧nö̧ mayaja'inä̧, jahuätö ttä'cajome ku̧nä̧ji̧jä̧ a̧mȩu̧nä̧ 'chopa pä'ö, ja̧hua̧nö̧t 'cuäopäja'a. Ja̧hua̧nö̧tä̧ pä'ö TÖ̧Ä̧NHUA̧MÄ̧. ²⁰ Ja̧'hua̧nö̧ ja̧'a̧ ucu cui̧tti̧mö̧ u̧mö̧tö̧rö̧'inä, nätärö'inä u̧cu̧tä̧. Cuhuäbecuinä̧u̧rö̧ Ttörö iyinöjä̧ ja̧'hua̧ta̧'a̧nö̧ ku icu iyähuome iyinöjä jahuätö tta̧'cua̧juä̧mä̧ ttucua pä'ö i̧sa̧ppȩ jȩtta̧'a̧ jä̧'i̧nö̧'a̧nö̧. ¿Pi̧yȩ a̧'u̧cu̧nä̧tä̧ ja̧'a̧ cuirecua cuemo̧ca̧'a̧nä̧ cusuri'ömä? ²¹ Ucumä ku icu iyähuome iyinäju̧juä̧ Ttö chi̧tti̧mö̧rö̧ ja̧'hua̧ta̧'a̧nö̧ ocuro huä̧mȩ cä'epö huȩni̧nä̧ju̧juä̧. ²² O'ca juiyönä ucu jȩ'cu̧'u̧mä̧ abora̧'a̧ suronä jȩä̧cuä̧huä̧tä̧ ja̧'a̧ ja̧'hua̧ta̧'a̧nö̧ ucu suripö cui̧jȩcu̧mä̧ cuämöcuädoca'a möäyaju cu̧ji̧nö̧ mo̧ro̧, cuä̧ta̧'i̧nä̧ jui'aju ku̧ji̧nö̧ pä̧nä̧ ja̧'hua̧ta̧'a̧nö̧ koro ttoepö'inä juiyönä cucuojatä to'cuäcuähuinö pä̧nä̧. ²³ ¡Ucu hue'öjä̧ti̧! TU̧RU̧HUA̧ Dios pa̧'a̧nö̧ pä'ö, ja̧'hua̧nö̧ ja̧'a̧ttö̧ yabonänö rö̧ä̧chi̧a̧'a̧ suronä jȩä̧cuä̧huä̧mä̧. ²⁴ Ucu uhuäbe'ö ku̧ni̧jä̧ yo̧mȩtȩ adiunä i̧jȩcuä̧cho̧mȩ ucuo tetähuome tätähuä o'canä. ²⁵ Ucumä aditinöjä̧ ju'tojö cu̧jo̧mȩ mö̧ä̧'quiyö beipome pö̧nä̧ ja̧'hua̧ta̧'a̧nö̧ ucuotäcuähuocoju pi̧näjujä̧ cuhadihuä, ja̧'hua̧nö̧ ja̧'a̧ ucumä iyä'chinä̧ju̧jä̧ cua̧mö̧nä̧ cuidepä o'catoi'önä̧rö̧ 'cuäopätörö ja̧'hua̧ta̧'a̧nö̧ ju̧huȩn abonänö suronä jȩpi̧nä̧ju̧jä̧ cuidepäcumä. ²⁶ Ucumä jȩpä̧ji̧jä̧ isaju kidepä iyä'chäcuähuä'ijäju 'cua̧rö̧nä̧ Egipto ttö̧ja̧cu̧'inä, ucu cuippeyänä ka̧cuä̧tö̧ surojönä jȩä̧cuä̧huä̧ ttö̧ja̧.Ja̧'hua̧nö̧ ja̧'a̧ttö̧ ju̧huȩnȩ a̧bo̧nänö surojö jȩpä̧ji̧jä̧ cuidepä iyä'chäcuäu ja̧'hua̧nö̧ ja̧'a̧ttö̧ jȩpä̧ji̧jä̧ chu̧ra̧huä̧ra̧cu̧ pä'ö ²⁷ Ttömä cuidepäc