¹ Ja̧'hua̧nö̧ ja̧'a̧ a̧'cua̧ru̧hua̧mö̧ cäepinäcu̧sä̧ ja̧'hua̧nö̧ cä'epö TÖ̧Ä̧NÄ̧HUA̧ ö̧jode äpate kä̧hua̧ räopa'acu kate ko̧mȩcu̧ ȩpi̧nä̧cu̧sä̧, kä̧hua̧ räopa'acu to̧pä̧rö̧ ka̧cuo̧mȩcu̧ ja̧'hua̧nö̧ ja̧'a̧ ju̧huȩnȩ mä̧nä̧ttö̧ äpatenämä veintecinconö huotö umätö ka̧cui̧nä̧tö̧. Azur i̧tti̧ Jaazanías'inä, Benaía i̧tti̧ Pelatíasrö'inä jahuätö ttö̧'cä̧tȩnä̧ ttö̧ja̧ ttuhuotörö'inä topinösä̧. ² TÖ̧Ä̧NÄ̧HUA̧MÄ̧ päinäcu̧sä̧: Ttö̧ja̧sa̧ i̧tti̧, pitö ja̧'a̧ suronä jȩä̧cuä̧huä̧ rä'epätömä ja̧'hua̧ta̧'a̧nö̧ pi̧yȩ ötahuiyättö suronä jȩä̧cuä̧huä̧ amöcuädö jȩpö̧ ku̧nä̧tö̧mä̧. ³ Jahuätömä pä'ätö: Jitä pi̧yȩ pä̧nä̧mä̧ odehuiyä ttadita pä'ömä jo̧cá̧'a̧, pi̧yȩ ötahuiyämä uribatä ja̧'a̧ ja̧'hua̧ta̧'a̧nö̧ ujutumä idepä huotöjä̧. ⁴ Ja̧'hua̧nö̧ ja̧'a̧ttö̧ ji'ähui jahuätörö surojö 'cuä̧o̧pä̧cuä̧. 'Cuä̧o̧pä̧cuä̧ ji'ähui ttö̧ja̧sa̧ i̧tti̧." ⁵ Jaunu o'ca'a TU̧RU̧HUA̧ a̧cua̧ru̧cua̧ ttönä käbä̧dö̧ päinö : "Päittö: Pa'anö päö TU̧RU̧HUA̧MÄ: Pa'anö a uhuocuätöjä ucutumä, oh Israel ttö̧ja̧; Cuamucuädätucuome cuäopomeínä huo̧jua̧sä̧. ⁶ Ucutumä suojötä röä̧dä̧tö̧jä̧ ttö̧ja̧rö̧ cuäö icuätä piyȩ ötahuiyätömä jahua'anö ja̧'a̧tö mänä jäyänämä ja̧u̧ta̧ suadacha'a. ⁷ Jahuaja̧'a̧tö̧, TU̧RU̧HUA̧ TTÖÄ̧NÄHUA̧MÄ piyȩ päuö: Ttö̧ja̧ ucutu ttidepänä cuä'cuäpu huijätucuä̧u̧mä Jerusalén kä'co päteö rutäjätöjä, pi̧yȩ ötahuiyänämä uriyu jö̧nä. Jahua'anö ja̧'a̧nä ucuturumä juorö räepu ihuäcua'a. ⁸ Ucutumä rohuähuö'inä ye'ecuätöjä, jahua'anö ja̧'a̧ttö̧ TTÖTÄ ucuturu 'cä̧chö iyösä rohuähuäcuä'chumä, pi̧yȩmä TU̧RU̧HUA̧ TTÖÄNA̧HUA̧ huäjuetö jiäu. ⁹ TTÖTÄ räepu chihuähuotöjä ja̧u̧ ötahuiyättömä, kara'atö i'chähuähuotö ttumunä chiyäcuotöjä, TTÖTÄ chi'cächäcua̧sä̧ ucuturu ro̧ȩcuä̧mä̧. ¹⁰ Ucutumä tohueäcuotöjä curä'chuttutä. TTÖTÄ ro̧dȩpä̧cuä̧sä̧ Israel ttö̧ja̧ tti̧rȩjä̧ beipomettö, Ucututä cu̧huo̧chi̧a̧tu̧hua̧ päö pidetä ja̧'a̧ iso päiönä TU̧RU̧HUA̧MÄ. ¹¹ Pi̧yȩ öyahuiyämä uriyu dahuähuäyu mäcö̧, ucutu'inä idepämäcö̧jä̧ jahuätöttömä. Ttötä ro̧dȩpä̧cua̧sä̧ Israel bȩi̧pä̧ro̧mȩttö̧mä̧. ¹² Ja̧'hua̧nö̧ ja̧'a̧ topötä cu̧huo̧juä̧chi̧'ä̧cuo̧tö̧jä̧ isopai'önä TTÖTÄ JA̧'A̧ CU̧RU̧HUA̧TU̧CU̧MÄ̧, ja̧u̧ta̧ ja̧'a̧ hueinö ja̧hua̧ta̧'a̧nö̧ pa̧'a̧nö̧ jȩpö̧ kä̧tu̧cui̧ päinö'inä jȩpo̧co̧tö̧ pinätöjä. Ja̧hua̧nö̧ jo̧ca̧'a̧, pi̧jä̧ ttö̧ja̧ huettötä jȩpö̧ ka̧cuä̧tö̧jä̧," ¹³ 'cuäopäcua'a pä'ö jidähua'anä 'cuópina'a, Benaia i̧tti̧ Peletias, korupä'i'inö. ja̧hua̧nö̧ päi'omenä chihueöquiyunä chö'ä rȩjȩcu̧ ma̧'ä̧mö̧ pä̧i̧cu̧nä̧ huopö ajuähuinösä̧ pa̧'a̧nö̧ pä'inösä̧: "Isó CHU̧RU̧HUÄ̧ CHÖ̧Ä̧NÄ̧HUA̧, ¿Ucumä o'catoi'önä Isralnä ka̧cui̧pi̧nä̧rä̧tö̧rö̧'i̧nä̧ si'epö cui̧cuä̧cua̧jä̧?" ¹⁴ TÖ̧Ä̧NÄ̧HUA̧ i̧huȩnȩ ttörö rȩbȩhui̧na̧'a̧ pä'inö ttörö: ¹⁵ Ttö̧ja̧sa̧ i̧tti̧ ¡Ucu cui̧jä̧hua̧tö̧! ¡Ucu cui̧jä̧hua̧tö̧! ¡Ucutu umätömä ji̧nä̧ yotöte ttö̧ja̧jä̧ ja̧'hua̧ta̧'a̧nö̧ o'catoi'önä Israel odehuiyänä ka̧cuä̧tö̧rö̧! ¡Jahuätörötä ja̧'a̧ jiähuinäu̧mä̧ isopäi'önä ju̧huȩnȩ ttö̧ja̧cua̧'a̧ttö̧ Jerusalénnä: ¡Turuhuotömä dö'ecuächätucui! pi̧jä̧ rȩjȩmä̧ ujuturu iyähui'inä̧jä̧ sobucuächönä ujututä tu̧ju̧nä̧ra̧ pä'ö. ¹⁶ Ja̧'hua̧nö̧ ja̧'a̧ttö̧ ji'ähuitö TÖ̧Ä̧NÄ̧HUA̧MÄ̧ pa̧'a̧nö̧ pä'ötó: Ja̧hua̧nö̧ ja̧'a̧ ttömä kara'a oto chupporädinä̧u̧jä̧ ko̧ro̧jä̧ra̧'a̧, ja̧'hua̧nö̧ ja̧'a̧ttö̧ pperetö chicuinä̧u̧jä̧ ko̧ro̧ rȩjȩ pönä. Ttömä huinösä̧ jahuätörömä ucuo ro̧ö̧ i̧sa̧ jö̧nä̧ beö mo̧ro̧tä̧ pi̧jä̧nä̧mä̧ jahuätö tti̧'cho̧mȩ pönämä. ¹⁷ Ja̧'hua̧nö̧ ja̧'a̧ttö̧ ji'ähuitö: TÖ̧Ä̧NÄ̧HUA̧MÄ̧ pa̧'a̧nö̧ pä'ötó: Ttömä pä'äjita'anö ppa̧dä̧chä̧cua̧sä̧ ucuturu ko̧ro̧jä̧ra̧'a̧ pperetö chicuina'attö̧ koro ötahuiyära̧'a̧, ja̧'hua̧ta̧'a̧nö̧ Ttömä pä'äjita'amö chö̧ca̧ca̧tä̧cua̧sä̧ ucuturu cui̧rȩjä̧tu̧cu̧ chiya pä'ö Israel rȩjȩ. ¹⁸ Pä'äjita'anö ppa̧ttä̧chä̧cuo̧tö̧ jahuätömä tti̧rȩjä̧ra̧'a̧ ja̧'hua̧ta̧'a̧nö̧ be'epö tticua pä'ö o'ca juiyönä surojö jȩpö̧ ttö̧ja̧cuä̧'i̧jö̧, ja̧'hua̧ta̧'a̧nö̧ kö'cähuocö jȩpö̧ ttö̧ja̧cu̧ ja̧huä̧jä̧nä̧ kä̧nö̧. ¹⁹ Chami iso'qui chiyähuäcua̧sä̧, ja̧'hua̧nö̧ Ttö jareönä a̧'cua̧rö̧ kä̧cuä̧huä̧ chi̧yä̧cua̧sä̧ jahuätörö Ttömä ttidepättö ttami iso'qui ido'qui jä̧'i̧nö̧'a̧nö̧ 'qui'ätörö rä'epö chi̧cuä̧cua̧sä̧ ja̧'hua̧nö̧ ja̧'a̧nä̧ chi̧yä̧cua̧sä̧ ttidepättö ttami i̧so̧'qui̧. ²⁰ Ja̧'hua̧nä̧ ja̧'a̧ jahuätömä chiäre hueähuänä cue'ächö ttö̧jä̧cuo̧tö̧, jahuätömä Ttö ruhuo huedötä jȩ'cuä̧cuo̧tö̧jä̧, ja̧'hua̧nö̧tä̧ jȩttä̧cuo̧tö̧, ja̧'hua̧nö̧ jȩttö̧mä̧ ucutumä Ttö chumöhuäyotö huotöjä̧, ja̧'hua̧ta̧'a̧nö̧ Ttömä ucutu CU̧Ä̧NÄ̧HUO̧TU̧CU̧ Diosä. ²¹ Jahuätö yapare ttö̧ä̧nä̧hua̧ tätähuä'ca jȩpä̧'chö̧ kä̧tö̧mä̧, jähuätörömä adiu topinö̧jä̧ pä'ö jädepä̧cua̧sä̧, Ttö cu̧ru̧hua̧tu̧cu̧ Diosmä chi̧huȩnȩ chi̧yä̧cua̧sä̧. ²² Recuätö Querubines ttujuabiyä cä'epinö̧rö̧ ja̧'hua̧ta̧'a̧nö̧ jahuätö tti̧dȩa̧'a̧nä̧ kärächö ki̧na̧'a̧ ja̧'hua̧ta̧'a̧nö̧ TÖ̧Ä̧NÄ̧HUA̧ usärö Israel ttö̧ja̧ ttu̧ru̧hua̧ ki̧nö̧. ²³ Ja̧u̧nu̧ o'comenä TÖ̧Ä̧NÄ̧HUA̧ usärömä cä'ecuächö kä̧mä̧di̧na̧'a̧ bäreu ötahuiyänä ja̧'hua̧ta̧'a̧nö̧ kä̧mä̧di̧na̧'a̧ ötahuiyä bäreö möä'canä huȩjö̧ kä̧hua̧ räopa'acu'inä. ²⁴ A̧'cua̧ru̧hua̧mä̧ cäepinä̧cu̧sä̧, ja̧'hua̧nö̧ cä'epö Caldea ttidepiyura̧'a̧cu̧ i'cächinä̧cu̧sä̧, korojä̧ra̧'a̧ ttȩpi̧nä̧u̧ ttö̧jo̧mȩcu̧, TÖ̧Ä̧NÄ̧HUA̧ a̧'cua̧ru̧hua̧nä̧ i̧jȩpi̧nö̧mä̧ ja̧'hua̧ta̧'a̧nö̧ i̧jȩcuä̧cha̧'a̧ ttö tochinömä toepo'ina'a. ²⁵ Ja̧u̧ jä̧ji̧ o'ca'a korojä̧ra̧'a̧ ttȩpi̧nä̧u̧rö̧ ji'ähuinö̧sä̧ o'cajuiyönä TÖ̧Ä̧NÄ̧HUA̧ i̧jȩpa̧'a̧ tochinömä.