chamö ja̧'hua̧ta̧nö̧ 'cho̧di̧pä̧cua̧jä̧ cu̧cuä̧'inä̧ ttö iyö chi̧cuä̧cua̧sä̧ ucu cu̧ju̧mä̧ cuaboiyitörö, filistea ttö̧ja̧ tti̧tti̧mö̧ nä̧tö̧ dä'ätuhuätö suronä jȩ'cua̧'a̧ topö. ²⁸ Ucumä surojönä jȩpä̧ji̧jä̧ isaju a̧'cua̧rö̧nä̧ Asirias ttö̧ja̧cu̧'inä juhua'amä jo̧mȩ päcui'ö juiyönä ja̧'a̧ttö̧. Ucumä jȩpä̧ji̧jä̧ isaju 'cua̧rö̧nä̧ ja̧'hua̧nö̧ ja̧'a̧nä̧ jo̧mȩ huocoju pinäju̧jä̧. ²⁹ Ucu'inä ju̧huȩnȩ abonänönä jȩpi̧nö̧jä̧ cuidepä iyä'chäcuäu cuähuä iyähuä ttö̧ja̧ ttidepiyuttö caldea, ja̧'hua̧nö̧ ja̧'a̧nä̧ pi̧yȩnä̧mä̧ jo̧mȩ huocöjä̧. ³⁰ ¿Juiyo nahuä̧cha̧'a̧ttö̧ ucu cuamiso'quimä pi̧yȩ pä'ötó TÖ̧Ä̧NÄ̧HUA̧MÄ̧, ja̧'hua̧nö̧ jȩpi̧ pi̧yȩ o'ca juiyönä, isaju kidepä iyä'chäcuähuäju a̧'cua̧rö̧nä̧ dä'ä ttucua'a? ³¹ Ucumä aditinö̧jä̧ ucu ju'toju cu̧jo̧mȩ ötahuiyä mäniyä̧ beipome adinö̧jä̧ yapare töänähuarö ku icu iyähuome ja̧'hua̧nö̧ ja̧'a̧ttö̧ cuidepä iyöu o'catoi'önä tottönä ja̧'hua̧nö̧ ja̧'a̧nä̧ ucumä isaju kidepä iyähuäju jä̧'i̧nö̧'a̧nö̧ cuocua'a micuä'inä cuȩmo̧ca̧'a̧ttö̧. ³² Ucu cuirecua kidepä iyähuäju, A̧ päcua'a to'cuococuru ucutä cuirecuorö pätta'a jä̧'i̧nö̧'a̧nö̧. ³³ Ttö̧ja̧mä̧ o'catoi'önä mitätö suripäjurutä, ja̧'hua̧ta̧'a̧nö̧ ucumä cuaditähuä micuämä o'ca juiyönä iyöjä̧ cuju'cuarötä ja̧'hua̧ta̧'a̧nö̧ korotörö'inä esecu ucutä ttichacu pä'ö o'catoi'önä yi̧mȩtȩ ca̧ca̧cui̧pö̧ ttusuri'a pä'ö. ³⁴ Ja̧'hua̧nö̧ ja̧'a̧ttö̧ ucucu ja̧'hua̧ta̧'a̧nö̧ jahuäju'inä korotö nä̧tö̧'i̧nä̧, porö yabocumä ya̧tȩ'i̧nä̧ jä'epocotö jahuätucu cuä'a pä'ömä, ja̧'hua̧nö̧ ja̧'a̧nä̧ ucumä jahuätörö mitöjä̧. Ya̧tȩ'i̧nä̧ ucurumä mitocö. ³⁵ Ja̧'hua̧nö̧ ja̧'a̧ttö̧ ucu cuidepä iyä'chäcuähuäjumä, TÖ̧Ä̧NÄ̧HUA̧ i̧huȩnȩ ä̧ju̧cui̧. ³⁶ TÖ̧Ä̧NÄ̧HUA̧MÄ̧ pa̧'a̧nö̧ pä'ö: Isopäi'önä ucu pä̧huä̧rö̧jö̧mä̧ to'inöjä̧ ja̧'hua̧ta̧'a̧nö̧ ucumä cu̧dä̧pä̧ro̧mȩ i̧jȩpi̧nö̧jä̧ cuidepä jähuä iyä'chäcuäu cu̧ju̧'cä̧u̧ o'catoi'önäcu̧ juhua'atäcu tätähuä o'ca su̧ro̧tä̧cuä̧huä̧ o'canä ja̧'hua̧ta̧'a̧nö̧ tätähuä o'carö cui̧tti̧mö̧rö̧ cuä'äu icu iyä'chinö̧jä̧, ³⁷ ja̧'hua̧nö̧ jo̧mȩnä̧ ucu kö'cö cu̧'o̧cui̧'i̧nä̧u̧ o'catoi'önärö̧mä̧ ji̧nä̧ yo̧mȩtȩ chö̧ca̧ca̧ti̧'ä̧cua̧sä̧, o'catoi'önä̧ rȩpȩcui̧nä̧u̧rö̧mä̧ ja̧'hua̧ta̧'a̧nö̧ cuju'co̧co̧u̧ pinä̧tö̧rö̧'inä, Ttömä chö̧ca̧ca̧tä̧cua̧sä̧ o'catoi'önä̧ ucuru köcocotörö ttö̧jo̧mȩ pö̧nä̧ttö̧mä̧. Ucu cu̧dä̧pä̧rö̧ chi̧jȩpä̧cua̧jä̧ o'catoi'önä cu̧'ca̧tä̧huä̧ta̧ jui'ö ku̧ja̧'a̧ tottäcua'anö. ³⁸ Ye, Ttötä ro̧dȩpä̧cua̧jä̧ cuirecua pocojuru jȩcu'a̧ji̧mä̧ ja̧'hua̧ta̧'a̧nö̧ ttucuoja huerächönä jȩpa̧ji̧jä̧ ja̧hua̧nö̧ ja̧'a̧ttö̧ ja̧'a̧ttö̧ ucuru chö̧'ä̧i̧ chä'cuoyäu chucuoja dahuipunä jȩchä̧cua̧sä̧. ³⁹ Jahuätö ttu̧munä̧tä̧ iyö chu̧ju̧nä̧cua̧sä̧ suronä̧ jȩpä̧'chö̧ cu̧ji̧ä̧jo̧me yapare cu̧ä̧nä̧huä̧'ca 'cu̧'u̧ tticuiyacu pä'ö jahuätötä cu̧'ca̧tä̧huä̧ti̧yu̧'inä̧ serö tti̧cuä̧cua̧jä̧ micuäjujuei cu̧ju̧nä̧rö̧'inä̧ ttȩmä̧cuo̧tö̧. Jahuätömä̧ tä̧ta̧ jui'ätö ttö̧ji̧pa̧'a̧ jä̧'inö̧'a̧nö̧ ttu̧ju̧ni'ä̧cua̧jä̧ huäjunä̧tä̧. ⁴⁰ Ja̧'hua̧nö̧ ja̧'a̧, ttö̧ja̧ recuätö ttö̧ra̧huä̧ra̧cu̧ pä'ö chi'cächiyä̧cua̧jä̧ ja̧'hua̧ta̧'a̧nö̧ i̧nä̧dönä icuäu tti̧cuä̧cua̧jä̧ juhua'atäcu ttucurä o'chunä 'cui'ö tticuäcua̧jä̧. ⁴¹ Jahuätömä cuoju odehuiyä'inä cuhuä'chu tti̧cui̧yä̧cua̧jä̧ ja̧'hua̧ta̧'a̧nö̧ nä̧tö̧ recuätö to̧ttä̧ro̧mȩttö̧ rö̧ä̧nä̧ jȩpö̧ ucuru ro̧ttȩpä̧cuo̧tö̧, ja̧'hua̧nö̧ jo̧mȩnä̧ cuidepä iyä'chäu jȩ'cuä̧'i̧ju̧mä̧ yabonö jȩ'cu̧ juiyönä jȩchä̧cua̧jä̧ ja̧'hua̧nö̧ jȩcho̧mȩnä̧ cu̧ju̧'cä̧u̧rö̧mä̧ yabonömä mitocö cuä̧cua̧jä̧. ⁴² Ja̧'hua̧nö̧ jo̧mȩnä̧, Ttö chi̧'ä̧i̧mä̧ juhua'a yabonö ucuturumä ra̧huä̧ro̧ca̧'a̧ jä̧cua̧'a̧ ja̧'hua̧nö̧ jo̧mȩnä̧tä̧ Ttömä chȩsȩhuä̧cua̧sä̧ ja̧'hua̧ta̧'a̧nö̧ juhua'a yabonömä ra̧huä̧ro̧cö̧ chä̧cua̧sä̧. ⁴³ ¡Tocu pä'ö möäya̧ cu̧jä̧i̧ cuamöcuädinömä cuamöcuädoca'attö ja̧'hua̧ta̧'a̧nö̧ pi̧yȩ o'ca juiyönä jȩ'cuä̧ji̧nä̧mä̧ rö̧ä̧nä̧ chö̧ra̧huä̧rö̧nä̧ jȩpä̧ji̧jä̧, ja̧'hua̧nö̧ ja̧'a̧ttö̧ Ttötä jähuänämä rö̧ä̧ȩcuä̧tä̧ cuamönä Cunä cä'epö chu̧huȩnä̧cua̧jä̧ jȩ'cuä̧ji̧nä̧mä̧, pi̧yȩ ja̧'a̧ TÖ̧Ä̧NÄ̧HUA̧ huäjuetö icu jiähuämä. ¿Cuidepä iyä'chäcuähuä su̧ro̧tä̧cuä̧huä̧ jȩ'cu̧mä̧ yabonänö rö̧ä̧chö̧nä̧ jȩpo̧cö̧ pä'ijö̧jä̧? ⁴⁴ O'ca juiyönä ji̧yȩtȩ pähuä ucuocumä ji̧yȩtä̧tä̧ pä̧huä̧chä̧cua̧jä̧: "Ka̧ju̧ jȩjä̧ji̧mä̧, kittiju'inä ja̧u̧tä̧ jȩpä̧ju̧." ⁴⁵ Ucumä, cua̧ju̧ kittijujä, cuirecuorö'inä, cui̧tti̧mö̧rö̧'inä cuju'cö juiyönä, ja̧'hua̧ta̧'a̧nö̧ ucumä ttirecuorö'inä, tti̧tti̧mö̧rö̧'inä kö'cocotö ttijähuajujä. Cua̧ju̧mä̧ Hit ttö̧sa̧ isaju ji̧na̧'a̧ ja̧'hua̧ta̧'a̧nö̧ cuä'omä amor ttö̧ja̧sa̧ ji̧na̧'a̧. ⁴⁶ Ucu cuböamä Samaria ji̧na̧'a̧, ja̧'hua̧ta̧'a̧nö̧ ki̧tti̧mö̧ nä̧tö̧mä̧ ku'ohueja̧'a̧cu̧ ka̧cui̧nä̧tö̧, ja̧'hua̧nö̧ ttö̧ja̧cua̧'a̧nä̧ cuijähuajumä cu̧huo̧jua̧'a̧cu̧nä̧ ki̧nä̧jö̧, jahuäjönä Sodoma ja̧'a̧ ja̧'hua̧ta̧'a̧nö̧ ki̧tti̧mö̧ na̧tö̧'i̧nä̧. ⁴⁷ Ucumä suro tti̧jä̧di̧no̧mȩ pönätä̧mä̧ kȩdo̧co̧ju̧ pinäjujä̧ ja̧'hua̧ta̧'a̧nö̧ jȩju̧'i̧nä̧ jȩpö̧ kö̧jö̧'i̧nä̧ jȩpo̧co̧ju̧ pi̧nä̧ju̧jä̧, ja̧'hua̧nö̧ ja̧ju̧ jueimä ucu o'cajuiyönä jȩ'cu̧mä̧ jahuäju jȩji̧nö̧ttö̧'i̧nä̧ yabonänä jȩpi̧nä̧ju̧jä̧. ⁴⁸ Ttömä kö̧sä̧ pä'inö TÖ̧Ä̧NÄ̧HUA̧ Diosmä, Cuijähuaju sodoma'inä ki̧tti̧mö̧ nätöcumä ucu rö̧ä̧nä̧ surojö jȩ'cui̧na̧'a̧nö̧mä̧ jȩpo̧co̧ju̧ pinäju, ucu cui̧tti̧mö̧ nä̧tö̧ jȩttä̧'i̧ja̧'a̧nö̧mä̧. ⁴⁹ Pi̧yȩ ji̧na̧'a̧ cu̧jähuaju Sodomä suronä jȩji̧nö̧mä̧: Ja'huajumä tötä ja̧'a̧ pä'ö ucuo te'ähuinäju̧, koromä recuärö̧jo̧co̧cua̧sä̧ pä'ö ja̧'a̧tä̧ topinäju̧. Ja'huäjumä usurä isotö recuarö̧jä̧u̧ru̧ ppä'ädocoju pinäju̧. ⁵⁰ Tötä ja̧'a̧ pä'ö ucuo te'ähuinäju̧ ja̧'hua̧nö̧ jȩpö̧ chä'ca jo̧mȩttö̧ surojötä jȩpä̧'chö̧ ki̧nä̧ju̧, Ja̧'hua̧nö̧ ja̧'a̧ttö̧ si'epö chicuina'a topätöjä ⁵¹ ¡Samariamä ucu suronä jȩcu̧'i̧nö̧'a̧nö̧mä̧ jȩpo̧co̧tö̧ pinätö; ja̧'hua̧nö̧ jo̧ca̧'a̧ ucumä jä'huatöttö'inä abonänö surojönätä jȩpi̧nä̧ju̧jä̧, ucumä i̧jȩpä̧ju̧jä̧ cujähuajutä adiunä kä̧ju̧ pä'ö kö'cähuo'cötä cui̧jȩpo̧mȩnä̧! ⁵² Jue'önämä ucu ja̧'a̧ cua̧mo̧nä̧ surujötä ji̧jȩpä̧ju̧mä̧; Ja̧'hgu̧a̧nö̧ jȩ'cuo̧mȩnä̧mä̧ cuijähuajutä adiunä jȩpa̧ju̧ a̧'cua̧rö̧nä̧ i̧jȩcuä̧cha̧'a̧, suronä jȩcui̧nö̧ji̧nö̧tä̧ i̧jȩcuä̧ra̧'a̧ttö̧. Jitämä cuijähuajutä ja̧'a̧ adihua'a 'cua̧rö̧nä̧ kä̧ju̧mä̧. ⁵³ Ja̧hua̧nö̧ ja̧'a̧ttö̧, TTO ppa̧da̧cua̧sä̧ pä'äji ta'anö̧ cuiäre micuäu juei cu̧ju̧nä̧rö̧nä̧ o'catoi'önä̧ ppeyänä̧ ka̧cuä̧tö̧rö̧'inä̧, ja̧hua̧ta̧'a̧nö̧ Samaria'inä̧ ppeyänä̧ ka̧cuä̧tö̧rö̧'inä̧; Ja'huätö jö̧ ta̧'a̧nö̧ cuiäre micuäu juei cu̧ju̧nä̧rö̧nä̧ jȩchä̧cua̧jä̧. ⁵⁴ Ja̧hua̧nö̧ ji̧nomenä̧ cua̧monä̧tä̧ dä'ä ttu̧cuä̧cua̧jä̧; Ja̧hua̧nö̧ jȩcui̧na̧'a̧ttö̧ pätetö pä'ähuajutä cu̧jä̧cua̧jujä̧, ja̧hua̧nö̧ cusurähua'a toputä tta̧'cua̧ tȩmä̧cuo̧tö̧. ⁵⁵ Ja̧hua̧nö̧ ja̧'a̧ttö̧ cuijähuaju Sodomamä̧ ki̧tti̧mucu̧ pä'äji kö̧jinö̧ta'nö̧tä̧ adicuaju päji'äcuaju, ja̧hua̧ta̧'a̧nö̧ Samaria'inä̧ ki̧tti̧mucu̧mä̧ täbocu kö̧tä̧muttö̧ iyähuäji̧nö̧ ppa̧'a̧dä̧cuä̧hua̧ju̧ käcuaju. Ja̧hua̧nö̧ jo̧menä̧tä̧ ucu cui̧tti̧mucu̧mä̧ pä'äji ttö̧ji̧nö̧tä̧'a̧nö̧tä̧ pätti'äcuotö. ⁵⁶ Cuijähuaju Sodomamä̧ ji'qui̧cha̧nö̧'inä̧ pä'ähuocoju pinä̧ju̧ ucu cu'adihuänä̧ cu̧ji̧nö̧mä̧, ⁵⁷ ucu suronä̧ jȩcu̧'inö̧ i̧jȩcuä̧chö̧ juiyäimä̧. Ja̧'hua̧nö̧ ja̧'a̧ttö̧ jitämä kö'cähuocö jui jä̧'i̧nö̧'a̧nö̧ tottäcuajä Edom ttö̧ja̧mä̧ ja̧'hua̧ta̧'a̧nö̧ Filistea ttö̧ja̧ ppeyänä̧ ka̧cuä̧tö̧'inä̧. O'catoi'önä̧ ppeyänä̧ ka̧cuä̧tö̧mä̧ ttojö'cococuajä. ⁵⁸ !Suronä̧ jȩcu̧'i̧nö̧tä̧ 'cuäopa'anä̧ cuami'qui'ächi'i! !Ja̧hua̧nö̧tä̧ pä'ösä CU̧RU̧HUA̧MÄ̧! ⁵⁹ TÖ̧Ä̧NÄ̧HUA̧ Dios pa̧'a̧nö̧ pä'ö: Ttö jȩchä̧cua̧sä̧ ucuru pä̧huä̧rö̧ja̧'a̧nö̧tä̧, Ucumä kö'cocö pinöjä̧ jueö huȩnȩ jiäcuähuä pä'inöjä̧ cuiyöttömä chi̧yä̧cua̧jä̧ yaparetä ji̧na̧'a̧. ⁶⁰ Ja̧'hua̧nö̧ ja̧'a̧nö̧ Ttötä chamöcuädäcuasä̧, Ttö'inä cuiyöttömä chiyäcua̧jä̧ pädinö, ucuru möäya̧ cu̧ji̧nö̧ mo̧ro̧, ja̧'hua̧ta̧'a̧nö̧ jȩchä̧cua̧sä̧ ucucu jareönä beipächö juiyönä esecu kä̧cuä̧huä̧. ⁶¹ Ja̧'hua̧ta̧'a̧nö̧ ucumä cuamöcuädäcua̧jä̧ ucu cu̧ji̧nö̧ ja̧'hua̧ta̧'a̧nö̧ dä'ä ttucuä̧cua̧jä̧ ucböotö̧'i̧nä̧, cui̧jä̧huo̧tö̧'i̧nä̧. Ttö chi̧yä̧cua̧jä̧ cui̧tti̧mö̧ jö̧nä̧, ja̧'hua̧nö̧ ja̧'a̧nä̧ Ttö chiya'a ucu'inä chiyäcua̧jä̧ pä'chäcuähuä juiyönä. ⁶² Ttötätä ja̧'a̧ ucucu chutodetä̧cua̧mä̧, ja̧'hua̧nö̧ jo̧mȩ Ttörömä CHUÄ̧NÄ̧HUA̧ ja̧'a̧ pä'ö cu̧huo̧juä̧cua̧jä̧. ⁶³ Pi̧yȩ jȩ'cui̧nö̧ amäcuädömä, dä'ä ttu̧cuä̧cua̧jä̧, ja̧'hua̧nö̧ suronä jȩ'cui̧nö̧ dä'ärö̧jö̧mä̧ ucuocuocö cuä̧cu̧qjä̧, o'ca juiyönä suronä jȩ'cuä̧ji̧ jȩpö̧ chi̧cuo̧mȩnä̧mä̧. Pi̧yȩ ja̧'a̧ TÖ̧Ä̧NÄ̧HUA̧ huäjuönä ji'ähuö icumä.